COMUNICADO HUSI SANTA SÉ
Força loloos iha Igreja mak haburas membro hot-hotu nia unidade iha Cristo nia Isin ida de’it (cfr. 1Cor. 12,12)
CET : (30.04.2025) Colégio Cardeal sira nian, nebé oras ne’e halibur hamutuk iha Roma hodi hala’o Congregação Geral atu prepara ba Conclave, hakarak convida sarani hot-hotu atu moris momento eclesial ida ne’e nu’udar graça ida husi discernimento espiritual, liu husi rona Maromak nia hakarak.
Tanba ne’e, Cardeal sira sente duni responsabilidade sira nian, reconhece mos katak oração sarani sira nian ne’e importante ba sira nia kna’ar. Força loloos iha Igreja mak haburas membro hot-hotu nia unidade iha Cristo nia Isin ida de’it (cfr. 1Cor. 12,12).
Hasoru knaar boot ida ne’e ho urgência husi tempo presente, uluk nanain, importante tebes atu reconhece ita nia aan nu’udar instrumento humilde ida husi Aman Lalehan nia Matenek Rohan-laek no Providência, iha docilidade husi ação Espírito Santo nian. Lolos ne’e, Nia duni mak protagonista ba moris Povo Maromak nian, Ida nebé ita precisa rona, simu saida mak Igreja dehan (cfr. Ap. 3,6).
Liu husi reunião cardeais sira nian iha Congregação Gerais descide ona atu conclave ba hili Amo Papa foun sei hahu iha loron 7 fulan maio 2025.
Nain Feto, liu husi nia intercessão maternal, bele acompanha ita hotu nia harohan ne’e