Reflexão Dominical
Domingo I tempo Quaresma Tinan B
18 de fevereiro de 2024
I Leitura : Gn 9,8-15
Salmo Resp: 24 (25)
II Leitura: 1 Pd 3,18-22
Evangelho: Mc 1,12-15
Ho ahu-kdesan nebé ita simu iha rentós Quarta-feira liu ba: “Hakribi salan, fiar Evangelho”, ita tama ona iha tempo forte liturgia nian be hanaran Quaresma, loron haat nulu nebé Santa Kreda bolu hikas fali nia oan doben sira atu la’o ba Loron Glorioso Páscoa nian, liu husi dalan hakribi sala eh fila fuan- laran ba Maromak (conversão – metanoia). Convita ida ne’e significa, fiar na’in ida-idak tengki hola fali consciência kona ba nia natureza nu’udar: criatura, sala-na’in (pecador) no finito (la dura ba beibeik) nebé precisa hafoun-an fali ho Maromak nia graça domin no perdão nebé restaura fali ita nia identidade nu’udar “ilas no tanesan” Maromak nian (cf. Gn 1,26-27).
Iha leitura dahuluk, Nóe sai nudar figura importante ida kona obediência total ba Maromak nia futar Lia-fuan. Iha Génesis 7,1 hateten: “Noé mak ema ida mesak (único) nebé justo (loos) iha nia geração”. Nia ema ida nebe justo, katak moris loos iha Maromak futar oin, tanba, maske iha nia tempo, hahalok aat eh perversidade (kejahatan) ema nian buras maka’as tebes, Noé mak ema ida nebe metin nafatin iha moris loos tuir Maromak nia hakarak. Tanba ne’e, Maromak salva nia husi catástrofe dilúvio nian no corrupção humanidade nian (cf. Gn 6,1-22). Maromak hatudu dalan ba Noé no nia família, oinsa atu bele salva husi todan dilúvio nian no “Noé halo buat hotu tuir lolós buat nebé Na’i haruka” (cf. Gn 6,22). Dilúvio bíblico nudar imagem ida kona hahalok aat no fuan toos ba Maromak nia futar Lia-fuan, no ikus mai, Maromak decide harahun humanidade. História ne’e, hetan nia abut husi lenda rai Mesopotâmia nian nebé fiar katak, Maromak la nonók wainhira ema, Nai Maromak nia criatura rasik fila kotuk ba Nia hodi halo sala hasoru nia. Dilúvio ka wé inan boot nebé hamós eh purifica ema husi sala ne’e, tuir mai, sai nudar simbologia wé Baptismo nian nebé kasu ita ema husi salan sira. Imagem dilúvio nian representa, Maromak nebé fase mos tiha humanidade ho criatura tuan hotu nian husi hahalok aat sira, no hamosu eh hahoris fali husi wé foun – Batismo foun – Aliança Foun – Criatura foun – humanidade foun ida. Texto nebé ita rona iha domingo ne’e, apresenta situação post-dilúvio nian, wainhira Maromak hapara ona catástrofe sira dilúvio nian, Noé ho nia família la hetan susar ida no sira ho arca (fó boot ida) desembarca fali iha rai maran ho dame, ema hirak nebé moris harí altar ida ba Maromak hodi hasa’e mos holocausto. Iha biban ne’e, Maromak halo aliança hodi promete katak Nia sei la fo tan castigo ba ema ho forma ida be todan tebes hanesan dilúvio (cf. Gn 8,13-22). Na’i Maromak haraik bênção ba Noé no nia família no fo fiar ba sira atu tau matan eh cuidado criação sira (cf. Gn 9,1- 7). Nune’e, Noé ho nia família sai nudar ‘humanidade foun’ nebé moris husi wé hafoun-an (purificadora) dilúvio nian. Ida ne’e mak Aliança dahuluk nebé Maromak halo ho humanidade (Aliança daruak mak, ida be Maromak halo ho Abraão – cf. Gn 17,1-14; Aliança datoluk mak Aliança solene ida nebe Maromak halo ho povo Israel iha Sinai – cf. Ex 19,3-25). Característica principal husi primeira Aliança ne’e mak: “Maromak laran-diak ba nafatin ba nia criatura sira hotu”, Maromak hakribi eh laran hirus ho salan, maibé Maromak la hakribi ema maksalak sira. Tanba, Maromak rasik hola iniciativa atu “halo di’ak ba nafatin iha situação hotu-hotu humanidade nian, biar ita ema fila fali ba perversidade, hahalok aat, Maromak sei la troca nia Aliança domin rohan laek nian ho castigo”. Tanba Aliança be Maromak halo ne’e rohan laek eh eterna: “de hoje e sempre – hodi ohin ba oin”. Maromak ida ne’e duni mak Maromak lolós, Criador de todo o universo, Aman laran-diak rohan laek, hanesan Salmo 136,1-26 hateten: “Dai graças ao Senhor porque Ele é bom, porque a sua bondade é eterna”.
Tempo Quaresma, tempo ida atu ita reconhece fali Maromak nia laran-diak iha ita nia moris, maske ita ema maksalak, Maromak nunca kolen no para atu oferece nia domin no perdão gratuito mai ita. No iha biban hanesan, Quaresma mak tempo graça atu fila fuan-laran fali ba Maromak, tanba Maromak nia laran-diak rohan laek ba ita ema maksalak sira. Nia buka atu salva ita no, la’os atu castiga no hamate ita. Iha roman leitura dahuluk nian, hanesan mos ba Noé, Maromak nia futar Lia-fuan convida fali ita atu hola atitude da luta “contra corrente”, katak, contra dilúvio pecado nian. Ne’e katak, maske lia-los falso nebé mundo cria oin ida hodi hamosu perversidade ka hahalok aat oi-oin, hodi dala barak doko mos ita fiar na’in sira nia fiar ba Maromak, maibé, ita ema fiar na’in tengki brani tuir buat sá mak loos tuir Maromak nia hakarak. Iha lian inglês dehan: “Don’t follow the majority, but follow the right way”. Ba ita fiar na’in “the right way”, mak Maromak nia futar Lia-fuan rasik: “lâmpada para os meus pés é a tua palavra, e luz para o meu caminho” (Sl 119, 105).
Iha Evangelho, São Marcos haktuir katak, Jesus hafoin simu tiha Baptismo iha mota Jordão, Espírito Santo lori Nia ba rai-fuik-maran (deserto) atu satanás tenta eh koko Nia. No Jesus hela iha rai- fuik-maran loron haat nulu (cf. Mc 1,12-13). Iha teologia Israel nian, rai-fuik-maran mak, fatin especial eh previlegiado ba ema nia hasoru malu ho Maromak (cf. Dt 1,31; 2,7; Sl 78,15-16; Jer 31,2-3). Deserto mos nudar fatin prova eh Maromak koko nia emar sira nia fiar, no fatin tentação atu hili: la’o tuir Maromak eh abandona Maromak (cf. Dt 8,2; Nm 14,2-3.26-29; Is 40,3). Iha evangelho domingo ne’e nian, haktuir katak, Jesus hela iha deserto loron haat nulu nia laran. Iha Antigo Testamento, número haat nulu refere ba biban oi-oin tempo caminhada povo Israel nian ih arai-fuik-maran, wainhira sai tiha ona husi fatin terus atan nian, la’o ba terra prometida (cf. Ex 16,35; Dt 8,22-4). Refere mos ba tempo nebe Moisés hela iha foho Sinai nia tutun hodi horik hamutuk ho Maromak (cf. Ex 34,28). Refere mos ba tempo naruk Profeta Elias la’o ba Horeb (cf. 1Re 19,8). Tempo ho simbologia haat nulu nee, ita bele cumprende hanesan tempo simbólico prova eh tentação nian, maibé, ao mesmo tempo, hatudu, Maromak nia intervenção eh campur tangan hodi salva nia emar no hatudu dalan loos ba Nia profeta sira. Tempo simbólico ida nee duni mak, biban nebe satanás (originalmente significa adversário, acusador eh funu baluk – cf. Sl 109,6; Jb 1,6-12) mosu mai hodi tenta Jesus. Satanás mosu mai nudar espírito aat nebé funu hasoru Espírito Diak, Espírito Santo, maibé iha luta nee, espírito aat laiha kbiit atu manán Espírito Santo, Espírito Jesus nian. Tentação espírito aat nian, hanesan ita lee detalhado liu iha Mt 4,1-11 no Lc 4,1-13, hatudu katak, dalan nebé espírito aat usa hodi tenta Jesus mak ‘manipula lia-los eh verdade”. Nee significa, wainhira ema ida la hatene saída mak ‘lia-loos eh verdade” (cf. Jo 16,13), ema nee fácil tebes atu monu ba laço, ciladas eh perangkap satanás nian. Lia-loos nia hún mak moris iha Espírito Santo nebé fundamenta-an iha graça Sacramento Batismo nian: “Wainhira Espírito Lia-loos nian hi’it An mai, Nia sei lori imi ba lia-loos hotu; tanba Nia la koalia kona ba Nia An rasik, maibé sei dehan buat hotu nebé imi rona tiha ona no sei fo sai ba imi buat hotu be sei mai” (Jo 16,13). Tempo Quaresma, tempo kmanek no graça no tempo maksoin atu haboot fali ita moris no ita nia klamar iha presença Espírito Santo nian.