CET (07.09.2026) – Intituição Estado no Governo segunda ne’e (07/09) halo sira nia últma homenagem ba Urnas Dom Jaime Garcia Goulart, Dom José Joaquim Ribeiro, Monsenhor Martinho da Costa Lopes no dom Alberto Ricardo da Silva iha Esplanada Tasi-Tolu, Dili
Iha momento presta homenagem nee, Presidente Parlamento Nacional Maria Veneranda Lay hatoo nia agradecimento ba governo Portugal no Timor-Leste nebé mak lori ona restos mortais mai iha Timor. Tanba ho prelados restos mortais hirak ne’e bele lori laran luak mai ita Timor tomak atu hetan reconciliação e moris iha paz ba futuro Timor nian.
Iha fatin hanesan Funcionário husi Presidencia da República mos halao presta homenagem ba prelados hirak ne’e. Nunee, Acessor Principal Presidencia da República nian hateten katak ba Bispo nain haat merese atu presta homenagem, tanba ho presença Bispo nain haat nebé ho história naruk Timor nian, sira sai matadalan hodi fo naroman no tulun processo rai doben Timor-Leste, nebé ohin ita sai nação indepedente.
Iha biban presta homenagem nian, Presidente Tribunal Recurso Afonso Carmona haktuir tan mos katak ita iha fé ba igreja tanba contibuição no dedicação prelados sira nian iha tempo passado liu husi sira nia ação pastoral sira. Ita fe iha igreja tanba sira husik hela história ida iha tempo funu.
Entretanto, iha biban kmook ne’e mos Ministro Assuntos Combatente da Libertação Nacional (MACLN), Gil da Costa Monteiro “Oan Soru” hatoo hodi ministério, veteranos no combatentes sira hotu nia naran mai presta homenagem ba Bispo sira hotu hatoo sentimento agradecimento ba Na’i Maromak liu husi prelado sira nebé serbí ona rai Timor ne’e. Tanba Bispo sira serviço iha nebé deit sira nia oração ne’e ba ema hotu hotu quando cidadão sira ne’e hanesan ema católica.
Iha sorin seluk, Vice Cordenador Geral Comissão Organizadora Igreja nian, Padre Guilhermino da Silva haktuir acto de homenagem nebé sarani sira halo hahu husi loron primeiro wainhira Urnas husi bispo nain 4 nia presença iha Esplanada Tasi-Tolu ne’e katak acto de homenagem ne’e hanesan previlégio ida ba povo Timor tomak. Hanesan sarani iha obrigação hakarak hatudu sira nia domin, sira nia fiar ba iha sira nia prelados. Comissão fo oportunidade ba sarani tomak atu bele fo homenagem ba iha prelado sira nebé oras ne’e daudaun iha Capelinha Tasi-Tolu nian. Homenagem halo kedas desde dia 1 to’o ohin loron, povo sira mai tama iha ne’e no fo sira nia homenagem.
Padre Guilhermino hatutan tan katak, loron ohin tuir sequência nebé iha Instituição Estado no Governo sira mak sei hato’o sira nia homenagem ba prelado sira. “Desde urnas prelados nain tolu to’o iha Timor tanba iha dia 2 urna Monsenhor Martinho nian ba tiha iha Manatuto, Laleia e depois iha nebá loron rua hafoin mai fali Tasi-Tolu, no Dom Jaime nian iha loron nebé hanesan sai ba iha ISFIT. Então urnas sira ne’e hela de’it rua e la completo iha ne’e. Tanba hare ba Urnas sira completo ona, ohin mak fo prioridade ba Instituição Estado no Governo hodi presta sira nia homenagem, dehan Pe. Guilhermino.