Partilha
Papa Francisco nia lia menon murak sira ba Kreda no Povo Timor
Papa Francisco nia discurso ba Bispo Timor oan sira iha Visita Ad Limina, 17 Março 2014
- “Maun-alin doben sira iha episcopado, ha’u hakarak husik hela menon tolu nebe sei sai imi nia preocupação sira: ida uluk mak Kreda nia contribuição ba consciência crítica nação nian; daruak nian mak laran sadia nebe book Kreda tomak nia fuan atu la’o sai ba missão; no ba datoluk nian, haklaken Liafuan diak iha imi nia lian rasik.
- Iha campo evangelização nian, imi buka atu haburas Igreja ida nebé ho “Ilas Timor nian”
Papa Francisco nia homilia iha Tasi tolu, 10 Setembro 2024
- “Keta ta’uk atu sai ki’ik iha Na’i Maromak futar oin no iha ema seluk nia oin, atu lakon ita nia moris, atu fo ita nia tempu, no hare fila-fali ita nia programa sira, husik tiha buat ruma husi ita nia an, atu maun-alin ida ka inan-feton ida bele sai di’ak liu tan no haksolok”.
Mensagem ba foinsa’e sira iha Centro Convenção de Dili, 11 Setembro 2024
- “Iha buat rua nebe hasé ha’u nia fuan wainhira ha’u liu husi dalan sira. Toca tebes ha’u nia fuan. Foinsa’e sira rai ne’e nian no hamnasa sira. Imi mak povo ida nebe hatene hamnasa. Hamnasa nafatin ba. Imi keta haluha ida ne’e.”
- “Obrigado ba imi nia presença. Ha’u sei husik hela rai ida ne’e, nebe nakonu ho hamnasa, ho imi nia oin midar sira no ho esperança katak imi hotu iha ha’u nia fuan. Maromak haraik bênção ba imi hotu”.
Mensagem iha Sé Catedral de Díli, 10 Setembro 2024
- “Ha’u mos mai hosi mundo nia rohan (confim da terra), maibe imi iha liu rohan. No ha’u hakarak dehan katak: rai ida ne’e, tamba nia iha mundo ne’e nia rohan, nia sai nudar centro Evangelho nian! Ida ne’e mak paradoxo ida atu ita aprende: iha Evangelho, sira nebe iha rohan no dook liu mak sai centro, no Igreja ida nebe labele sai ba to’o iha rohan mundo nian no subar an deit iha centro mak Igreja nebe moras”.
Discurso iha Palácio Presidencial, 9 Setembro 2024
- “Rai ida ne’e kmanek. Maibe, saida mak rai ida neoe mia kmanek? Mak povo. Haré didiak ba povo ida ne’e, hadomi imi mia povo, halo povo ida ne’e sai buras! Povo ida ne’e diak tebes. Diak tebes! Iha tempo badak hahú hosi hau too iha ne’e, ha’u hare oinsá povo ida ne’e hatudu nia an, imi nia povo hatudu an ho diginidade no ksolok. Povo ida ksolok nain”.
Papa Francisco nia declaração nebe hato’o iha nia viagem fila ba Roma, 13 Setembro 2024
- “Ha’u dehan ba o katak: Ha’u nia fuan monu tiha ona ba Timor-Leste!”
Papa Francisco koalia kona ba Timor iha nia catequese id iha Praça São Pedro, Roma, 18 Setembro 2024
- “Iha Timor-Leste, ha’u haré ona Igreja ida nebe buras: família sira, kiikoan sira, foinsa’e sira, seminarista no aspirante sira iha vida consagrada nian. Ha’u hakarak dehan katak iha nebá hau dada ís “primavera nian”.
Obrigado ba Papa Francisco nia legado nebe husik hela mai ami Timor oan sira