Bangkok 9-11 de Junho de 2026, Dom Leandro Maria Alves, Presidente Cáritas Timor-Leste, acomapanhado husi Pe. Mário de Carvalho Soares, Director Caritas Timor-Leste participa iha Conferência Regional da Cáritas Asia no Forum de Parceiros da Cáritas Asia iha Bangkok, Thailandia. Conferência realiza husi loron 9-11 Junho 2026, ho tema “ Sensibilidade Sinodal, Sinergia no Espiritualidade”.
Iha loron dahuluk conferência niann, reflecte kona ba Cáritaa nia missão iha mundu. Sua Eminência Cardinal Isao Kikuchi, Presidente Cáritas International hateten: “ Igreja uluk nan’in tenke rona molok koalia. Caritas la’os hanesan organização baibain ida deit. Cáritas mak Coração da Igreja. Cáritas la’os simplesmente organização ida. Caritas mak Evangelho nebe visível liu hosi compaixão, proximidade no serviço. Ne’e katak hatene lê sinais dos tempos ho matan fiar nian. “Dala wa’in ema kiak sira mak evangeliza fali ita, sira hanorin ita kona ba pasciência, lia los, matenek no fiar. Ita la hanoin katak Caritas mak ida nebe fo deit, ita mos simu”
Kona ba Sinergia, sua Eminência dehan: desafio sira nebé humanidade enfrenta ohin loron complexo liu ba ema ida atu resolve mesak. La iha paróquia, Diocese, Cáritas nasionál, ou nação ida mak bele responde mesak, Ita precisa malu. Tan ne’e ita hanaran hakbiit comunhão no colaboração liu hosi cáritas confederções sira. Ita família ida, família cáritas. Confederação Sinodal katak la’o hamutuk ho fiar no fahe responsabilidade ba malu.
Kona ba Espiritualidade; Caritas la’os ONG. Ita nia missão abut metin iha hasoru malu ho Jesus Cristo. Espiritualidade katak harí no hametin buat hotu nebe ita halo, iha hasoru malu ho Maromak.
Ita servi tanba ita reconhece katak Cristo hela iha ema kiak sira, ema sira nebe terus no vulneravel , tanba ita rasik koko uluk ona Maromak nia misericordia.
Ita tenke hamoris no hakbit espírito solidariedade iha ita nia cultura no tradição sira Asia nian. Mundo ohin loron precisa sasin hirak ne’e : “ Cáritas tenki sai ponte ba divisão sira, sai ida nebe mais próximo ka besik liu wainhira mosu indiferencas, no Esperança ba sira nebe tauk”.
Missão Sinodal
Missão Sinodal nian bele define no descreve diak liu tan hanesan sasin ksolok iha mundo pluralista ida nebé, ema ida-idak iha direito ba nia fiar (Jo. 4:23-24).
Missão Sinodal ida mos mak atu cria sociedade foun ida nebe baseia ba justiça. Humanidade ida nebé democratizado mak objetivo ikus liu, iha nebé ema hotu sei iha moris ida nebé comprensivo hosi núcleo tolu hanesan: Igualdade, Liberdade no Fraternidade. Ema hotu-hotu sei contribui ba bem comum tuir ida-idak nia capacidade, habilidade no nia talento rasik. Missão sinodal ida mos atu cria cosmos foun ida ho baze iha Justiça.
Iha viagem sinodal laos ba nia an rasik, maibe ba formação socio-cósmico, lia fuan hosi Papa Leão XIV, missão ba libertação ida ba ema hotu inclui ho criação tomak. Cosmos foun ida nebe mosu sublinha buat tolu importante tebes mak hanesan: Furak, Qualidade no Integridade.
Iha Segundo dia de encontro parceiro Caritas Asia hato’o nia strategic Frame Work nian no parceiro global Cáritas Asia nian apresenta sira nia visão, Missão no sira nia prioridade estratégica ba participantes sira.
Encontro ho Caritas Internationalis no Caritas Asia.
Iha Segundo dia, 11 de Junho 2026, iha Bangkok Amu Bispo Dom Leandro, Presidente da Cáritas de Timor-Leste hasoru malu ho Presidente da Caritas Internationalis, Sua Eminência Cardeal Isao Kikuchi, Presidente da Caritas Asia, Dr. Benedict Alo D’Rosário, Secretario Geral Caritas Internationalis, Consultor Jurídico Cáritas Internationalis, Pe. Sanny ho Coordenadora Geral Cáritas Asia senhor Mungreyphy Shymray.
Iha encontro ne’e Caritas Asia ho Caritas Internationalis, apresenta sira nia comitmento hodi apoio Caritas Timor-Leste atu bele prepara nia requisitos atu adere ba membro Caritas Internationalis nian, iha Assembleia Geral Internationalis nian nebe sei halo iha fulan Maio 2027. Iha 12 – 13 de Maio Caritas Timor-Leste simu ona visita imprevista ida hosi Secretário Geral Caritas Internationalis, Senhor Alistair Dutton nebe mai visita tiha ona Caritas Timor-Leste, hodi hasoru malu diretamente mos ho Presidente Conferência Episcopal Timorense, Dom Virgilio Cardeal da Silva, SDB. Iha oportunidade hanesan Senhor Alistair mos visita diretamenteb Caritas Diocesana de Dili nia Escritório.
Iha encontro dia 11 de Junho iha Bangkok ne’e, Dr. Benedict Alo D’Rosário, Presidente Executivo da Cáritas Regional Asia nian, compromete sei mai visita Caritas Timor-Leste iha fulan Agosto 2026 iha evento Assembleia Geral CET nian hodi bele hasoru rasik CET no hare directamente preparação Caritas Timor-Leste nia adesão ba membro Caritas Internationalis.
Iha loron nebe hanesan Amu Bispo Dom Leandro ho Pe. Mario hasoru malu mos ho Caritas Austrália. Iha enccontro ne’e Cáritas Australia liu hosi Senhora Lana Hanley afirma Caritas Austrália nia comitmento hodi apoio Caritas Timor-Leste iha programa sira no mos iha preparação ba sai membro Caritas Internationalis, liu Caritas Australia Country Representative iha Timor-leste.
Caritas Asia fahe ba Sub-Região 4:
- Caritas Ásia Central:
- Cáritas Kazakhstan,
- Cáritas Kyrgyzstan,
- Cáritas Tajikistan,
- Cáritas Turkmenistan,
- Cáritas Uzbekistan
- Caritas Ásia Oriental :
-
- Cáritas Hong Kong,
- Caritas Korea (Korea do Sul),
- Cáritas Macau,
- Cáritas Mongolia,
- Cáritas Taiwan
- Cáritas Mongolia
- Caritas Ásia Meridional
- Cáritas Afghanistan,
- Cáritas Bangladesh,
- Cáritas India,
- Cáritas Nepal,
- Cáritas Pakistan,
- Cáritas Sri Lanka
- Caritas Sudeste Asiático
- Cáritas Cambodia,
- Cáritas Indonesia,
- Cáritas Laos,
- Cáritas Malaysia,
- Cáritas Myanmar,
- Cáritas Filipina,
- Cáritas Singapura,
- Cáritas Thailand,
- Cáritas Timor-Leste,
- Cáritas Vietnam
Entre Cáritas 27 iha Asia, Cáritas Timor-Leste ho Cáritas Laos hosi Sudeste Asiático mak seidauk sai membro ba Cáritas Asia no Cáritas Internationalis.
Iha terceiro dia de Conferencia cada membro Sub-Região Asia apresenta nia relatório do programa nebe implementa cada Caritas Nacional iha ida-idak nia sub-região.