CET, 1.09.2026 Presidente Conferência Episcopal Timorense CET Eminência Dom Virgílio Cardeal do Carmo da Silva, SDB representa Povo sarani timor hodi halo acto público de reconciliação eclesial no reconciliação nacional ba Prelados Saudosos Dom Jaime Garcial Goulart, Dom Jose Joaquim Ribeiro no Monsenhor Martinho da Costa Lopes
“Ó TIMOR RAI SANTA CRUZ, RAI SANTA MARIA, TIMOROAN HODI ULUK HODI WAIN DAME NAIN SAUDOSO PRELADO SIRA OHIN MAI SAMA HIKAS RAI SANTO IDA NEÉ, HODI HASAE FALI TIMOROAN SIRA, ITA SIMU HO KSOLOK, HO DOMIN, HO FUAN AGRADECE NIAN.
Ó SAUDOSO PRELADO SIRA, IMI MAK AHI OAN KIBU-KIBU NEBÉ LAKAN ONA HODI HAROHAMAN AMI EMAR SIRA IHA NAKUKUN LARAN.
IMI MAK WE KADALAK NEBÉ HASULI ONA MORIS NO ESPERANÇA IHA TEMPO SUSAR NO TERUS LARAN.
SIMU BA AMI NIA LIA TODAN MONU AIN NIAN NEÉ: MOLOK IMI TAMA FALI HODI SAMA RAI IDA NEÉ, AMI HAMUTUK IHA NEÉ HAKRUUK NO HAKNEAK HUSU PERDÃO.
BA DOM JAIME GARCIA GOULART, DOM JOSÉ JOAQUIM RIBEIRO NO MOSNSENHOR MARTIMHO DA COSTA LOPES, BA HAHALOK MORUK NEBÉ EMAR SIRA RAI NEÉ NIAN HATUDU ONA BA IMI, BA LIAFUAN TODAN NEBÉ HASAE ONA BA IMI, BA NAKSALAK HOTU NEBÉ ULUK HALO ONA BA IMI, HODI HALO IMI HATURUK ONA MATAWEN, HAKANEK ONA IMI NIA FUAN AMI HUSU PERDÃO NO AMI HUSU DESCULPA.
LALEHAN NAKLOKE, RAI SIMU LIAFUAN HUSI AMI NIA FUAN MAKSALAK NIAN, KLAMAR SANTO SIRA SIMU BA AMI NIA LIAFUAN MONU AIN NIAN NEÉ, AMI HUSU PERDÃO AMI HUSU DESCULPA.
AMI TIMOROAN HOTU HUSI LOROSAE TOÓ LORO MONU, TASI FETO TOÓ TASI MANE AMI LOKE LIMAN, AMI LOKE FUAN HODI SIMU IMI NIA RUIN SANTO.
OHIN LIAN DAME NIAN KESI ONA, HAHALOK SALA NIAN KASU ONA, MALISAN NAKFILAK BA BENÇÃO, FUAN RAI KUNA NIAN SAI FALI FUAN DAME NIAN.
TAMA LIU MAI, HAKAT LIU MAI HELA HO AMI OHIN BA NAFATIN”