Reflexão ba Missa Kalan Fahe-rua – Tinan B
24 dezembro 2023
I Leitura : Is 9,1-6
Sal. Resp. : Sal 95 (96)
II Leitura : Tit 2,1-14
Evangelho : Lc 2,1-14
Dala ida tan ita celebra festa boot Natal, katak celebra hahalok domin no boot liu hotu Maromak nian nebé haruka Nia Oan Mane mesak Jesus Cristo tun mai mundo hodi moris iha ita le’et no haraik salvação ba mundo no ita ida-idak. Tuir Sagrada Escritura, processo eh história revelação Maromak nian ba humanidade hetan nia climax iha evento mistério da Encarnação Jesus Cristo nian mai mundo (cf. Fp 2,5-8; Jo 1,14).
Liturgia vigília Natal nian ne’e, Uma-Kreda coloca iha ambiente kalan nian, nebé contempla nakukun nebé nakfilak ba naroman, tanba ROMAN NIA NA’IN oras ne’e transforma ona reino nakukun, reino lalatak mate nian no reino aat nian ba reino foun ida, nakonu ho justiça, lia-los (verdade), dame, domin no ksolok lolós. Reino foun ida ne’e, “Kosok Oan ida mak lori mai”. Jesus, “Kosok Oan nebé moris ona ba ita”. Kosok Oan ne’e duni mak fo fali sentido lolos moris nian tuir profecia messiânica eh lia haklaken nanis kona ba Maksoin husi profeta Isaías. Kosok Oan ne’e duni mak tun mai husi Lalehan nudar “Pão Moris (bēyît – lēḥem = casa do pão) ba humanidade nebé hamlaha ba moris lolós, liu husi Nia haraik-An, Ninia hanorin no hahalok moris sira kona ba domin no dame nian. Jesus nia moris, significa “Reino Foun” Maromak nian to’o ona mai, halo An ba Mane iha Jesus Cristo no horik ona iha ita leet hodi haroman ita neon no fuan nebé nakukun kona ba mistério sira domin Maromak nian. Ida ne’e duni mak “Boa Notícia eh Lia-Foun di’ak ba humanidade”, liu-liu ba ema ki’ik, kiak no mukit sira. Nune’e, celebra Natal katak simu Jesus iha ita nia fuan-laran no brani husik “Kosok Oan” ne’e, haroman ita no ukun ita nia moris ho Ninia Ukun-Fuan domin, dame, lialós no perdão nian.
Contexto histórico Leitura dahuluk nian hatúr iha tempo ida nebé, povo Israel quase lakon esperança total kona ba nia futuro salvação nian tanba, mais ou menos hafoin liurai David nia ukun (+/- sec. XI a.c.) nebe hatúr buat hotu iha dame no estabilidade, tuir mai, iha final do século VIII a.C., iha fase final vida profeta Isaías nian, Israel monu iha ukun reino boot pagão ida naran Assíria. No liurai sira Israel nian, em vez de, laran metin eh tau neon iha Maromak, sira infiel ba Maromak hodi buka fali força (alianças políticas) iha kbiit sira mundo nian. Então, liurai Israel nian naran Ezequias, em vez de confia iha tulun Maromak nian, nia tauk reino boot Assíria nian no buka dalan hodi halo aleados ho reino sira hanesan Egipto, Fenício no Babilónia hodi bele funu hasoru no conquista reino boot Assíria nebé ukun no hanehan hela povo Israel. Maske nune’e, sira nia força la to’o atu manán reino Assíria no liurai boot Assíria nian naran Senaquerib, manán aleados sira ne’e hotu, tuir mai, kona ba reino Israel nian, liurai Senaquerib domina tiha reino Judá no ukun tiha reino Jerusalém nian tomak (701 a.C.). Iha ambiente triste, frustrado, oprimido no desespero nee mak, liurai Ezequias lakon nia poder no tem que selu tributo ba liurai Senaquerib. Selu tributo katak, Israel hakruuk no sai atan ba Assíria. Iha contexto ida ne’e duni mak, Profeta Isaías mosu mai hodi fo fali esperança ba povo Israel nebé la’o hanesan iha nakukun laran no iha lalatak mate nia laran (cf. Is 9,1). Katak, Maromak mak Na’in ba povo Israel. Maromak rasik sei mai hodi hatúr fali justiça no restaura fali direito povo Israel nian. Maromak nee duni mak sei mai hodi halakon funu, injustiça no ukun kbiit na’in sira nian. “Kosok Oan” ida husi tubun eh derasán liurai Davíd nian sei mai soi povo doben Maromak nian ne’e. Nia mak Conselheiro Admirável, Deus forte, Pai eterno, Príncipe da paz. Título sira nebé refere ba Maromak rasik iha Bíblia no religiosidade povo Israel nian (cf. Gen 7,1; 17,7; 49,24; Sal 132,2.5; Is 25,1; 28,29; Dt 10,17; Jr 32,18; Sl 24,8; Is 11,6-9; Mi 5,4; Zac 9,10; Sl 72,3.7; 1 Sm 24,12). Ita acompanha karik história povo Israel bíblico nian, profecia kona ba “Kosok Oan” nee mak “Jesus Cristo” rasik nebé moris halo-An kiak no mukit iha rai Belém. Kosok Oan ida ne’e duni mak mosu mai hodi halakon tiha funu, ódio, vingança, terus no tanis husi ukun aat nian, hodi oferece no harí fali reino foun ida ksolok, domin no dame rohan laek nian. Ho roman leitura dahuluk ne’e, loke ita nia neon no fuan-laran katak, “Kosok Oan” nee duni mak DOM eh expressão aas, kmanek, kmo’ok no murak liu DOMIN Maromak nian ba Nia “povo be la’o iha nakukun laran no iha lalatak mate nian” (cf. Is 9,1). Simbologia “Kosok Oan eh Menino” hatudu gesto único Maromak nian hodi salva humanidade, katak la’os ho poder ema nian, maibé iha simplicidade no humildade mak Maromak loke dalan ba salvação.
Iha Evangelho, São Lucas, hanesan mos evangelista sira seluk (Mateus, Marcos no João), nia objectivo principal kona ba haktuir evento sira Jesus nian, la’os atu conta história cronologicamente tuir categoria científica história moderna. Maibé, sira nia objectivo boot liu mak apresenta catequese ida kona ba Jesus nuudar Maromak nia Oan Mane nebé tún mai mundo, hasoru malu ho ita ema hodi haraik gratuitamente salvação eh moris lolós no moris rohan laek nian. Saida mak São Lucas hakarak haklaken ho narrativa Lc 2,1-14 nee? Iha pontos barak nebé ita bele reflete, maibé hau acentua deit ponto haat. Primeiro,referência kona ba fatin moris iha Belém, Judá; iha altura decreto ba recenciamento husi Cesar Augusto (ukun entre 27 a.C. e 14 d.C.), wainhira Pôncio Suplício Quirino mak governador Síria nian (por volta do ano 6 d.C), refere liu-liu kona ba VERDADE husi acontecimento mistério Encarnação nian. Nee, indicação ida mais teológica que geográfica ho cronológica, wainhira ita estuda contexto história Novo Testamento nian. Segundo, wainhira ita acompanha “quadro do nascimento”, São Lucas descreve pormenor balu kona ba situação kiak, mukit, simplicidade, kbiit-laek, fatin laiha no haraik-An Maromak nia Oan Mane nian hodi mai moris iha mundo. Nee hatudu katak, Maromak usa duni maneira ka dalan kiak mukit nia hodi tama mai história humanidade nian. Maromak la impõe Nia presença ho força, kilat ka kro’at, osan ka publicidade hodi conquista no manán ita ema nia fuan-laran. Maibé, Nia mai ho hahalok domin no haraik-An. Terceiro, interessante ita nota katak, ema kiak sira mak sai prioridade, bibi-atan kiak no mukit sira be laiha fatin kmanek atu hela ba, mak rona uluk liu notícia kmanek no ksolok ne’e, no la’os ema boot sira nebé ukun iha tempo nebá. Ida ne’e duni mak segredo rahun diak no bênção Messiânico eh Natal nian, katak, ita sei la consegue cumprende hodi simu Lia-foun kmanek Maksoin nian be Anjo sira haklaken:”Glória ba Maromak iha leten aas ba no dame iha rai-klaran ba ema sira be Nai hadomi”. Quarto, kona ba título messiânico: “Nia mak Salvador, Cristo Na’i” (Ele é o Salvador, Cristo Senhor). Iha época São Lucas nian, liafuan “salvador” aplica ba imperador sira no maromak sira em pagão eh gentiu sira nian. São Lucas, hodi tau título Salvador ba “Kosok Oan” foin moris nee, hatudu katak, Jesus Cristo deit mak liurai lolós no absoluto no Maromak ida mesak. Título “Cristo” (grego) eh iha liafuan hebraico Messias (o Ungido de Deus), refere ba liurai boot ida, povo Israel rasik nudar o ungido de Deus, maibé liu-liu refere ba Salvador povo Israel nian nebé sei mai husi descendência liurai David nian (cf. Dan 9,25; Jo 1,40-45; Jo 18,36). Nudar resumo, ita bele reflete no contempla katak, iha “quadro do nascimento” Jesus nia moris nian ne’e, São Lucas acentua kona ba lógica eh Maromak nia dalan hodi salva humanidade. Hahalok ida nebe ita bele expressa ho liafuan ida: kénōsis = hamamuk-An (renunciação, self-emptying, pengosongan diri): “No entanto, esvaziou-se a si mesmo, tomando a condição de servo. Tornando-Se semelhante aos homens, e sendo, ao manifestar-Se, identificado como homem,” (Fp 2,7). Ida ne’e mak mistério Natal nian nebe convida ita atu banati-tuir.