Iha dia 19 abril, domingo loraik nee, Santo Padre Leão XIV reza terço hamutuk ho peregrino sira no iha Santuário “Mamã Muxima” iha Angola.
Iha domingo loraik nee, peregrinho sira halibur hamutuk iha Santuário Muxima hodi hein Santo Padre nia presença iha sira nia leet. Finalmente Santo Padre too duni iha sira nia leet, sauda peregrino sira no lao haleu sira ho kareta golf-cart no acompanha ho hino Muxima nian. Depois de ida nee, Papa Leão XIV tama iha igreijinha antiga Santuário nian no oferece ai funan ida ba Nossa Senhora, Papa reza ho sira, no hotu-hotu concentra ba terço Rosário nian. Cada mistério representa husi sociedade nebé diferente: seminarista ida, religiosa ida, labarik ida, familia ida no jovem ida. Depoisde terço rosário continua kedas ho ladainha, no taka discurso Papa husi Santo Padre Leão XIV.
Em primeiro, Prevost explica kona ba significado husi oração Terço nian. Oração terço hanesan devoção antiga nebé São João Paulo II define katak hanesan oração ba “haklalak ka gritar”Cristo nian ba mundo hanesan Na’I no Salvador.
Iha Santo Padre nia discurso, Papa fo hanoin fila fali katak iha século barak nia laran, iha tempo ksolok no triste hotu, hanoin fila fali mos ba circunstancia dolorosa tebes iha história nação nee nian. maibe, ho forma nebé discreta, Mamã Muxima moris nafatin iha fuan creda nian iha nebá, nebé halo husi ema barak nia fuan nebé hadomi, reza, celebra, tanis. No dala barak ema la bele ba iha nebá (Santuário) nee hodi halo oração, maibe haruka deit cartas no mensagem sira, pois, Mamã Muxima acolhe ema hotu, rona ema hotu no reza ba ema hotu.
Papa Leão salienta tan katak hanesan Maria, Maromak cria ita ba lalehan, no lao ho haksolok ba lalehan, haree ba Nia hanesan inan laran diak no modelo santidade nian, atu lori naroman ressuscitado ba ema hotu nebé mak ita hasoru. Santuário ida nee dedica ba Imaculada Conceição, nebé ita bolu “Mamã Muxima”nee hanesan título ida nebé halo ita hanoin kona ba Maria nia fuan nebé puro no matenek.
Reza Rosário, ita compromete an atu hadomi ema hotu ho fuan maternal, especialmente ba kiak sira, fo ba sira ai han, saude, educação, atenção ba idoso sira. Maria hanoin buat sira nee hotu no convida ita partilha ho solicitude. Santo Padre Leão XIV recorda ita hotu atu hanesan Maria: sai agente justiça no portador paz nian.
Iha fatin hanesan, Santo Padre mos refere ba Projeto Basílica nian nebé iha hela fase construção nia laran, nunee, Nia convida jovem sira atu foti ida nee sai hanesan sinal atu controi mundo ida nebé diak liu, acolhedor, sem injustiça, miséria, laiha desonestidade, iha nebé princípio husi evangelho nian inspira no forma fuan sira, estrutura sira no programa sira, nebé diak ba ema hotu. Atu domin mak tenke triunfo laos funu.
Santo Padre conclui nia discurso hodi dehan katak ita husik Santuário nee hanesan anjo sira moris nian, hanesan “anjos-mensageiros” moris nian, atu lori Carícia Maria nian ba ema hotu no benção Maromak nian ba ema hotu.