Santo padre Leão XIV husik Angola hodi halao visita apostólica iha Guine Equatorial mak hanesan etapa final husi nia viagem apostólica ba nasaun 4 iha África.
Papa Leão XIV hahu nia visita dahaat no hanesan mos etapa ikus husi nia viagem apostólica iha África. Nunee, Santo Padre hakat sai husi Angola iha terça dia 21 de abril dader nee, no ba iha Malabo capital Guine Equatorial.
Durante viagem Santo Padre koalia ba jornalista iha primeiro aniversário maktoban Papa Francisco nia loron mate. Santo Padre espressa nia gratidão bas dom moris nian nebé mak maktoban Papa Francisco halo ba igreija universal. Liu husi Nia gesto atenção sira no besik ba ema nebé kiak, moras, labarik sira no idoso sira.
Depois de oras rua ho balun viagem husi Angola mai Guine Equatorial, finalmente Santo Padre desembarca iha Malabo, capital antigo Guine Equatorial nian, iha ilha Bioko. Ema Guine Equatorial sira forma iha estrada, basa liman, hakilar no kaer Bandeira iha liman fo boas-vindas ba Santo Padre, Guine Equatorial mos hanesan único nação husi África nebé koalia lian Espanhol.
Depois de cerimónia Boas-Vindas iha aeroporto, Papa hakat kedas ba Palácio Presidencial, iha nebé halao encontro cortesia ida ho Presidente Teodoro Obiang Nguema Mbasogo, hanesan ema nebé assume knar nudar Presidente kleur liu iha África desde 1979. Iha Palácio Presidente Papa afirma fali Papa João Paulo II nia liafuan nebé descreve chefe de estado hanesan centro simbólico moris nação ida nian, estabelece clima social ba Liberdade autentico, justiça, respeito no promove direito ema hotu nian.
Tuirmai, Santo Padre mos encontro ho autoridade sira, menbro husi sociedade civil no corpos diplomáticos. Iha Santo Padre nia discurso, Nia convida autoridade sira atu rejeita exclusão, defende dignidade humana no orienta desenvolvimento ba bem comum.
Depois de encontro ho autoridade sira, Papa Leão XIV mos participa iha evento ida ho mundo da cultura iha Malabo, nia mos inagura Campus Universidade de León XIV, acto ida nee hanesan respeita ida ba Nia no atu comemora nia visita. Nunee Santo Padre dehan katak inaguração ba campus universidade nee liu ação administrativo, nee espaço estudo nian. inaguração nee hanesan ato confiança ba ser humano, nee hanesan esforço ida nebé atu continua forma ita nia nova geração sira. Universidade nuudar Fatin nebé atu buka verdade no coloca conhecimento ba serviço bem comum nian.
Tuirmai, Santo Padre mos halao visita ba Hospital Psiquiatria Pierre Olie, iha Malabo, iha nebé tau matan ba ema sira nebé ho stigma difeciencia sira. Papa dehan katak Maromak hadomi ita hotu, Maromak lakohi ita permanece nafatin hanesan nee, Maromak hakarak cura ita.