Reflexão Dominical – Domingo I Advento – Tinan B

Tempo Advento: la’os simplesmente periodo preparação ba Natal eh he’in Na’i nebe atu hi’it- An mai iha presença Kosok Oan Jesus, maibe liu-liu, hola fali consciência kona Maromak Nia Reino nebe horik ona iha ita nia leet, liu husi nia futar Lia-fuan, sinais no nia hahalok kmanek sira (palavras, sinais e prodigios), maibé ita seidauk hatene rona, fiar no simu Nia (cf. Jo 1,11; Mt 28,18-20; Mc 16,19-20). Natal, katak Jesus Cristo moris iha ita leet (Emmanuel), hatur iha ita nia hahalok: simu eh la simu Jesus nia futar Lia-fuan no fiar iha Nia nu’udar ita nia Maksoin ida mesak.

Iha Leitura dahuluk, apresenta apelo importante ida Maromak nian husi profeta Isaias nia ibun katak, Maromak nudar “Aman” no “Redento”. Nia sei hi’it An mai dala ida tan hodi salva povo Israel husi sala no haraik ba sira fuan foun ida (um coração novo). Profeta Isaias ho laran metin teb-tebes haklaken ba povo Israel identidade Maromak nian nu’udar Maromak domin na’in no laran-sadi’a na’in (misericordioso). Maromak ida ne’e duni mak la’o hamutuk nafatin ho povo Israel iha nia história tomak.

Iha Leitura daruak, hatudu oinsa Maromak hatudu-An no presente iha história no liu-liu iha comunidade fiar-na’in sira nia moris, liu-husi dons no carisma oi-oin. Dons boot liu mak graça Maromak nia futar Lia-fuan nian, dame no conhecimento kona ba mistério sira Maromak nian liu husi Jesus Cristo. Dons no carisma sira ne’e hotu convida fiar na’in sira atu sai sasin kona ba gratuidade husi graça Maromak nian to’o loron Na’i Jesus Cristo hi’it An hikas mai. Nune’e, ho roman liafuan São Paulo nian, comunidade cristã ida-idak tengki husu nafatin, se Maromak nia graça horik, moris no buras iha sira nia leet ka lae?

Iha Evangelho: Jesus halo apelo importante ida ba Nia escolante sira atu matan-moris-neon- na’in (vigilantes, repete dala tolu) nafatin. Texto evangélico ida nebe difícil atu ita cumprende tanba Jesus apresenta nia hanorin sira iha linguagem profética-apocalíptica. Buat nebe ita bele reflete husi versículos evangélicos ne’e mak: Jesus nia discurso kona ba destino Jerusalém nian nebe sei rahun ne’e, acontece molok Jesus Nia terus no mate (Paixão e a Morte), iha loron hirak nebe mosu polémicas radicais entre Jesus ho líderes judaicas sira kona ba Jesus nia “hanorin sira (ensinamentos)” (cf. Mc 11,20-13,1-2). Iha loron ikus Jesus ni avida terrena ne’e, iha ona “Jardim das Oliveiras” mak, Jesus koalia ba escolante balu nebe representa comunidade cristâ (cf. Mc 1,16-20): Pedro, Tiago, João no André, cf. Mc 13,3), hanorin naruk no enigmático ida nebe hanaran “discurso escatológico” (cf. Mc

13,3-37). Discurso escatológico Jesus nian la’os refere no destinada ba grupo especial ida de’it, maibe lia-menon eh apelo forte ida ba comunidade fiar na’in hotu-hotu atu la’o nafatin ho confiança iha Jesus Nia futar Lia-fuan no laran metin atu hola parte iha Reino Foun Maromak nian, hafoin reino tuan Jerusalém nian rahun (cf. Mc 13,5-23), uluk nana’in ho Jesus nia sacrifício iha Cruz rasik. Ponto principal saida mak Jesus hakarak hanorin ba Nia escolante sira? Primeiro, kona ba certeza escatológica: Maromak nia Reino sei manán buat aat hotu. Jesus sei hi’it-An mai fali hodi hafoun no harí Reino Maromak nian. Segundo, kona ba missão escolante sira nian no comunidade cristã nian desde Jesus nia mate no moris-hi’as to’o ba rohan husi história ita ema nian (final da história humana). Matan-moris-neon-na’in (vigilância) no laran-metin iha Jesus nia futar Lia-fuan mak, hahalok eh atitude principal no importante liu nebe Jesus nia escolante ida tenki iha perante acontecimento aat oin-oin no desafios todan liu história humana nian. Escolante Jesus nian eh fiar-na’in ida labele hanoin rua-rua kona ba lia-los (verdade) husi Jesus nia hanorin, hanesan atitude contrário líderes judaica sira nian. Discurso escatológico nebe, antes, apresenta iha forma aiknanoik ne’e, representa relação entre Jesus (dono da casa) ho nia escolante sira (atan sira/servos no hein-na’in oda- matan/porteiro). Fahe serbisu molok la’o ba rai dook katak, fo fiar, husik hela dons oi-oin ba escolante sira. Ema ida nebe molok husik hela nia uma (mundo nu’udar mos Maromak nia uma), refere ba Jesus nebe fila hikas ba Nia Aman nia Kadunan, nebe fo poder tomak, tau fiar eh confia hela ba nia escolante sira knaar atu tau matan ba Nia uma no harí Maromak nia Reino hodi fo fuan tuir knaar nebe sira simu husi uma na’in lolós. Ne’e katak, escolante Jesus nian ida labele tonca liman de’it hodi buka di’ak ba nia an rasik de’it, explora mundo no ema seluk hodi halibur riku-soin mundo nian ba nia an rasik de’it hodi haluhan tiha knaar nebe Jesus confia ba nia. Escolante Jesus nian ida mos, labele tauk, hakfodak, neon taridu resin wainhira hasoru todan hirak nebe mosu iha mundo ne’e. Jesus rasik manan ona mundo no diabo nia ukun sira hotu (cf. Jo 16,33; 1 Pd 5,9; Mt 4,1-11). Imagem “atan eh servos” no “hein na’in oda-matan eh porteiro” importante tebes atu cumpreende identidade discípulado, escolante no fiar-na’in ida nian. Tebes, “atan ida labele boot liu nia Mestre” (cf. Lc 6,40). Escolante ida, la seluk la leet, nu’udar “servidor da palavra de Deus” (cf. Mc 16,15). Nune’e, Uma- Kreda tengki sai Uma Maromak nia futar Lia-fuan nian. Ba ita nia Uma-Kreda particular, knaar “hein na’in oda-matan eh porteiro” ne’e pertinente eh crucial tebes iha missão Uma-Kreda nian, enquanto ideologia no desafio foun oi-oin mosu mai atu sobu no harahun identidade religiosa Timor oan nian.