Reflexão Dominical
II Domingo Advento – Tinan B
LEITURA I : Isaías 40,1-5.9-11
SAL. RESP. : Salmo 84 (85)
LEITURA II – 2 Pedro 3,8-14
EVANGELHO – Marcos 1,1-8
Ita tama ona ba Domingo daruak tempo Advento nian. Advento mak biban kmanek (tempo favorável), uluk nana’in atu hafoun fali ita nia relação ho Maromak, ita nia Aman doben nebé nunca abandona ita, maske dala barak ita hadók-an husi Nia. Espiritualidade tempo Advento nian mak rona Maromak nia futar Liafuan liu husi nia profeta eh manu ain sira nebé convida ita atu loke fuan-laran ba Maromak nebé hakarak hamós no hafoun fali ita moris ho Nia graça domin no kbiit perdão nian.
Liturgia domingo nee nian oferece convite ida ba conversão eh fila neon-laran ba Maromak no hatúr fali confiança katak Maromak nunca husuk ita mesak, liu-liu iha momento todan no moruk liu ita nia moris nian. Marómak pronto nafatin atu haraik mundo foun ida ba ita ida-idak: mundo liberdade nian, justiça, domin no dame nian, sárak, ita brani simu Maromak nia futar Liafuan hodi muda ita an husi fuan laran no moris fali iha valores sira Reino Maromak nian nebé Jesus Cristo lori mai.
Iha leitura dahuluk, foti husi “Livro da
Consolação” profeta Isaias nian (cf. Is. 40-55), profeta Isaias koalia ba povo Israel nebé iha momento ida (fase final Exílio Babilónia nian – entre 550-539 a.C.), nebé balu neon kraik, desorientado no laran susar hodi husu: tanba sa mak Maromak hanesan abandona hela sira hodi terus iha todan exílo Babilónia nian? Futuro kona ba Promessa Maromak nian nebe sei hafoun hikas buat tomak, sei acontece ka lae?; balu fali la interesse tan atu fila fali ba rai moris fatin Jerusalém, tanba sira sente moris diak ona iha rai gentiu sira nian no la preocupa tan ona ho promessa Maromak nian kona ba rai foun no graça Terra Prometida nian.
Deutero-Isaias (auyor nebé atribui ba caps. 40-55) mosu iha contexto ida nee hodi haklaken no consola fali Judeu oan sira atu labele lakon esperança. Katak, maske dalan hanesan nakukun, futuru hanesan laiha certeza, maibé, Marómak rasik sei mosu mai hodi liberta nia povo no hasai sira husi rai atan Babilónian nian, hanesan uluk Maromak halo ona ho Israel nia beiala sira wainhira terus iha rai Egipto. Exodo foun sei mosu mai, Moisés foun sei mosu mai, loron foun sei mosu mai, basta povo labele lakon esperança no loke fali sira nia fuan hodi rona Maromak nebe futar lia tun liu husi nia profeta eh manu ain sira (cf. Is 40-48). Tuir mai iha segunda parte livro nian (cf. Is 49-55), Maroomak promete atu harí fali Jerusalém, nebé funu halo sai tiha ahu-kdesan, iha nebá, Maromak sei haraik fali ksolok no dame nebé laiha rohan.
Ita rona, Maromak haruka nia profeta atu haklaken “consolação” ba “Jerusalem nia fuan” (vers. 1). Imagem “koalia ba fuan” refere ba relação domin entre Maromak ho Nia Povo, entre doben na’in rua: o amado e a amada, o esposo e a esposa. Maromak koalia ba fuan laran, ho domin, ternura atu nian Povo Doben labele lakon esperança. Novidade consolação nian mak: perdão Maromai nian nebé boot liu sala hotu-hotu povo Israel nian (vers. 2). Povo exilados sira dala barak sente katak Maromao fontodan boot nee ba sira tanba sira nia pecados. Nunee sentimento culpa nee halo povo Israel sente neon nakraik no lakon esperança. Maibé, Maromak, liu husi nia profeta haklaken katak: “o tempo da rutura e do afastamento terminou e chegou o tempo do reencontro, o tempo de refazer a comunhão e a Aliança”.
Ho roman leitura dahuluk nee hanorin katak, Maromak nunca abandona, hewai no hakribi ita Nia oan doben sira, maske sala oi-oin ita halo ona hasoru Nia. Buat nebe importante liu mai ita hatene rona Maromak nia futar Liafuan la’os deit ho tilun, maibé liu-liu ho fuan laran.
Imagem rua nebé profeta temi iha primeira leitura: rai-fuik-maran (deserto) no bibi-atan (pastor). Imagem rua nee, ida refere ba experiência Êxodo nian. Maromak nebé garante salvação, libertação ba Nia povo.
[8:25 pm, 9/12/2023] Pe Natalino Gusmão: No nuudar Pastor, Maromak nuudar Ida nebé nunca abandona nia bibi sira (povo). Nia promete atu halibur sira hamutuk fali no garante moris ida nebé fecundo tanba haraik ba sira fatin no ai-han kmanek naresin ba moris. Ida nee mak moris foun nebé Maromak hakarak oferece ba nia povo nebé rona nia ho fuan laran.
Iha contexto Exílio Babilónia nian, referência kona ba “caminho pelo deserto” hatudu momós katak, Maromak prepara hela Êxodo foun
[8:27 pm, 9/12/2023] Pe Natalino Gusmão: ida ba nian povo. Nune’e, hirak nebé rona Maromak nia futar Liafuan ho fuan laran, sei hetan liberdade ida nebé lolós.
Iha ita nia mundo nebe nakonu ho terus, funu no injustiça oi-oin, ita mos bele husu, tansa buat hirak nee mosu?
Maromak iha nebé?
Loos katak, dala barak ita buka Maromak, ita fo sala ba Maromak, maibé, iha roman leitura dahuluk nian hatudu katak, Maromak nunca hakarak nia povo atu hetan terus no susar. Ao contrário, ita rasik mak, hodi abandona valores sira Reino Maromak nian, valores sira Evangelho nian, ita hakiak no haburak hahalok injustiça, egoismo, individualismo, funu, terus, violência no hahalok aat seluk tan nebé la nahas.
Oras nee, Maromak convida ita ida-idak atu labele lakon fiar no esperaça. Importante liu mak ita rona ho fuan laran Maromak nia futar Liafuan hodi confia no moris tuir.
Iha leitura daruak, liu husi carta daruak Pedro nian, ita rona “testamento eh lia menon ikus” São Pedro nian. Concretamente, São Pedro, nuudar autor ba carta ida nee, convida nia maun alin no bin feton sira atu conserva eh kaer metin nafatin hodi moris tuir hanorin sira nebe sira simu ona (tradição Apostólica), no la monu ba lasu doutrina foun no falço sira nebe buka atu hasés sira husi fiar lolós iha Jesus Crist, to’o loron Jesus Cristo hi’it-An hikas mai (parousia).
Autor ba carta nee (S. Pedro) apresenta nia an tuir nia vocação nuudar, servidor eh atan no apóstolo Jesus Cristo nkan (cf. 2Pe 1,1), sásin na’in transfiguração nian (cf. 2Pe 1,16).
Hahalok S. Pedro nian nuudar exemplo importante ida iha vida comunidade cristã nian: ita ida-idak eh fiar na’in ida-idak, liu-liu hirak nebé hetan liu naroman kona ba Maromak nia futar Liafuan, iha obrigação atu hatutan Liafoun diak Maromak nian no Evangelho Maromak nian ba maun alin sira nebé kiik no kbiit laek liu. Portanto, hodi tulun malu, haklaken ba malu iha comunidade cristã nia leet mak fiar na’in sira consola malu no hakbiit malu atu “vigilantes e preparados” nafatin, “serbisu” nafatin ho piedade ba Maromak nia Reino, “metin nafatin iha fiar” no “hadók-an” nafatin husi pecados.
Iha Evangelho ita rona versículos dahuluk Evangelho nian, nebé apresenta “confissão da fé Cristológica eh Messiánica”.
Iha +/- the nan 66 d.C., imperador Nero hala’o perseguição boot tebew ba cristão dahuluk sira iha Roma, capital império nian. São Pedro no São Paulo mos martirizado iha período ida nee hamutuk ho ema cristão lubun ba lubun. Iha duni contexto nee mak, cristão barak nakdoko ho sira nia fiar iha Jesus Cristo. São Marcos nebé hatene didiak situação nee, hakerek nia Evangelho hodi conforta, consola no fo kbiit ba nia maun alin no bin feto fiar na’in sira nebe tauk no laran rua-rua kona ba identidad Messiánia Jesus Cristo nian: “Jesus, o Messias, é o Filho de Deus. Essa é a Boa Notícia que deve sustentar os cristãos de Roma, perseguidos por causa da sua fé em Jesus”.
Estrutura principal husi texto dahuluk Evangelho São Marcos nian apresenta mai mai ita kona ba: missão João Baptista nian nu’udar mensageiro eh manu-ain, percursor Messias nian (vers. 2-3), evangelista compara mos João Batista hanesan profeta Isaias nebé convida povo ba conversão; tuir mai kona ba, ninia pregação eh kerygma: “apareceu no deserto a proclamar um batismo de penitência para remissão dos pecados”
(vers. 4). Tuir catequese judaica nian, Messias só hi’it-An mai wainhira Israel nakfulak sira fuan laran hodi sai comunidade santa de Deus. Tan nee mak exige hadi’a no halós dalan tuir sentido espiritual: purificação no transformação espiritual rafical (metanoia). São João Batista nia kerigma halo iha deserto, imagem caminho de purificação (êxodo) a busca da verdadeira identidade.
João Batista nia haklaken iha rai fuik maran, fo hanoin fali ba israelita sira kona ba: “a necessidade de voltar ao “deserto”” atu bele descobre fali sira nia verdadeira identidade no verdadeiro destino.; tuir mai, kona ba reação ouvintes nian, ita tona katak “ema hotu-hotu eh toda a gente”, refere ba universalismo da salvação, katak maksoin, Messias nebé mai ba ema hotu, no necessidade da convesão ba ema hotu-hotu atu bele simu Messias (vers. 5); tuir mai kona ba: João Batista ninia estilo de vida (vers. 6): nebé ligado ho estilo de vida profeta Elias nian (2Re 1,8). Profeta Elias mak iha universo esperança judaica nian, profeta ida nebe hi’it sa’e ba hamutuk ho Maromak no sei mosu hikas mai iha ema nia leet atu haklaken era Messiánica nian (cf. Mal 3,22-24).
Nune’e ho identificação profeta rua nee, refere ba era Messiánica nebé atu to’o daudaun; no ikus liu kona ba João Batista nia sasin eh testemunho kona ba Jesus (vers. 7-8): Messias libertador mai ho kbiit eh “força” hodi halo “batismo iha Espírito”. Iha Bíblia no catequese profética, presença Espírito Santo nian significativo tebes atu ”hafoun hikas rai tomak” (cf. Is 9,6; 11,2). Messias mai ho kbiit Maromak nian no Nia missão mak atu comunica Espírito Santo hodi transforma, hafoun hikas rai-klaran no ita ema nia fuan laran.