Pe. António Quenser do Balino do Carmo sei lidera Comissão Nacional da Educação Católica de Timor Leste (CONECTIL) ba período 2024-2026
DILI – Comissão Nacional da Educação Católica de Timor Leste (CONECTIL) hanesan Comissão Direta ida husi Educação Católica nebé tutela ba Conferência Episcopal Timorense, (CET) nian. Comissão ne’e existe atu regula serviços hotu-hotu nebé pertence ba Educação Católica tomak iha Timor Leste, hahú husi instituição escolar nebé infantil too instituição Superior sira.
CONECTIL existe desde Estado República Democrática de Timor Leste (RDTL) husik responsabilidade do controlo Escola Católica nian ba igreja católica iha Timor laran tomak, iha altura nebá maktoban Padre Francisco Pinheiro mak sai hanesan primeiro Presidente Executivo ba comissão refere hodi lidera comissão ne’e. Bainhira Padre Francisco Pinheiro hakotu íis iha tinan 2021, Conferência Episcopal Timorense, liu husi Bispo sira nomeia Padre Mateus Afonso hodi continua lidera CONECTIL hodi hala’o nia knar hanesan Presidente ba Comissão durante tinan rua (2022-2023).
Iha dia 6 de Fevereiro de 2024, oficialmente Presidente Comissão Padre Mateus Afonso remata ninia mandato, tanba ne’e Amu Bispo sira, liu husi CET nomeia fali Reverendo Padre António Dubalino Quenser hodi continua lidera Instituição Católica ne’e ba período tuir mai, no tuir estatuto CONECTIL nian, Padre António Quenser sei lidera (2024-2026). Ami hakarak hatoo mos katak, Tuir lolos despacho exoneração ba Presidente cessante, Reverendo Padre Mateus Afonso nian sai tiha ona iha loron 31 de Dezembro de 2023, no Provisão ba Padre António Quenser entrega tiha ona, no ona nia knar iha dia 1 de Janeiro 2024. Maibé, foin iha dia 6 de Fevereiro mak oficializa nia mandato iha Bispo nian tolu nia oin, iha CET, Balide, Dili.
Padre Mateus Afonso antes ne’e hala’o nia knar hanesan Decano da Faculdade Filosofia iha Instituto Superior de Filosofia e de Teologia (ISFIT) de Dom Jaime Garcia Goulart, Fatumeta, ao mesmo tempo hanesan mos docente iha Faculdade Filosofia. Husi sorin seluk Padre António Dubalino Quenser mos hanesan, oras ne’e daudaun assume knar hanesan Vice Reitor I dos Assuntos Académicos no docente iha Faculdade Teologia nian, iha ISFIT.