Iha Santo Padre Leão XIV nia loron ikus nian iha Madrid, Espanhol. Papa iha nia orário nebé mak nakonu, hanesan nia visita histórico ba Parlamento Spanhol, hasoru malu ho vítima sira husi abuso, reza iha Catedral Almudena nian, passa tempo kalan ida ho joven sira hamutuk rihun 80 husi Arquidiocese Madrid nian.
Iha Nia loron ikus nee, Santo Padre mos visita Parlamento Espanhol nian iha nebé halo congresso ho deputado sira no reflete kona ba assunto relevante sira iha palco global atual: hanesan dignidade humana, migração, defesa moris nian, rearmamento, familia, inteligencia artificial no paz.
Atu alcança sociedade ida nebé mak justo, ninia fundamento mak tenke reconhece dignidade inviolável iha cada ser humano. Iha contexto ida nee, Papa aborda mos “drama trágico da migração” nebé tuir Papa, Nia desafia conciencia husi nação sira no fundação ética mundo nian.
“Situação husi migrante no refugiado sira exige resposta ida nebé foco iha ema, nebé aborda mos causa principal sira nebé obriga sira atu husik no hakat sai husi gestão fluxo Migratório”, Papa sublinha.
Nia mos salienta tan katak iha funu hotu, nia finalidade mak “derrota ida nebé dolorosa liu”. Nia hatutan tan katak “arma sira bele hamosu silencio temporário ida maibe sira labele harii paz nebé genuina no duradoura”.
Depois de Santo Padre visita tiha parlamento, Santo Padre mos haroru malu ho Bispo sira Espanhol nian. Maske iha mudança iha audiencia, Nia mensagem nafatin claro no direta. Nia apelo ba Bispo sira atu “salvaguarda unidade, promove diálogo, cura divisão sira no acompanha cristão sira nia jornada nebé confiado iha imi nia cuidado sira”.
Santo Padre mos recorda ba sira nebé presente katak “Igreija nia força laos iha recurso sira nebé Nia iha, maibe santidade husi nia oan sira, husi comunhão pastores sira nian, no husi haraik an no fidelidade perseverante husi sira nebé husik sira nian atu guia husi espirito”.
Papa Leão XIV mos esplica kona ba igreija nia necessidade atu iha paz interior atu bele koalia livremente ho denominação cristão sira no religião seluk, ho sira nebé la fiar, ho autoridade civil sira no ema hotu nebé mak iha vontade serviço ba bem comum.
Depois de hasoru malu ida nee, Santo Padre mos halo audencia privado ida ho vítima do abuso sira nebé comete husi membro clero sira iha Espanha. Diretor husi Sala Imprensa Santa Sé nian informa katak Papa hasoru malu ho vítima nain 6 no conversa quase horas ida.
Vítima sira apresenta ba Papa “Proposta sira nebé atu halo igreija resposta ba caso trágico sira nee sai efetivo liutan”. Diretor mos esplica katak “Vitima sira sente katak Amu Papa sente hotu sira nia terus”.
Iha kalan, Santo Padre passa tempo balun halo oração no devoção iha Catedral Nossa Senhora de Almudena, iha Madrid hanesan padroeira Arquidiocese nian. Reflete kona ba moru nebé monu no hatudu ba estátua virgem, Nia salienta “atu harii buat foun, furak no duradoura, ita tenke sobu moru sira”. Santo Padre mos husu ema hotu atu labele rende iha sira nia sasin fiar nian no convida sira hateke ba Nai Feto.
Papa Leão mos visita ba Stadium Bernabeu, iha nebé Nia koalia ho ema rihun 80 husi comunidade Dioceseano Madrid nian, Nia elogia sira atu construi “familia ecclesial furak ida”.
Nia dehan katak “hau imagina katak, ba jogador futebol ida, marca golu ida iha stadium nee hanesan nia husik marca indelével iha nia moris. Maibe, ohin Creda iha Madrid marca ona golu ida nebé inesquecível”.
Papa relembra ema hotu atu labele tauk tanba hamutuk hanesan creda dioceseano, Madrid bele “oferece testemunho evangálico nebé liberta força diak liu humanidade nian, bombardeada husi imagem no liafuan sira maibe hamlaha ba justiça no hamrook ba lialos.
Nia conclui ho música husi evangelho nian, nebé bele toca ema nia fuan, ema sente acolhido. “Sai, ba ema hotu, hanesan Biblia nebé nakloke”, Nia conlui mos “Domin nee hanesan linguagem ida nebé halo ema hotu sente iha uma”.