Liafuan hirak nee, Papa Leão XIV, hanesan mos Santo Padre primeiro husi Ordem Agostiniano, koalia bainhira nia celebra missa iha Basílica Santo Agostinho nian iha Annaba, Algeria. No relembra fiar nain sira katak Santo Agostinho hanesan Santo boot ida no Doutor igreija nian.
Papa Leão XIV fo hanoin fila fali ba Cristão sira iha Algeria katak seidauk tarde atu simu Maromak nia convite atu hasai ita husi dificuldade no tentação sira hotu. No liu husi ninia força renova no transforma ita nia moris.
Santo Padre husu ba Cristão sira iha Algéria atu haraik an no fiel ba Maromak nia domin, “Queridos Cristão sira iha Algéria, continua nafatin sai sinal haraik an nian no fiel ba Cristo nia domin iha rai nee. Sai testemunha evangelho nian liu husi gesto simples sira, relação genuino sira no liu husi diálogo sira iha ita nia moris loroloron nian: liu husi dalan ida nee, imi lori sabor no naroman iha fatin sira nebé imi hela ba”.
Papa husu nafatin Cristão sira atu lao tuir Santo Agostinho nia ain fatin. Tanba “iha Basílica nee mak Martír sira reza no iha fatin nee mak Santo Agostinho hadomi nia bibi sira”, hodi buka ho laran manas kona ba lialos no serbí deit Cristo ho fiar nebé ardente. Nia husu ba Cristão sira atu continua nafatin tradição hirak nee no fo testemunha liu husi caridade fraternal.
Papa fo hanoin fila fali oinsa Cristo bolu santo sira liu husi sira nia história moris uluk nian ba moris foun, “atu moris husi leten aas ka to be born from above”, Santo Padre enfatiza nafatin katak convite nebé hanesan estende ba ema hotu tanto feto no mane nebé mak buka salvação. Papa dehan katak bolu ida nee, hamosu missão igreija tomak nian, inclui comunidade Critã iha Algéria.
Papa reconhece katak Cristo nia liafuan nebé dehan “ita tenke moris fila fali husi leten ka You must be born again from above”, nee contém força mandamento nian nebé mak imposivel. Maibe, bainhira ita rona didiak Santo Padre nia esplicação nee laos imposição ka restrição ida, maibe nee hanesan instrução Jesus nian “dom Liberdade nian”, tanba revela atu bele moris foun husi graça Maromak nian.
Ita hetan bolu atu simu ida nee tuir Maromak nia hakarak, nebé buka atu renova humanidade, lori ita ba comuninhão moris nian ida nebé começa ho fiar. Papa Leão XIV fo hanoin katak Cristo convida ita atu hafoun ita nia moris completamente no Maromak mos fo força mai ita atu halo ka realiaza Maromak nia domin. Papa reconhece katak bainhira ita husu Maromak, ita nia historia moris sei muda, especialmente ita nebé hetan pressão husi problema sira, dificuldade no tribulção sira. Ho Maromak nia domin buat sira nee hotu sei sai possível.