Papa Leão XIV celebra missa ikus ho sarani sira husi Guine Equatorial iha dia 23 de abril kuarta-feira nee iha stadium Malabo, Guine Equatorial molok nia halao despedida ikus ba Nia viagem apostolica.
Iha celebração eucaristia final ba Nia viagem apostólica ba nação sira iha África, Nia encoraja creda sira husi Guine Equatorial atu continua halao missão discípulo Jesus Cristo nian no foco importancia mak permite sagrada escritura revela sentido husi ita nia moris, hatudu mai ita ninia domin no ita mos fahe ba ema sira seluk domin nebé ita simu husi Maromak.
Santo Padre nia última missa iha Guine Equatorial acolhe cerca de 30,000 pessoas, ida nee mak hanesan missa ikus nebé mak Papa preside durante nia viagem apostólica durante loron 11 nia laran ba nação haat husi África mak hanaesan: Algeria, Cameroon, Angola no Guine Equatorial.
Iha final da missa Santo Padre dehan katak hau husik África ho rikusoin folin-laek fiar nian, esperança no caridade: rikusoin nebé halo husi história, rostos, testemunha ba ksolok sira no sofrimento sira nebé hariku hau nia moris no hau nia ministério nuudar successor Pedro nian.
Santo Padre hatoo nia sentido gratidão ba Arcebispo, bispo sira, clero no ba comunidade sira hotu, Papa descreve sira hanesan “povo Maromak nian nebé viagem iha rai nee”, iha nebé evangelho presente tiha ona iha tinan 170 liubá. Papa hatutan tan katak Cristo mak naroman ba Guine Equatorial, no imi mak sai masin no naroman mundo nian. Nia mos expressa nia sentido agradecimento ba autoridade civil sira no sira nebé mak contribui ba organização no sucesso ba visita ida nee.
Santo Padre Leão XIV nia visita ba nação haat iha África. Pontifíce percorre nação haat nee atu consolida fiar no encoraja igreija local sira atu halo reconciliação, paz, justiça no fiar.
Depois de missa, Papa ho nia comitiva ba Aeroporto Internacional Malabo ho presença husi Presidente Guine Equatorial nian Teodoro Obiang Nguema Mbasogo. No Papa descolagem iha tuku 12 liu minuto 54, oras local nian ho voo ITA A330-990neo.