Dom Leandro Maria Alves Bispo de Baucau no Presidente Comissão de Comunicação Conferência Episcopal Timorense nian hamutuk ho Coordenador Geral comissão ne’e nian Pe. Bento Barros Pereira participa iha encontro annual Federação Conferências Bispos Asiáticos-Ofício Comunicação Social nian nebe tinan ida nee 2026 halao Iha Macau (FABC-OSC) husi 27-31 de Outobro.
Encontro annual ne’e halo hodi reflete no partilha entre membro sira kona ba realidade comunicação ohin loron nian no kona ba assuntos importante iha mundo comunicação nian relaciona ho Santa Creda ninia moris no ninia knar atu haklaken Maromak ninia reino. Tinan ida ne’e encontro annual be realiza iha Macau halao ho tema; “Magnifica Humanitas ho Evangelização tuir dalan sinodalidade nian iha Àsia. Comunica Cristo iha Era Artificial Inteligência”. Tema ida fundamenta iha Santo Padre Leão XIV ninia Encíclica Magnigica Humanitas. Tema ida nebe tulun tebes atu igreja iha Àsia reflete kona ba ninia knar evangelização tuir ninia contexto no realidade meios de comunicação Inteligência Artificial nebe lori benefício maibe mos lori desafio barak ba igreja atu halao ninia knar usa instrumento sofisticado ida ne’e.
Encontro Annual FABC-OSC tinan ida ne’e nian hahu iha loron 28 fulan Outobro 2026 ho Missa Abertura presidida husi Bispo Macau nian Dom Stephen Lee Bun-sang, no comcelebrada husi Bispos ho padres sira nebe participa iha encontro annual ne’e. Missa nee celebra iha Seminário histórico, Seminário de São José nebe forma ona missionários barak hodi ba haklaken iha rai Àsia no bam undo. Iha ninia homilia Dom Stephen hatete katak: “Jesus bolu ita ema sira ho it aida-idak ninia limitação nebe iha hodi servi ema seluk. Ida nee fo hanoin mai ita sira katak atu haklaken Evangelho precisa humildade, moris besik ema sira no desejos atu acompanha ema sira be ita servi iha sira ninia luta sira hotu ba sira ninia moris. Prelado Diocese Macau nian ne’e realsa husu ba bispo sira Àsia nian hamutuk ho professionais comunicação media ho comunicação igreja nian atu acolhe modelo missionário nian idea nee tamba ohin loron mosu mos desafio evangelização nian ida mak realidade mundo Inteligência Artificial nee”. Oinsa maki ta usa didiak meios sofisticado ida nee hodi haklaken diak liu tan Cristo ninia Evangelho.
Depois da celebração eucarística Dom. Leandro Maria Alves ho Padre Bento Barros Pereira fo mos biban hasoru malu ho Seminaristas ho Padres Timorenses nebe oras nee halo hela sira ninia estudo iha Seminário no iha Universidade de São José Macau. Hafoini da ne’e, Dom Leandro hamutuk ho participante sira seluk continuda ho halo visita guiada ida ba seminário refere no ba Campus Universidade de São José nianmolok hahu primeira conferência nebe hato’o husi Dr. Victor Lam ho tópico: “Husi Pastoral ba Evangelização”. Nudar orador dahuluk Dr. Victor hateten katak Santa Creda tem que lori “Sabedoria de Coração ka Sabedoria Fuan nian” tama ba mundo digital, usa Inteligência Artificial nee hodi bele too ba ema hotu no guia sira ba relação human ida nebe auténtica no ba too vida nudar sarani ka igreja.
Conferências sira ba loron dahuluk nian sei iha mos intervenção husi orador nain rua seluk nebe koalia kona ba relação Igreja ho Inteligência Artificial, Dr. Levi sei lori tópico “Magnifica Humanitas”, no Professor Dr.Leo R Ocampo koalia kona ba “Buat Saida mak Ita hari?” Iha Discernimento kona ba Uso AI.
Encontro Loron dahuluk nee nian taka ho Partilha no Discernimento iha Espirito Santo kona ba Oinsa ita Usa AI iha ita ninia Contexto? Iha Comunicação Social no Iha Ita ninia Ministério. Oinsa ita usa halo diak liu tan?. No mos nudar Igreja Àsia nian oinsa mak ita bele responde hamuutk nudar Creda ba realidade AI nee.
Iha loron sira tuir mai participantes sira sei ba rona tan husi oradores sira tópico importante sira hanesan: Ai ho Evangelização iha Àsia; Tinan 450 Evangelização no Comunicação iha Àsia; no Magnifica Humanitas: Evangelização ho modelo Sinodalidade nian iha Àsia nebe sei hatoo husi Cardeal Luis António Tagle.
Encontro Annual FABC-OSC tinan 2026 nian marca mos ho visitas ba fatin histórico sira rai Macau nian no sei taka ho celebração Solene Aniversário ba dala 450 Diocese Macau nian
(P.Benito)