CET, (01.09.2026) –Iha celebração missa solene ba prelados bispo nain 4 Dom Jaime Garcia Goulart, Dom José Joaquim Ribeiro, Mons. Martinho da Costa Lopes no Dom Alberto Ricardo da silva Pro Presidente da CET Dom Norberto do Amaral Pro Presidente CET hateten, Eucaristia ne’e nudar celebração agradecimento, memória, oração no reflexão ba testemunha fiar nian nebé mak maktoban bispo sira halo ba igreja no povo Timor-Leste.
Iha reflexão Dom Norberto hateten, Dom Jaime Garcia Goulart, Dom José Joaquim Ribeiro, Monsenhor Martindo da Costa Lopes no Dom Alberto Ricardo da Silva nebe ohin ita simu, sira laos ema seluk nebe mai iha ita nia leet, maibe sira mai iha Rai Timor ne’e rasik no uma rasik, iha tinan hirak liu ba sira husik hela Timor, balun tanba idade resigna-an no balun tanba situação política iha ita nia rain, maibe sira mai iha Timor laos ona ho isin fisicamente, maibe espiritualmente ho sira nia restos mortais ruin ho ahi-kdesan lori mai iha ita nia le’et.
Dom Norberto haktuir mos prelados sira ninia sasin moris wainhira sei halao missão iha timor katak, “Dom Jaime Garcia Goulart bispo ba dahuluk depois de timor haketak-an husi Diocese Macau. situação ida nebe la diak, tanba funu Japones nian, nia refugia tiha ba Australia iha diocese Sidney mak nia simu ordenação nudar Bispo Timor nian ho residênçia iha Dili, tama iha Dili hare buat hotu rahun tanto Catedral nebe foin mak inaugura Japones sira bombardeia tiha iha deit ahi-kdesan nia laran, maske nunee nia buka organiza an hodi forma estrutura Diocese maske ho nailulik nebé menos, nia loke formação ba catequistas no loke seminário menor. No Dom Jaime Garcia Goulart ikus mai renuncia nia cargo nudar bispo hodi fo hanesan successor ba Dom José Joaquim Ribeiro nebe simu knar nee iha tinan (1967- 1977) Bispo ida nee hatutan deit buat nebe predecessor halao ona.
Dom Norberto haktuir mos tan katak, Dom José Joaquim Ribeiro ninia fo hela nia knaar ba Monsenhor Martinho da Costa Lopes nia halao knar nudar padre iha bobonaru sai padre ba dala uluk iha bobonaro hodi loke hela colegio infantes sagres Maliana nian, depois mai Dili hodi sai Chanceler iha Dili. No Dom Alberto Ricardo da Silva simu fali knar ida nee hodi ukun Creda Timor, wainhira nia sei Pároco iha Motael akontece 12 de novembro, iha momentu nebá mak joven balu halo demonstração hasoru Indonésia nebé halo labarik barak mate no iha momento nee mak polisia bolu Nia hodi halo inquerito loroloron.
Iha biban kmook ne’e Dom Norberto hodi sarani sira nia naran husu desculpa ba ita nia sala sira hotu nebé ita halo, iha sira nia restos mostais sira nia oin, no husu boot ba sira iha leten aas ba sira nia harohan daet ba ita nebé sei lao iha mundo ida nee mai mundo tomak, mai povo Timor-Leste nebé sira hadomi no serbí ho neon tomak.
Presente iha Eucaristia nee Eminência Dom Virgílio Cardeal do Carmo da Silva, Dom Leandro Maria Alves Secretário, Encarregado santa Sé nian iha Timor, Nailulik sira, Diáconos, Seminaristas, Religiosas, autoridade Estados no governo, eis titulares no sarani sira hotu.