Consistório extraordinário nee participa husi Cardeal hamutuk 178, entre sira Presidente Conferência Episcopal Timorense, Dom Virgílio Cardeal do Carmo da Silva, SDB mos participa iha Consistório nee, iha nebé reflete kona ba desafio sira iha mundo ohin loron nian, hanesan social, política no espiritual nebé bele reafirma ho missão Creda nian atu promove comunhão, paz no esperança.
Serimónia abertura ba Consistório Extraordinária nee iha sexta-feira, dia 26 de junho nebé convocado husi Santo Padre Leão XIV. Depoisde missa iha Basílica São Pedro iha tuku 9 liu minuto 30, Cardeal sira halibur hamutuk iha salão Paulo VI. Participante sira fahe ba grupo 8 husi Cardeal eleitor Dioceseano nian (inclui Núncio Apostólico sira no Cardeal eleitor sira nebé completa ona sira nia serviço hanesan Bispo Dioceseano) no grupo 10 composto husi Cardeal nebé serbí iha Roman Cúria hamutuk ho Cardealo non-eleitor sira.
Hafoin hananu tiha Veni Creator, Santo Padre hatoo kedas nia discurso introdutória. Santo Padre explica kona ba tema 4 nebé mak interligado profundo nebé sei guia serviço sira hotu: comtempla kona ba mundo, cultura do poder no civilização do amor, construe bem comum liu husi encícllica Magnifica Humanitas no implementação ba Sínodo.
Iha discurso, Santo Padre mos husu ajuda especial ba Cardeal sira: Ministério nebé Na’I entrega mai hau, hau la bele halao mesak. Nia precisa ita boot sira nia experiencia, ita boot sira nia sabedoria pastoral, ita boot sira nia conhecimento kona ba igreija no povo sira nebé confia iha imi. Hau sura ho imi atu ajuda hau discerne saida mak espirito dehan ba igreija ohin loron. Hau precisa imi nia apoio: forte, explícito no público. Hau precisa sente imi nia apoio nuudar mau alin. Santo Padre Precisa Concelho nebé sincero. Imi ajuda hau atu rona saida mak acontece iha igreija, atu reconhece sinal esperança nian nebé cresce iha silencio, maibe mos la ignora dificuldade sira, imcomprenção sira no Resistencia sira nebé hafraco ita nia dalan. Precisa imi nia Liberdade, franqueza no lealdade. Conselho nebé sincero hanesan hahalok comunhão ida.
Nunee, depoisde oração silenciosa, Cardeal sira halibur malu iha grupo hodi partilha sira nia reflexão. Iha grupo hotu, sira consciente kona ba sofrimento nebé experiente husi mane no feto durante iha periodo transformação nian.
Iha primeira sessão, koalia kona ba mundo ida oinsa mak ita hetan chamado hodi proclama evangelho? Depois de apresentação husi grupo kona ba tema nee Santo Padre halo intervenção, Nia agredece ba cardeal sira nia participação no dialogo. Nia mos cita kona ba meditação husi Cardeal RYS, kona ba imagem husi vítima ida, nebé quase atu mate. Nia dehan katak: “Ita laos delek, nee los katak iha sofrimento barak”. Solidão no sofrimento nee resultado husi sociedade, nee hanesan desafio ida ba igreija atu bolu ema hotu ba comunhão, la too deit atu loke igreija no celebra sacramento sira maibe cria mos oprtunidade no experiencia hasoru malu nian.
Iha Segunda sessão Consistório estraordinário nee, sei concentra iha paz, enfatiza atu serviço ba construção paz no “Civilização do amor”.
Iha sessão nee koalia kona ba “Cultura do poder no civilização do amor” nebé atu reflete kona ba Capítulo cinco encíclica Magnifica Humanitas nian. Grupo sira aborda kona ba desafio sira ohin loron nian, enfase mos kona ba “força deshumanizadora cultura do poder nian, ninia alcance universal, tentação sira nebé conforma ba lógica husi poderoso sira, no normalização funu no polarização, nebé diminui tolerancia violencia iha sociedade no incentiva perigosa iha resolução conflito sira.
Ho contexto ida nee, participante sira enfatiza responsabilidade atu construi paz no civilização domin nian. sira mos enfatiza importancia atu oferece testemunho nebé credivel, nebé começa husi igreija nee rasik, liu husi linguagem sira nebé centrada iha ema: linguagem escuta nian, perdão, reconciliação, justiça restrautiva no gesto concreto sira. Linguagem sira hanesan nee, capaz atu toca fuan sira nebé envolvido iha conflito sira, reconhece kanek sira nebé causa husi funu no fomenta atu buka unidade iha igreija nia laran.
Iha Terceira sessão consistório extraordinária nee, defende esperança evangelho nian nuudar antidotu individualismo. Nunee Cardeal sira reflete kona ba missão igreija nian atu promove bondade no edificar sociedade. Nunee grupo barak mak foco sira nia reflexão iha leitura ba fractura profunda iha ita nia época: entre ema no nação sira, iha sociedade nia laran no iha família nia laran; no oinsa ida nee hamosu sofrimento sira, especialmente entre kiak sira, vulnerável sira, foinsae sira nebé falta iha senso novidade nian no adulto sira nebé falta iha sabedoria tinan nian.
Iha contexto ida nee, Cardeal sira reflete kona ba desafio husi inteligencia artificial, ressalta mos kona ba importancia atu preserva dignidade humana, valor serviço nian no capacidade atu reconhece ita nia limite sira, evita atu reduz ema ba número no estatística.
Reflexão sira enfatiza bem comum no doutrina social igreija nian hanesan instrumento atu enfrenta desafio sira iha ita nia tempo. Sinodalidade apresenta hanesan dalan ba escuta nian, diálogo no corresponsabilidade. Sessão ida nee conclui ho oração nebé preside husi Santo Padre Leão XIV.
Iha Quarta sessão foco ba sínodo no sacerdócio. Durante sessão dahaat nee, Cardeal sira reflete kona ba necessidade nebé oferece ba clero sira imagem sacerdócio nian nebé “furak, creativo, evangélico no iha tempo hanesan laos clero”.
Depoisde quarta sessão, Santo Padre Leão XIV halao discurso enceramento nian hanesan experiencia comunhão iha serviço missão nian, nebé foco ba esperança, sinodalidade no creda nia responsabilidade iha mundo nebé marcado ho funu no crise iha relação humana.
Iha Nia discurso, Santo Padre dehan katak “Maromak continua loke dalan ba reconciliação no paz nian iha história. Ita iha responsabilidade atu lao ho coragem no atu ajuda mundo reconhece sira”.
Nia mos agradece ba hotu hotu nia contribuição, “bem como relator, ba moderador sira, no hotu hotu nebé, ho generosidade no discrição, nebé halo loron serviço no fraternidade nian nee sai possível”.
“Dala ida tan obrigado ba ajuda hotu, atu reconhece serviço Cristo nian nebé continua realisa entre ninia povu sira no iha mundo. Ita confia fruto husi consistório nee ba intercessão Virgem Maria nian, Inan Creda tomak nian. Nebé hanorin ita atu preserva unidade iha diversidade no serbí evangelho paz nian ho humildade, coragem no esperança”. Santo Padre tenik.