CET (08.09.2026) – Comissão Organizadora ba Transladação restos mortais prelados nian nebé composto husi Governo no Igreja Católica realiza Conferência Imprensa iha Esplanada Tasi-Tolu hodi informa kona ba processo transladação ba restos mortais prelados husi Tasi-Tolu mai iha Sé Catedral Dili iha dia 10 de setembro de 2026.
Vice CO Padre Guilhermino da Silva hanesan porta voz fo sai oficialmente ba público kona ba ordenamento trânsito Rute Comvoi nian, regras ba cerimónia transladação restos mortais nian nebé sei halao iha 10 de setembro de 2026.
“Atu garante ordem público, segurança no dignidade ba cerimónia ida ne’e, informação no orientação sira nebé fo sai ba população tomak mak hanesan tuir mai, Primeiro, Santa missa no acto oficiais sira iha Tasi Tolu sei hahú iha horas tuku lima lorokraik. Celebração Santa eucaristia iha Esplanada Tasi-Tolu sei preside husi Sua Eminência Dom Virgílio Cardeal da Silva SDB, Arcebispo Metropolitana de Dili no Presidente da CET, hamutuk ho Amu Bispo Diocese Maliana no Baucau ho religioso, religiosa no sarani sira tomak. Hafoin missa sei continua ho discurso oficiais sira husi CET, Le Leitura despacho de agradecimento no discurso husi Dom Norberto do Amaral Bispo Diocese de Maliana no Pro-Presidente da CET, Monsenhor Marcel Smkjl no Presidente RDTL dehan Pe. Guilhermino.
Pe. Guilhermino reforça tan katak, Hafoin de missa sei lori urnas prelados sira nian ba iha Sé Catedral Dili, nu’udar fatin descansa ikus nian.
Em relação ho transladação nia Pe. Guilhermino haktuir, “Comvoi ba transladação urnas restos mortais sei hahú husi esplanada Tasi Tolu, hakat liu rotunda Nicolau Lobato Comoro, Fatuhada, Kampung Alor alor, Aitarak Laran, no liu rua de Colmera no ba too iha Igreja Imaculada Conceição Catedral Dili. Iha catedral paroquiano catedral sei simu urna sira ho tradição Timor iha portão Igreja Catedral nian no sira sei lori ba to’o iha area determinado protocolar nian hafoin sei entrega ba iha seccão Ala Porta da Urnas nebé lidera husi capitão 5 ba too iha igreja laran. Too iha igreja laran hahú kedas ho funebre restos mortais sira nian too remata”.
“Ho ne’e, Sei iha continencia honras militares no tiru salvo iha igreja Catedral. Sira nebé tama iha linha comvoi nian mak Bispo sira ho orgão soberanos nação nian no convidados sira. Ba maluk sira nebé participa missa iha Tasi Tolu sei la ba tan Catedral Vila Verde. Sira bele acesso deit liu husi transmissão direta nebé RTTL ho GMN TV fo sai iha Tasi Tolu. Ba comvoi nebé liu husi dalan ka rute sira nebé temi ona iha leten, Estrada sei taka total provisório hahú oras tuku lima loraik too cerimónia funebre iha Catedral remata. Nune’e mobilidade membro governo no alta entidade sira la bele hetan engarrafamento ba too Caatedral ho oras nebé marca ona. Comvoi nebé naruk liu sei halo governo no alta entidade sira atraza. Tanba ne’e comissão husu atu convidados no alta entidade husi estado nian no igreja nian usa transporte nebé comissão prepara ona husi Tasi Tolu ba Catedral”. tenik Padre Guilhermino.
Ikus liu ba média sira, Padre Guilhermino hatutan tan katak “tanba questão fatin iha Catedral nebé limitado liuliu iha igreja laran, comissão indica deit mak jornalista husi RTTL ho GMN TV atu bele fo sai ka halo transmissão direta ba público Timor-Leste no mundo. Husu ba média sira seluk bele foti maturing ka output husi linha transmissão oficial RTTL no GMN TV nian ba publicação cerimónia haloot restos mortais iha Sé Catedral Dili”.
Padre Guilhermino hodi comissão organizadora governo no igreja nia naran “husu ba público atu iha coperação no apoio tomak husi Timoroan tomak no sarani sira nebé hela iha Dili laran, nune’e processo transaladação no funebre prelados restos mortais sira nian bele lao ho digno, dame no hakmatek”.
Iha fatin hanesan, Comadante PNTL Município Dili superentedente Chefe Polícia, Orlando Gomes mós fo sai kona ba regra sira ba processo transladação nian. Nia hateten katak sei taka dalan husi rota ninian ita sei taka hahú husi 3 horas, husi parte esquerda ita sei taka no sei husik parte direita mak sei halo movimento ba mai. Ita taka provisório para atu nune’e ita labele hamósu engarrafamento wainhira transladação lao ba mai tenke lao ho diak no lao ho sucesso.
Comadante ne’e dehan ba público katak “iha Tasi Tolu paragem tanto kareta público, kareta privado, motorizada sira hotu sei para iha tasi ibun Tasi Tolu too iha selamat Datang baliza entre Dili ho liquiça. Fatin nebé prepara iha Tasi Tolu sei tama deit husi ita ninia orgão soberano haat, ita nia membros parlamentos, governos ho entidade sira seluk, portanto, ho igreja amu Bispo sira, Padre sira no madre sira mak bele tama ba iha laran”.