Eminência Dom Virgilio Cardeal Do Carmo Da Silva, Arcebispo De Dili e Presidente da Conferência Episcopal Timorense (CET) ho Dom Leandro Maria Alves Bispo de Maliana e Secretário Geral CET Nian Participa Iha Assembleia Plenária Federação das Conferências Episcopais Bispos Asiáticos (Fabc) nian ba dala XII iha Jakarta, Indonesia. Assembleia Plenária FABC nian halao tinan 4 dala ida tuir Estatuto artigo 11 FABC nian. To’o oras ne’e Assembleia Plenária FABC nian halao hamutuk dala XII ona.
Assembleia Plenária dahuluk liu halao iha Taipei, Taiwan iha tinan 1974. Oras ne’e Assembleia Plenária halo ba dala XII iha Jakarta Indonesia hahu husi loron 21-27 Julho 2026.
Participa iha Assembleia Plenária FABC nian ba dala XII nee mak Conferências Espiscopais hamutuk 22 inclusive Timor-Leste nian hamutuk tan ho delegado sira husi Vaticano. Sira nebe sai nudar participantes principais mak cardeais sira hotu iha teritório FABC nian, Presidentes conferências episcopais sira hotu, bispos delegados sira hotu nebe designados husi membros FABC nian no 
membros associação bispos FABC nian. Sira ne’e participa ho voz ativa no iha direito atu vota hodi ratifica mudanças constitucional balun no aprova maior politica no mudanças estruturais balun tuir Estatuto n.7 FABC nian nebe mosu iha Assembleia Plenária dala ida ne’e nian. Além de nee iha Assembleia plenária ne’e participa mos participantes sira nebe convidados no sei la exerce direito ba vota no foti decisão. Sira ne’e mak secretariado central FABC nian, membros no secretarios executivos sira iha offício FABC nian, representante sira husi associação bispos sira continente seluk nian, representantes husi parceiros da missão nebe Comite Central FABC nian convida no mos entidade sira seluk nebe Comitte Central indica no hili atu mai participa mos.
Assembleia Plenária FABC nian tinan ida ne’e halao ho tema “The Call to Synodality Conversion and The Mission To be Bridges and Bridges-Builders in Asia”. ‘You will See Greater Things…’ John 1:50 (Chamada ba Conversão Synodal no Missão atu Sai Ponte no Hari Nain Sira Ponte nian iha Asia”. ‘Imi sei hare buat mesak boot…’ Jo 1:50. Ho tema ida ne’e mak Assemleia ne’e buka atu inspira Esperança no Nakloke ba Espírito Serviço iha Igreja Àsia nian. Tema ne’e enfatiza conversão interior nebe requer sinodalidade autêntica no missão atu sai ponte no hari nain ponte sira ba iha cultura, comunidades, fiar no tradição sira iha continente Àsia. Assembleia dala XII nee sei fo importância ba iha prática implementação sinodalidade nian iha igreja ninia moris tuir roman Documento Bangkok nian no Documento Final husi Sínodo no Sinodalidade nian.
Nune’e foco central husi plenária ne’e nian mak sinodalidade nudar chamada ida ba conversão no missão profética iha Àsia. Hodi considera ba iha obstáculos no opportunidade sira ohin loron nian iha continente Àsia no iha mundo Assembleia sei halo diacernimento kona ba buat saida mak Espírito Santo sei dehan ba igreja Àsia nian. Sei considera mos oinsa mak igreja ohin loron nian afetada hela dadaun ho realidade ohin loron nian iha política, social, cultura no economia nian no oinsa mak igreja bele hatan ba realidade hirak ne’e ho maneira creativa no fiel nafatin Cristo no ba ninia creda.
By: Pbenito.