PALÁCIO DO GOVERNO – Conferência Episcopal Timorense, (CET) liu husi amu Bispo nain tolu; Dom Norberto do Amaral, Bispo de Maliana e Presidente da CET, Dom Virgílio Cardeal do Carmo da Silva, SDB Arcebispo Metropolita de Dili e Pró-Presidente da CET no Dom Leandro Maria Alves, Bispo de Baucau hamutuk ho Monsenhor Marco Sprizzi, ohin Quinta Feira, 15 de fevereiro de 2024 assina acordo hamutuk ho Vice Primeiro Ministro, Eng. Mariano Assanami ho comitiva iha Palácio do Governo Dili, objetivo husi assina acordo ne’e, kona ba alocação orçamento Subvenção Pública ba tinan 2024 husi Governo ba Igreja Católica iha Timor Leste. Montante orçamento nebé sei aloca ba Diocese tolu iha Timor, hamutuk 15 milhões, tanba ne’e cada diocese ida sei hetan 5 milhões.
Ami hakarak hatete mos katak, alocação orçamento refere hatuur iha baze legal husi acordo nebé Estado República Democrática de Timor Leste (RDTL) halo ho Estado Vaticano (Santa Sé) iha fulan Novembro tinan 2015, iha nebé artigo 11 no alinhea 1 nebé sublina katak Estado RDTL sei haraik ba Igreja Católica, contribuição financeira anual, conforme orçamento nebé maka disponível, contribuição ne’e Governo oferece ba Igreja Católica atu bele tulun atividade Social, Educação no Governo Igreja nian (Governo Eclesial).
Iha intervenção Dom Virgílio Cardeal do Carmo da Silva nian ba média sira, haktuir katak, molok too iha faze ida assina acordo ne’e, igreja liu husi diocese tolu, submete antes ona sira nia proposta ba governo, no proposta refere passa husi Parlamento Nacional no hetan aprovação maka ikus mai lori ba too iha assina acordo refere. Iha sorin seluk vice primeiro ministro, Eng. Assanami salienta liu tan katak, Governo reconhece papel igreja nian ligado ho serviço social no educação, tanba ne’e liu husi orçamento refere bele intensifica liu tan prestação serviço igreja nian ba área sira nebé menciona ona.