CET (04-09-2026) – Sarani sira fo sasin no hatoo sira nia sentimento ba prelados restos mortais iha esplanada Tasi-Tolu Dili.
Hafoin urnas husi prelados nain tolu fila husi Portugal no halibur hamutuk ho urna Dom Alberto Ricardo iha esplanada Tasi Tolu, sarani católica sira halo visita no fo homenagem ba prelados sira. Iha momento sira visita no homenagem nian, sarani mos hato’o sira nia sentimento no sasin kona ba prelados hirak nee.
Sarani Laurinda Saldanha Alberto Souza haktuir katak Amo sira neé hanesan ami nia sacerdotes no amo sira neé mak halo serviço ba igreja no ba povu Timor-Leste. Amo Dom Jaime Garcia Goulart nuúdar primeiro Bispo Diocese de Dili no nia hahu loke escola missionário iha Soibada no nia nuúdar primeiro Bispo iha Timor laran no Amo Dom Jaime Garcia Goulart mak fo crisma ami iha igreja Balide iha tinan 1965.
Nudar sarani católica maske loron manas ou rai kalan sira nafatin halo visita ba urnas prelado nain ha’at. Tanba Prelados sira hela metin ona iha Timoroan sira nia fuan liu husi sira nia testumnha moris nebé sira fo ona ba Timoroan sira bainhira sira sei moris. Nunee Francisca Ximenes fo sasin katak “Amo Dom Jaime Garcia Goulart mak fo krisma ba ami iha Baucau no amo Dom Martinho mak hanorin ami primeiro comunhão no senti kontente nuúdar sarani Timor agradese ba Maromak atu fo naroman mai Timor”|.
Entertanto, catequista paróquia Motael Denis haktuir katak Nia Conhese muito bem Monsenhor Martinho Da Costa Lopes no Dom Alberto Ricardo Da Silva. Nia fo testemunha katak iha tuku rua kalan iha tempu Indonesia no iha tempo nebá situaçao manas no ema labele halo buat ida maibe ho aten brani iha tuku rua kalan catequista Denis ho Dom Alberto Ricardo ba fo casamento iha mota ulun baliza entre Aileu ho Ermera.
Iha biban hanesan, Joven Raimilia Paiva hatoo nia sentimento tristeza ba Prelados nain haat be oras nee la iha ona sarani Timor ninia leet, maibe haksolok tamba sira nia sacrificio, dedicação no apoio hotu nebé sira halo ona ba povo Timor-Leste hodi ohin loron igreja no rai Timor sai hanesan nee ona. Iha sorin seluk Libania mos sente agradecido tebes ba prelados nain tanba liu husi prelado sira nia serviço makaas sarani tomak iha Timor bele conhece diak liu tan Maromak nia evangelho no mos fiar metin liu tan iha igreja católica. Nunee nia realça tan katak Se uluk amo sira neé la brani atu haklaken Jesus nia hanorin iha Timor hau senti oras ne dadaun neé ita nia fiar sei namlele. Hau fiar katak ho amo nain haat ninia presença iha tempu uluk liu nunee ohin ita bele sai buras liu iha ita nia fiar (Nlcia).