DOM LEANDRO MARIA ALVES, BISPO DIOCESE BAUCAU NIAN PARTICIPA IHA XXVIII REUNIÃO ANNUAL FEDERAÇÃO CONFERÊNCIAS EPISCOPAIS BISPO SIRA ÀSIA NIAN IHA BANGKOK
Pe. Bento Barros – Bangkok 2023
Ohin loron 21 fulan Novembro 2023 hahu reunião anual Federação Conferência Episcopal Bispo sira Àsia nian. Reunião ida ne’e sei halao to’o loron 24 fualn Novembro iha Bangkok, Thailandia. Participa iha reunião anual Bispos sira Àsia nian ne’e husi Conferência Episcopal Timorense representado husi Dom Leandro Maria Alves Bispo Diocese Baucau nian no Pe. Bento Barros Pereira nudar responsável ba comunicação CET nian.
Reunião anual Federação Conferência Episcopal Bispo sira Àsia nian oras ne’e halo ba dala 28 ona, reunião dahuluk liu halo iha tinan 1996. Tinan-tinan halo reunião anual hodi halibur hamutuk bispos sira husi Conferências episcopais 28 be existe iha Àsia ho sira ninia colaboradores sira atu descute hamutuk kona ba Creda Àsia ninia moris no kona ba buat nebe creda ne’e halo hela dadaun iha tempo ohin loron. Ba tinan ida nee, reunião halao ho tema nebe ligado liu ba comunicação social hodi refelet no descute hamtuuk kona ba “Papel Comunicação nian iha Igreja Àsia nian iha tempo ohin loron” be mosu realidade foun mundo digital nebe sai hanesan fatin foun ida be ema no sarani sira presente mos iha neba.
Iha loron dahuluk ne’e, 21 de Novembro 2023 sei reflete no discute kona ba assuntos pertinentes sira hanesan: Jovem Àsiatico sira ninia Plena presença iha media social. Pastoral iha media social; Comunicação Social iha Àsia iha contexto mundo nebe muda-an lalais los husi Inteligência Artificial; Missão Evangelização iha Àsia ho Comunicação; ikus liu kona ba Formação Pastoral iha Comunicação social.
Iha loron daruak, 22 de Novembro 2023 sei elabora tema fundamental sira hanesan: Loron mundial ba Comunicação. Objetivo, relevância no dalan atu observa; Estrategias atu hametin Comunicação Social iha Àsia no iha igreja sinodal nian; Comunicação iha Àsia. Jornada longa ida be percisa tempo naruk; no revisão ba Ofício Comunicaão Comunicação Social.
Iha loron datuoluk disscussão no partilha sira sei hare liu ba Comunicação iha Igreja loron ohin nian, Rádio Veritas Asia no VAISCOM ninia knar no serviço; Comunicação iha Igreja Synodal no interativa ho Prefeto Dicasterio Comunicação Social nian.
Reunião anual Bispo sira husi Conferência Episcopal Àsia nian nee iha loron ikus, 24 Novembro 2023, sei hamosu planos ba Grande Jubileu Offício Comunicação Social Federação Bispos sira Àsia nian nebe sei celebra hamutuk iha tinan oin mai, 2024.
Buat seluk nebe bele sai mos hanesan resultado husi reunião anual bispo sira iha Federação Conferência Episcopal Bispo sira Àsia nian nee mak enriquecimento conhecimento bispo sira ka diocese sir aida-idak nian kona ba comunicação no ninia importancia iha creda ninia moris iha tempo ohin loron liu husi partilha de experiência no conhecimento nee hodi bele hakbesik liu tan ba sarani no ba mundo, hodi bele servi diak liu tan Maromak ninia povo no lori ema wain liu tan ba Maromak ninia reino. (Pb).
