SANTA SÉ ELEGE SEMINÁRIO MAIOR SÃO PEDRO E SÃO PAULO FATUMETA BA SEMINÁRIO MAIOR INTERDIOCESANO AO MESMO TEMPO NOMEIA PE. MIGUEL ARCANJO DA COSTA BA REITOR.
DILI-Conferência Episcopal Timorense (CET) hamutuk ho nunciatura da Santa Sé iha Timor fó posse ba reitor eleito, Pe. Miguel Arcanjo da Costa no halo letura ba carta da ereção Seminário Maior ba Seminário Maior Interdiocesano nebe empossa no indica hosi Santa Sé. Atividade eclesiástica refere hala’o iha capelina seminário Maior Interdiocesano de São Pedro e São Paulo Fatumeta no hetan participação máxima hosi padres, religioso e religiosa inclui seminarista sira. (Fatumeta, 11/03/2024).
Seminário Maior Interdiocesano de São Pedro e São Paulo Fatumeta, hanesan instituição eclesiástica ida nebe hamrik durante década rua resin (desde 2000-2024) hodi forma seminarista sira hodi simu ordem sacerdotal ba diocese tolu (Archidiocese de Dili, Diocese de Baucau e Diocese de Maliana). Barak ka uitoan, di’ak eh lae, de facto Seminário Maior Interdiocesano refere contribui ona ba vida da Igreja Local de Timor.
Loron ida ne’e hanesan loron histórico iha percuso existencial hosi casa formativo refere. Tamba, nia la’o iha tempo naruk ida, hafoin Santa Sé reconhece no elege nia ba Seminário Maior Interdiocesano. Nune’e, ema hotu nebe contribui ona ba seminário sente laran haksolok no aprecia.
Iha cerimónia ereção no tomada de posse ne’e hahú ho oração “Véspera Solene” hamutuk ho Bispo na’in tolu, Monsenhor Marco Sprizzi, vigários gerais hosi diocese tolu, equipa formadora hosi Seminário ano Propedêutico Maloa, Seminários Menores Dili no Maliana, famílias no seminárista sira hotu. Depoi de véspera solene continua kedas ho noite de confraternização iha salão Seminário Maior Interdiocesano nian.
Reitor empossado sente contente no desafiado ho knár foun nebé Uma Kreda confia iha nia antes hanesan administrador no ohin hanesan reitor. Reitor ne’e mos fundamenta katak maske nia la merece ba knár boot ida ne’e, maibe nia reflete no descobre liafuan tolu mak encoraja nia “no fundo do meu coração eu descobri as três palavras que me ecorajam. Esses são: a obediência, a disponibilidade e o amor a Cristo na sua Igreja”, hateten Reitor Pe. Miguel.
Reitor empossado reconhece katak Seminário Maior Interdiocesano marca tan história foun iha nia existência hanesan instituição eclesiástica “hoje, o Seminário Maior como um seminário Interdiocesano de São Pedro e São Paulo, marca uma nova história na sua existência neste estado RDTL” salienta Reitor, Pe. Miguel.
Reitor Pe. Miguel mos agradece ba bispo na’in tolu be indica mos nia hanesan candidatura ba Reitor. Nia iha esperança boot katak ho elevação oficial hosi Santa Sé ba Seminário no knar foun nebe nia simu sei lori mudança ruma tuir documento sira be Uma Kreda hatur ba casa formativa sira iha Igreja Universal.
Iha tempo hanesan Pe. Domigos Alves da Costa, representa reitor sira nebe haknar-an iha Seminário refere intervem em termos da realidade formativa nebe Casa de formação ida ne’e enfrenta desde nia existência. Nune’e, nia hatur documentos exortação apostólica (partores dabo vobis) hodi dehan “apresenta-se como tempo e um espaço. Mas, sobretudo como uma comunidade educativa em caminho”. Pe. Domingos hateten, ko’alia konaba seminário ne’e ko’alia konaba fuan diocese nian. Tamba ne’e nia mos husu ba bispo sira atu hare hodi hatan ba necessidade formativa iha seminário sobretudo preparação superior ba candidato sacerdote nia iha fiar no iha ciência moderna sira.
Tuir Pe. Domingos, candidato sacerdote ohin loron tenki hatur iha ponto rua mak exemplo de vida no preparação científica no intelectual hodi hatan ba ciência moderna. Nia mos husu ba formador sira atu conforma candidato sira tuir Concílio Vaticano II “o modelo evangélico do padre que o Concílio Vaticano II afirma, o modelo do padre pastor e mestre total” tenik Pe. Domingos. Nia husu mos ba formador sira atu serviço maka’as hodi nune’e formação bele hatan duni ba realidade religiosa nebe oras ne’e sarani hasoru dau-dauk.
Iha oportuindade hanesan Monsenhor Marco Sprizzi fo parabens ba seminário no mos reitor empossado no ecoraja nafatin reitor ho equipa atu esforço ho melhor possível hodi hala’o dia-di’ak knar. Iha parte seluk Dom Noberto Amaral presidente da CET parabeniza mos seminário no reitor empossado hodi encoraja atu buat hotu nebe hahú ona reitor ho nia equipa bele hala’o to’o remata ho di’ak. Depois de noite de confraternização, hasai fotografia hautuk ho equipa formadora no seminarista sira hotu.