Missa nebé Santo Padre preside iha quarta-feira nee iha Basílica Sagrada Familia, mak hanesan conclusão ba Santo Padre nia visita iha Barcelona.
Nunee, mais ou menos tuku 7 liu minuto 30 Santo Padre husik hela residencia arquiepiscopal iha Barcelona hodi hakat liu ba Aeroporto. Papa Leão XIV sai husi Barcelona iha Aeroporto Internacional Joseph Tarradellas ho aeronave A320 da Iberia, quinta-feira dader nee tuku 8 liu minuto 45 hodi hakat ba Las Palmas de Gran Canaria.
Iha Las Palmas de Gran Canaria Santo Padre halao kedas nia hasoru malu dahuluk ba Centro Acolhimento ba migrante sira no hasoru malu ho migrante sira iha Porto Arguineguin, nebé localiza iha Costa Sul ilha Gran Canaria nian. Fatin nee conhecido hanesan “Porto da Vergonha ka Porto Moe nian” tanba iha 2020, hafoin de início emergencia nebé provoca husi Covid-19, imigrante sira rihun tolu too iha nebá iha semana ida nia laran deit. Tanba causa husi pandemia, nunee, la iha ema ruma mak tama iha Porto nee. So Caritas mak organiza nia an hodi fo assistencia ba náufrago sira, fo hahan no material sanitário sira. Voluntário ida husi instituição nee sei apresenta sira nia testemunha ba Santo Padre entre apresentador sira seluk hanesan socorrista marítimo ida, sobrevivente husi tráfico humano empredendora migrante ida.
Iha hasoru malu nee, Santo Padre exorta katak mundo la bele cresce indeferente ba sira nia sofrimento no apela ba via migratória legal no Seguro, denúncia tráfico humano no exploração, no insisti katak “dignidade humana la iha passaporte no la lakon nia valor bainhira atravessa fronteira ida”.
Santo Padre mos reflete kona ba passagem evangelho São Mateus nian, Papa dehan katak Maromak nia liafuan sai concreta iha fatin sira hanesan Arguineguin, iha nebé ema too “quase atu lakon buat hotu, maibe sira nunca lakon sira nia realidade”. Iha nee evangelho hasai ita husi ita nia zona confortável nudar ema espectador ida no tau ita nudar mau-alin no bin feton ho sira nebé mak too mai (ho imigrante sira). Ida nee husu ita atu reconhece Cristo iha sira nebé tun husi ro, nebé nakonu ho tauk, hamlaha no violencia, depoisde aguenta husi deserto, kalan no tasi”.
Santo Padre Leão XIV sublinha tan katak política migratória tenke assenta ba respeito ba dignidade humana no apela ba via legal no seguro, proteção efetivo ba vítima husi tráfico sira, coperação internacional contra traficante sira no processo significativo ba acolhimento no integração.
Encontro nee remata ho homenagem floral no halo um minuto de silencio ida em memória ba sira nebé mate bainhira tenta atu ultrapassa tasi. Papa mos bença ba cruz nebé mak halo ho ai ro migrante nian iha Santuáro besik Nossa Senhora do Carmo, Padroeiro marinheiro sira nian.
Molok atu hakat sai, Santo Padre cumprimenta voluntário sira imigrante sira nebé halibur hamutuk iha tasi ibun nunee ninia alerta husi Porto no ba sira nebé iha sorin sorin:
“Ohin, iha tasi ida nee, individuo hotu nebé mai husu ami saida mak sei hela iha ita nia humanidade, (..) cedo ka tarde, sei hatene ita protege moris ka rende ba inderença.