CET- 09-09-2026, Dom Virgílio Cardeal do Carmo da Silva SDB Arcebispo Metropolitana Dili no Presidente da CET quarta-feira neé (09/09) lorokraik, tuku 5:00 otl inaugura no Bênção ba Monumento São João Paulo II iha recinto Tasi-Tolu Dili. Inaugaração no bênção neé inicia ho liturgia da da Palavra nebé preside husi Sua Eminência Dom Virgílio Cardeal do Carmo da Silva.
Governo Timor-Leste ho Igreja Católica hola iniciativa hamutuk hodi rehabilita no reconstroe Jardim Monumento São João Paulo II hodi conserva no valoriza fatin histórico nebé iha significado boot tebes ba povo no sarani timor basá fatin refere Papa João Paulo II iha tinan 1989 halo nia visita mai timor hodi preside Santa Missa Eucarística iha fatin ne’e.
Hafoin de Bênção ba Jardim Monumento São João Paulo II, Tasi-Tolu Dili, Primeiro Ministro IX Governo Constitucional José Alexandre Kay Rala Xanana Gusmão iha ninia disrcurso hateten “Ita hotu haksolok iha tinan ida ne’e ho maneira oi-oin no fo homenagem ba restos mortais no Igreja Católica, Igreja mak hari iha missões lubuk ida, husi tradicional to’o Cultural, religioso, religiosa no Timor tomak fo homenagem ba Igreja Católica iha história Cultural linguistíca iha timor ho história ida nebé dificil, maibe ho brani ho comprimissio boot lori povo ba Maromak maka nailulik sira mai husi rai liur lao ba fatin hotu-hotu hodi hanorin Catecismo ba ema hotu”.
PM aprofunda tan katak “Uluk governo português la hari escola sira iha Timor, maibe Igreja mak hari escola hodi timoroan sira ba escola no professor sira sai husi Soibada, ba missões ida hodi continua hanorin língua tetum, tanba tetum ne’e hanesan língua ida nebe facil tebes ba ema hotu, hodi igreja uja tetun atu lori ba hanorin catecismo iha escola sira”, tenik Primeiro Ministro IX Governo Constitucional José Alexandre Kay Rala Xanana Gusmão.
Jardim Monumento Tasi-Tolu, Dili sai ona hanesan símbolo nacional no Icon turístico importante nebé representa história, Fé no identidade povo timor nian.
Presente iha cerimónia Inauguração Jardim Monumento São João Paulo II nee, Presidente Conferência Episcopal Timorense Dom Virgílio Cardeal do Carmo da Silva, Pro Presidente da CET Dom Norberto do Amaral, Secretário da CET Dom Leandro Maria Alves, Primeiro Ministro IX Governo Constitucional José Alexandre Kay Rala Xanana Gusmão, Eis Titulares, Membros do Governo, Institução FFDTL no PNTL, Naillulik sira, religiosos/as no inclui comvidadados no sarani sira.