Continuação husi Crónicas Sínodo Bispo Sira nian
Frei Joel Casimiro Pinto OFM
Roma, 2 Novembro 2023
Discussão konaba Paper Sheet Instrumentum Laboris B1
Loron Segunda, 9 outubro 2023, nu’udar loron hahú ba semana daruak Sínodo konaba Kreda Sinodal. Participante sira halibur malu iha Basilica São Pedro, iha parte Catedra nian, hodi celebra eucaristia iha rito Bizantino nebé preside husi Eminencia Cardeal husi Kreda Grego Catolica. Celebração nebé nakonu ho hananu ne’e dura besik horas rua nia laran ( nota: ne’e missa diaria de’it). Hafoin de celebração ida ne’e, participante sira hotu hakat fila fatin ba iha Salão Paulo VI hodi hahú atividade semana daruak nian.
Antes hahú participante sira sei coffee break to’o 11.00. Sinu lian significa hahú fila fali atividade seluk. Eminencia Cardeal Mario Grech, nu’udar Segretario Geral Sinodo nian, hahú halo introdução no sauda participante sira; liu-liu participante sira nebé celebra tinan, celebração loron votos perpetua, loron ordenação no loron eleição nu’udar bispo nian. Hafoin ida ne’e, Cardeal Grech entrega ba Presidente delegato husi Conferência Episcopal America Central nian, Me. Maria Dolores atu preside encontro ba loron ohin nian. Madre dolores fo tempo ba Eminencia Cardeal Hollerich, SJ, atu halo intervenção ba conversação iha espirito nebé sei foca ou concentra ba assunto indica iha Instrumentum Laboris/B1: Oinsa espirito comunhão iradia liu husi sinodalidade konaba Kreda? Comunhão la’os sociologicamente – mai hamutuk nu’udar membro husi identidade ida, maibe comunhão nu’udar presente Santissima Trindade nebe inspira ita iha momento hanesan oinsa transforma ha’u ba ita. Assunto B1 nian sei reflete iha subtitulo lima:
B1.1. sei foca ba oinsa tensão entre serviço caridade no commitemento ba justiça no cuidado ba casa comum hodi hamoris liu tan espirito sinodal nian?
B1.2. foca konaba oinsa reconcilia tensão entre verdade, lialos (Truth) ho Domin, compaixão ou misericordia (Love)?
B1.3. Oinsa cuida no hala’o dialogo ecumenismo entre Igreja sira?
B1.4. Oinsa Dialogo entre Kreda ho religião sira
B1.5. Oinsa desenvolve dialogo entre fe cristã ho cultura moderna ocidente no mos diverse cultura local.
Hafoin ida ne’e, grupo sira sei hili relator ida nebé sei representa grupo hodi halo intervenção ou hato’o relatorio.
Iha 16h00, lokoraik, kada grupo sei tama direita ba conversação iha Espirito. Ho liafuan seluk, partilha experiência vivida husi membro ida-idak, ho maneira ronde tolu. Ronde dahuluk, kada participante sei haktuir ninia reflexão iha minuto 3-4 nia laran. Ronde daruak mak oinsa experiência membro sira seluk haburas no hamanas liu tan hau nia reflexão nebé contextual; no ronda datoluk mak grupo halibur ideia convergente no ideia divergente; se iha karik questão aberta ruma no hato’o mos proposal concreta ba povo Maromak nian atu bele hamoris espirito sinodalidade ne’e iha contexto moris Kreda local, Paroquia no grupo categorial sira.
Loron Terça, 10 outubro dader 2023, dader, participante sira sei continua hala’o conversação iha Espirito, to’o meudia.
Iha 16h00-19.15, lokoraik, ho presença husi Santo Padre Francisco, participante sira hotu tama iha Congregação Geral katak iha apresentação grupo sira no intervenção sira konaba assunto nebé apresenta.
Loron Quarta, 11 outubro 2023, 08.45 dader, atividade hahú ho oração laudes. Atividade loron tomak mak continuação ba Congregação Geral no intervensão livre husi membro sira hotu ba assunto B1 nian. Assunto geral nebé mosu mak oinsa ho espirito missionario Kreda sinodal nian, ita koko atu simu ema hotu, katak la exclui ema ida iha uma Kreda laran. Kreda tenke la’o tuir nia vocação sai instrumento no sacramento Maromak nian iha mundo, atu habelar nafatin liafuan diak ba ema hotu: ba imigrante sira, ba ema kiak, ba sira nebé lian seidauk rona, joven sira, ba feto sira, ba LGBTQ+ sira, nebé tenke sai mos desafio ba pastoral ida nebé atual. Sira la’os objeto ba atividade pastoral maibe tanba batismo comum sira mos sujeito pastoral nian.
Discussão geral ne’e taka ho oração no benção husi Santo Padre, iha horas 19.15.
Loron Quinta feira, 12 outubro 2023, 08.45 hahú ho oração laudes. Atividade ohin nian mak groupo sira partilha fila fali iha sira nia groupo no halo completo sira nia relatorio baseia ba intervenção sira, tanto intervençã groupo seluk quanto intervenção pessoal nian.
Iha 12.30, groupo entrega ona relatorio ba Secretariado Geral no asina husi Relator groupo no Facilitador/a.
Iha 15h00, participante sira hotu hala’o pellegrinagggio ida ba Catecombe fora Roma: Catecombe São Calisto, São Sebastião no Santa Domitilia. Catecombe: cemeterio ba cristão sira hodi hala’o oração iha tempo perseguição imperador sira iha epoca primitiva.
Instrumentum laboris B2
Loron Sexta feira, 13 outubro 2023, 08.45 hahú ho missa iha Basilica S. Pedro – Altare della Cattedra, nebé responsabiliza husi Confederação Bispo sira husi Africa. Missa hala’o iha Francês no hetan participacão husi membro sira hotu. Termina missa, participante sira ba kedas salão Paulo VI hodi continua atividade.
Iha horas 10.00-12.30, tama ba 8o Congregação Geral, reflete hamutuk Instrumentum laboris/B2: Co-responsabilidade iha missão. Oinsa condivisa dom no tarefa ba serviço Evangelho nian? Tema ida ne’e fahe ba parte lima:
- 1 Oinsa Ita la’o hamutuk hodi fahe consciência konaba sentido no conteudo husi missão?
- 2. Saida mak ita bele halo atu Igreja Sinodal bele sai nu’udar Igreja missionaria ba‘all ministerial’?
- Oinsa Igreja iha ita nia tempo prenxe diak liu ninia missão liu husi reconhecemento nebé boot no promoção ba dignidade batizmal feto nian?
- Oinsa ita bele valoriza Ministerio Ordenado iha ninia relação ho Ministerio sira Batizmal iha perspetiva missionaria?
- Oinsa ita bele renova no promove Ministerio Episcopado husi perspectiva missionaria sinodal?
Hahú ho introdução husi Segretario Geral Sinodo nian, hafoin ida ne’e intervenção husi Relator Geral. Tempo tuir mai mak reflexão husi Pe. Timothy Radcliffe, OP ho Me. Maria Angelina, OSB. Ikus mai pontos teologicos husi teologo Prof. V. Gali (Segretario Geral ba Comissão Teologica Internacional no Direitor Faculdade Teologia iha Buenos Aires, Argentina).
Iha 16h00, tama fila fali ba Circulo Menor, katak grupo sira hahú partilha ho maneira hanesan hala’o ona iha B1 nian. Nota importante: discussão ou partilha sempre iha momento oração nia laran. Ida ne’e atu fo hanoin katak protagonista la’os ema maibe Espirito Santo.
Loron Sexta feira, 14 outubro 2023, horas 08.45 hahú ho oração no grupo sira continua hala’o conversação iha Espirito no termina iha horas 12.30.
Lokoraik ksolok no kmanek ba participante sira hotu tanba bele dada iis uitoan iha fim semana nian.
Loron Segunda feira, 16 outubro 2023, nu’udar semana datoluk Sínodo nian maibe continuação ho programa sexta nian. Atividade hahú iha horas 08.45 ho oração. Hafoin oração, atividade continua ho Congregação Geral, alias, apresentação relatorio kada grupo; intervenção konaba tema no intervenção livre.
Loron Terça feira, 17 outubro 2023, hahú ho horario hanesan loron antes, to’o meudia. Iha horas 16h00 grupo tama fila fali ba Circolo Menor hodi haré fila fali reflexão no continua aperfeçoa hodi ikus mai entrega ba Secretario Geral.
Instrumentum Laboris B3
Loron Quarta feira, 18 outubro 2023, hahú Missa tuir tema foun iha Basilica S. Pedro – Altar Cátedra nian, responsabiliza husi Conferência Bispo Alemanha sira iha lian Inglês. Hafoin missa participante sira ba direitamente Salão Paulo VI hodi continua Congregação Geral ba XII, hodi elabora assunto sira nebé trata iha Instrumentum Laboris B3: Participação, knaar responsabilidade no autoridade. Processo, estrutura no instituição ba Kreda Sinodal ida oinsa? Tema ida ne’e fahe ba parte lima, hanesan tuir mai ne’e:
- 1 Oinsa ita bele renova autoridade serviço nian no exerce responsabilidade iha missionaria Igreja Sinodal nian?
- 2 Oinsa ita desenvolve pratica discernimento no processo decision-making iha maneira sinodal nebé autentica, nebé respeito ba protagonismo Espirito nian?
- Estrutura saida mak bele desenvolve atu hodi hametin aspeto missionaria Igreja Sinodal nian?
- Oinsa ita bele fo estrutura ba instância sinodalidade no collegialidade nebé involve groupo Igreja local sira?
- Oinsa instituição Synodo nian bele hetan afirmação atu nune’e sai nu’udar expressão ida husi colegialidade episcopal iha Igreja Sinodal sira hotu?
Relator Geral sei hato’o konaba ba tema ne’e no sei iha contribuição husi expertice teologia Prof. Dario focaliza ba assunto participação no colaboração entre leigo no hierarquia iha missão liu-liu wainhira tenke foti decisão hamutuk (decision-making). Prof. Dario convida participante sira atu halo releitura ida ba conceito Igreja nu’udar Comunhão (koinonia), Povo Santo Maromak nian nebe hakerek ona iha Documento Dogmatico Concilio Vaticano II nian konaba Igreja, Lumen Gentium.
Apresentação hotu, Presidente Delegado ba sorumu loron ohin ne’e, fo tempo ba partilha konaba Processo Sinodal iha Asia no America Latina (Honduras, Nicaragua no Bolivia).
Iha 16h00 lokoraik, participante sira tama iha Circular Menor (Circoli Minori) hodi hahú fila fali conversação iha Espirito. Partilha remata iha horas 19.15.
Loron Quinta feira, 19 outubro 2023, hahú ho oração Laudes hamutuk no introdução husi Secretario Geral Sinodo nian, Eminencia Cardeal Mario Grech. Hafoin ida ne’e, participante sira sinodo nian continua ho partilha iha Circolo Menor. Partilha hala’o to’o horas meudia ho balun (12.30).
Iha 16h00 lokoraik, hahú ho oração nebé preside husi Santo Padre Francisco. Lokoraik nee Congregação Geral ho participação husi Santo Padre: Apresentação ba partilha husi kada Grupo no intervenção.
Loron Sexta feira, 20 outubro 2023, hahú ho oração Laudes, introdução no saudação husi secretario geral ba bispo sira nebé celebra tinan moris, nailulik no bispo sira nebé celebração loron ordenação no eleição ba bispo; convida participante sira atu reza hamutuk ba imigrante sira. Apresentação husi cada grupo hotu continua kedas ho intervenção livre husi participante sira.
Loron Sabado, 21 outubro 2023, hahú ho oração Laudes hamutuk, groupo circulo menor hahú hadia fila fali sira nia relatorio hafoin rona husi relatorio no intervenção konaba asunto no intervenção livre iha loron Sexta horisehik.
Facilitador/a ho relator hato’o reportagem ba iha meja Secretariado Geral horas 12.30.
Iha lorokarik feriado. Buona Vacanza.
Instrumentum Laboris C
Loron Segunda feira, 23 outubro 2023, Missa iha Catedra São Pedro nian, preside husi Eminencia Charles Cardinal Bo, SDB, Arcebispo Yangon, Myanmar, no anima husi Colegio Filipino, Roma.
Hafoin missa, participante sira fila fali ba Aula Paulo VI hodi continua Congregação Geral. Secretario Geral hahú ho saudação no fo lian ba Santo Padre atu hato’o lia ruma. Santo Padre toka assunto infallibilitas in credendo no Povo Santo Maromak nian.
Santo Padre hato’o liafuan hotu, Secretario Geral convida Participante sira hotu atu vota segreta ba Carta husi Assembleia Geral XVI Sinodo dos Bispos 2023 ba Povo Maromak nian. Votação maioria absoluta hatan Sim ba carta no pronto atu encaminha ba Povo Maromak nian.
Lokoraik Vacanza.
Loron Terça feira, 24 outubro 2023, feriado.
Tempo ba comissão atu halao redação hodi conclui relatorio ba sintesi final nian.
Loron Quarta feira, 25 outubro 2023, hahú ho oração Laudes. Aprovação provisoria ba esboço sintesi geral nian. Groupo Circulo Menor fila fali ba grupo halo coreção no entrega fila fali texto ba Comissão loron 26 outubro 2023, iha 19h30.
Quarto feira, iha 20h00, participante sira halibur malu iha Basilica São Pedro hodi reza Terço hamutuk, husu Nain Feto nia interção atu bele haburas domin no dame iha mundo, liu-liu ba Ucrâina ho Russia, Hamas ho Israel.
Loron Sexta feira, 27 outubro 2023, hahú fila fali loron foun ho Laudes. Segretario Geral fo tempo ba Groupo sira atu descuti konaba Metodologia no processo ba Sessão II nebé sei acontece iha Outubro 2024 sei mai ne’e.
Lokoraik Feriado.
Sabado, 28 outubro 2023, feriado. Iha 15h30, lokoraik, hahú ho oração preside husi Santo Padre Francisco, no Relator Geral ho equipa apresenta Texto final husi Sintesi Relatorio nian. Iha 19h20, participante sira nebé iha direito ba vota, halo votação ba texto tuir paragrafo ida-ida. Ikus mai texto aprovado ho maioria absoluta.
Santo Padre agradece ba participante sira hotu, liu-liu Secretario Geral ho equipa nebé serviço makaas no mos sira hotu nebé apoio ona Sinodo ne’e bele la’o ho diak.