Logotipo Jubileu nian
Iha parte central nian ita hare figura ema nain haat nebe representa humanidade tomak nebé mai hosi continente haat rai nian. Sira hakuak malu hela, hodi hatudu solidariedade no fraternidade nebe halibur ema.
Iha figura ema ida uluk nudar líder nebe kaer metin ba Cruz, hodi hatudu sinál ema fiar nain nian nebé hakuak Cruz, maibé sai mos nudar sinal esperança nian nebeema labele husik, tamba nia precisa nafatin no liu-liu iha momento sira wainhira iha necessidade boot sira.
Laloran sira nebe iha kraik baku maka’as hela hatudu katak iha peregrinação moris nian ema la hasoru deit situação sira nebe hakmatek, dala barak iha evento pessoal no evento mundial sira husu no bolu mos ema ba iha esperança ho intensidade boot liu.
Iha parte kraik Cruz nian transforma sai âncora ida, Âncora haksumik an iha movimento laloran nian. Hanesan ita hatene, âncora dala barak uza ona hanesan metáfora esperança nian. Âncora esperança nian, mak naran nebé fó iha cargo marítimo ba âncora reserva nian, nebe ró sira uza hodi hatan ba situação emergência sira hodi estabiliza ró durante tempestade sira.
Iha imagem laran, hatudu oinsá mak peregrino sira nia viagem la’os la’o mesak, maibé la’o hamutuk nudar comunidade ida no iha direção hanesan ba iha Cruz.
Cruz la’os buat ida nebe estática, maibé dinâmica, nia hakru’uk ba humanidade, ho posição ida nebe hanesan atu mai hasoru ema no la husik nia mesak, hodi oferece certeza husi nia presença no segurança ba néon titu nian.
Ikus liu mak Lema Jubileu nian nebe visível liu ho cor matak: Peregrinantes in Spem (Peregrino sira esperança nian).