Papa Leão XIV hatan ba Presidente Estados Unidos América Donald Trump nia acusação nebé dehan“Papa Leão fraco kona ba crime, la diak iha política estrangeira. Hau hanoin oras nee dadaun nia ladun halo serviço diak. Hau hanoin Nia gosta crime […]. Ita la gosta amo Papa nebe mak dehan mesmo iha armas nucleares, ne’e la problema ida; Ita lakohi Amo Papa ida nebe deha crime iha ita ninia cidade sira diak hela, Hau la gosta nune’e, Hau laos fã Amo Papa Leão nian. Nia ema ida liberal liu, nia ema ida nebe la fiar iha hapara crime, nia ema ida nebe la hanoin katak ita tem que hapara nação hakarak iha armas nucleares hodi harahun mundo. Ne’e duni hau laos fã Amo Papa Leão nian.”.
Durante Papa Leão XIV nia viagem ba Algéria, Papa koalia ba jornalista sira hodi hatan kona ba questão sira nebé mak Donald Trump koalia hasoru Papa iha Trutuh Social Network. Iha viagem nee Papa Leão reafirma katak nia missão laos iha politica maibe iha evangelho. Santo Padre enfase katak “Nia la haree hau nia papel hanesan ema politico ida, no hau mos lakohi atu integra hau nia an atu debate ho nia”. Maibe “hau kolia evangelho”.
Além de ida nee, Papa koalia makaas kona ba mensagem no valor evangelho nian nebé mak deturpada. Nunee, Santo Padre hatutan tan katak “hau la hanoin katak mensagem evangelho nian bele hetan abuso hanesan ema balun nebé agora halo daudaun. Hau continua manifesta makaas hasoru funu, buka atu promove paz, diálogo no multilateralismo entre estado sira atu hetan solução ba problema sira. Ema barak ona mak terus ohin loron, inocente barak sira nia moris lakon daudaun ona, no hau fiar katak ema ruma tenke hamriik no dehan ida nee sei iha dalan nebé mak diak liu”.
Papa Leão XIV sempre apelo kona dame no Paz, hanesan iha inicio husi Ninia pontificado nebé sempre koalia kona ba paz, liuliu iha mundo nebé mak mak sempre iha conflito no terus. Nunee nia hatutan ba jornalista sira katak “Hau dehan ida nee ba lider sira hotu mundo nian, laos ba deit nia (Presidente Trump): katak mai ita hakotu funu no promove paz no reconcialiação”.
Iha sorin seluk, Papa mos esplica ba jornalista sira katak “hau la tauk ho administração Trump nian ka koalia makaas kona ba mensagem evangelho nian, iha nebé hau fiar no nuudar hau nia missão, no sai nudar igreija nia missão mos”.
Santo Padre argumenta tan katak “ami laos politico, ami la trata política externa ho perspetiva nebé hanesan nia tenke comprende ida nee, maibe hau fiar iha mensagem evanelho nian, hanesan dame nain ida”.
Nunee, atu conclui katak Papa husu Cristão sira iha mundo tomak no nação sira nebé mak sempre iha conflito atu promove paz, reconciliação, respeito no cuida ema hotu.