Santo Padre hili tema ba mensagem loron mundial paz nian ba dala 60 mak “desarma tecnologia, serbí paz: Política hanesan responsabilidade preventiva ida”. Nunee, Loron mundial ba Paz nian sei celebra iha dia 1 de Janeiro de 2027.
Papa fo sai tema ba mensagem ba Loron mundial paz nian ba dala 60 iha loron 11 fulan Agosto tinan 2026, fo sai husi Conferencia Imprensa husi Dicastério ba Serviço Desenvolvimento Humano Integral. Ho tema nee Papa Leão hakarak husu reponsabilidade moral husi sira nebé hetan bolu iha campo político no mos exorta no encoraja humanidade hotu atu promove dignidade ema ida idak nian no contribui atu harii no haburas paz, hahu husi “desarmamento ba tecnologia”.
Relaciona iha encíclica Magnifica Humanitas, iha número 198 dehan katak “la existe algoritmo ida nebé mak halo funu moralmente aceitável”. Nunee, “Santo Padre mos alerta kona ba risco sira ba fiar decisão militar sira iha Inteligencia artificial. Nunee, Santo Padre fo apelo ba comunidade intenacional atu promove acordo comun sira, nebé bele salvaguarda no protege ema nia responsabilidade no princípio humanitário sira, iha contexto nebé relaciona ho ema nia moris no povo sira nia moris hamutuk”. Informa husi dicastério ba Serviço Desenvolvimento Humano Integral.