PENITENCIARIA APOSTÓLICA
NORMAS SIRA KONABA CONCESSÃO INDULGÊNCIA NIAN DURANTE TINAN JUBILEU ORDINÁRIO 2025
PROCLAMA HUSI PAPA FRANCISCO
“Agora tempo to’o ona ba Jubileo foun ida, iha nebé atu loke fila fali Odamatan Santa hodi oferece experiência moris domin Maromak nian” (Spes non confundit, 6). Iha bula proclamação Jubileu Ordinário 2025, iha momento actual, iha nebé, “haluha ba tragédia passado, humanidade hasoru dificuldade no prova foun sira, iha nebé haré população barak mak hetan opressão husi brutalidade no violência” (Spes non confundit, 8), Santo Padre convida ema cristão hotu-hotu atu sai nu’udar peregrino sira esperança nian. Ne’e nu’udar virtude ida, atu descobre fila fali sinais dos tempos, iha nebé, contem “saudades iha ema nia fuan nebé precisa presença Salvífica Maromak nian, husu atu nakfilak ba sinal sira esperança nian” (Spes non confundit, 7), nebé tem que hetan liu-liu iha Maromak nia graça no nia laran-luak nebé nakonu.
Iha kedas bula ba proclamação Jubileu Extraordinário Misericórdia 2015 nian, Papa Francisco sublinha katak oinsa indulgência ne’e hetan “relevância particular”, iha contexto nebá, (Misericordiae vultus, 22), wainhira Misericórdia de Deus (Maromak nia laran-luak) “sai fali indulgência Aman nian, nebé liu husi Esposa Cristo nian (Igreja), alcança ema maksalak be hetan ona perdão no liberta nia husi qualquer castigo nebe pecado hamosu” (ibid.). Ho modo hanesan, ohin, Santo Padre declara katak graça indulgência nian “permite ita bele descobre Maromak ninia misericórdia be rohan-laek. Ne’e la’os por acaso, katak iha antiguidade, termo “misericórdia” bele mos troca ho termo “indulgência”, precisamente tanba iha intenção atu exprime Maromak ninia perdão nebé nakonu, la iha limite” (Spes non confundit, 23). Tan ne’e mak Indulgência, nu’udar graça jubilar nian.
Nune’e mos, ho ocasião Tinan Jubileu 2025 nian, tuir Sumo Pontífice nia hakaran, atu “Tribunal de Misericódia” nebé iha competência atu decide buat hotu nebé relaciona ho concessão indulgência nian, iha finalidade atu estimula espírito / ânimo fiar-na’in sira nian, atu iha hakarak (desejo) ho alimenta hakarak di’ak (piedoso desejo) hodi manán Indulgência nu’udar dom da graça, próprio no especial ba cada Tinan Santo; no hatuur netik prescrição (condição) sira tuir mai ne’e, nune’e fiar-na’in sira bele usufruir (menikmati), “disposição necessária sira atu bele hetan/manán no halo prática Indulgência Jubilar efetivo liu tan (Spes non confundit, 23).
Durante Jubileu Ordinário 2025, concessão (direito atu hetan) sira seluk Indulgência nian, funciona nafatin. Fiar-na’in hotu-hotu, nebé hakribit teb-tebes sira salan, livre husi pecado ka la kesi-an ba pecado hotu-hotu (cfr Enchiridion Indulgentiarum, IV ed., norm.20, § 1) no book-an tan inspirado husi espírito caridade nian, no durante Tinan Santo ne’e, purificados (hamoos tiha ona) liu husi sacramento penitência, hakbiit-an tiha ho simu Comunhão Santo, reza ba Amu Papa nia intenção sira, bele hetan ka manán husi rico-soin Igreja nian, katak Indulgência tomak/nakonu (plenária), hetan remissão no perdão ba sira nia salan; bele mos aplica ba klamar sira iha Purgatório, ho forma sira nebé tuir mai ne’e:
I.- Iha Peregrinação sagrada sira
Fiar-na’in sira, peregrinos sira esperança nian, sei bele manán Indulgência Jubilar nebé Santo Padre haraik, waimhira hala’o peregrinação santa:
Ba qualquer Fatin Sagrado Jubileu nian: iha nebá, sei participa Santa Missa tomak (tuir norma litúrgica nebé permite, bele mos hala’o especialmente ba Missa própria Jubileu nian ka ba Missa votiva sira: exemplo: Missa ba reconciliação nian, ba Kasu-salan nian, Missa atu husu virtude caridade nian no atu promove concórdia/lia tuir-malu nian); ka participa iha Missa ritual sacramental sira iniciação cristã nian ka Unção dos Enfermos (ema moras nian); ka participa iha celebração sira tuir mai ne’e: Maromak Futar Lia nian; Liturgia das Horas (Ofício de Leituras, Laudes, Vésperas); iha Via Sarcra; iha Rosário Mariano; no hino Akathistos (hino litúrgico Igreja Grega Antiga nian / rito Bizantina, atu celebra mistério sira Maromak nia Inan); Confissão individual husi penitente sira, nu’udar haktuir ona iha Rito Penitência nian (forma II);
halo peregrinação ba Roma: no visita pelo menos Basílica ida, husi Basílica papal 4 ne’e: São Pedro iha Vaticano, Basílica Latrão, Basílica São Paulo fora dos muros, Basílica Santa Maria Maior.
halo peregrinação ba Terra Santa: no visita pelo menos Basílica ida, husi Basilica 3 ne’e: Basílica Santo Sepulcro iha Jerusalem, Basílica da Natividade iha Belém, Basílica da Anunciação iha Nazaré.
Iha território Igreja particular sira: Igreja Catedral sira, iha Igreja no fatin sagrados sira seluk nebé Bispo sira mak hatudu. (Iha Arquidiocese Dili, Amu Cardeal hatudu ona, fatin 5, sai nu’udar fatin santo ba Jubileu 2025).
II.- Iha visita piedosa sira ba Fatin Santo sira
Nune’e mos, fiar-na’in sira sei bele manán Indulgência Jubilar ne’e, wainhira individualmente ka iha grupo, halo visita piedosa (halo ho fuan-laran tomak), ba fatin jubilar nian no dedica tempo suficiente atu halo Adoração Eucarística, halo meditação, no remata ho reza Ami Aman, Credo (bele hili badak /naruk) no invocação ba Maria, Maromak nia Inan, atu Tinan Santo ne’e, ema hotu-hotu bele experimenta inan sira nia hakbesik-an ho domin ba oan sira, nunca abandona nia oan sira (Spes non confundit, 24).
Iha ocasião particular Jubilar ne’e, ema mos bele ba visita fatin sira seluk nebé hatudu ona nudar fatin santo ba peregrinação, tuir condição sira nebé hanesan:
Iha Roma: Basílica Santa Cruz em Jerusalem; Basílica São Lourenço fora de muros; Basílica São Sebastião, (recomenda mos atu visita fatin conhecida “7 Igrejas tão caras a são Filipe Neri); Santuário do Divino Amor; Igreja Espírito Santo em Sassia; Igreja São Paulo das Três Fontes / fatin martírio São Paulo nian; Catacumba cristã sira; Igrejas dos caminhos jubilares da Europa; Igreja dedicas às mulheres padroeiras da Europa e doutoras da Igreja (Basílica Santa Maria Minerva; Basílica Santa Brígida em Campo de Fiori; Igreja Santa Maria da Vitória; Igreja de Trinità dei Monti; Basílica Santa Cecília em Trastevere; Basílica Santo Agostinho em Campo Marzio).
Fatin seluk iha mundo: Basílicas papais menores de Assisi (São Francisco no Santa Maria degli Angeli); Basílicas pontifícias (Nossa Senhora Loretto; Nossa Senhora de Pompeia; Santo António de Pádua); qualquer Basílica menor; Igreja Catedral; Igreja concatedral; Santuário Mariano sira, nomós, ba necessidade fiar-na’in sira nian, qualquer Igreja nebé digna, Igreja colegiada ka Santuário nebé cada Bispo diocesano ka eparquial (Bispo iha Igreja Oriental nian) hatudu, nune’e mos ba santuário nacional ka internacional sira, “sai fatin sagrado atu acolhe no sai fatin privilégio atu hamoris esperança” (Spes non confundit, 24), nebé Conferência Episcopal sira hatudu.
Fiar-na’in sira nebé hakribiit tebes sira salan, maibé la bele participa iha celebração solene sira ka iha peregrinação ka iha visita ba fatin sagrado sira tan razão todan (hanesan, uluknanain: sira nebé hela iha clausura: monge no monja sira, ferik-katuas sira, moras sira, prisioneiro sira, nune’e mos sira nebé iha hospital ka fatin assistência sira seluk, nebé continua halo serviço ba ema moras sira), sira bele manán / simu Indulgência jubilar iha condição nebé hanesan, wainhira sira unido iha espírito ho fiar-na’in sira nebé presente directamente; liu-liu iha momento nebé Amu Papa ka Amu Bispo diocesano sira nia liafuan nebé transmite liu husi meio comunicação nian; fiar-na’in sira ne’e recita ka reza, oração: Ami Aman, Credo (badak/naruk) no oração sira seluk conforme ho finalidade Tinan Santo nian, iha sira nia uma ka iha fatin nebé sira horik hela (exemplo: iha capela mosteiro nian, iha hospital, iha centro assistência nian ka iha prisão…), hodi oferece mos sira nia sofrimento ka dificuldade sira moris nian ba Maromak;
III.- Iha obra misericórdia sira no iha penitência
Além ida ne’e, fiar-na’in sira mos bele simu ka manán Indulgência jubilar, se wainhira sira ho ânimo, participa iha Missão popular sira, exercício espiritual sira (retiro) ka iha encontro dde formação sira konaba textos sira Conciílio Vaticano II nian no Catecismo Igreja Católica, nebé hala’o iha Igreja ka fatin nebé hatudu ona husi Santo Padre.
Mas que iha norma hatete katak: só bele hetan Indulgência plenaria ida deit, iha loron ida (cfr Enchiridion Indulgentiarum, IV ed., norm. 18 § 1), fiar-na’in sira nebé cumpri tiha ona hahalok caridade nian ba klamar sira iha Purgatório, se sira simu tan Comunhão ba dala rua, iha loron nebé hanesan, sira bele manán Indulgência plenaria rua (2) iha loron ida deit. Ne’e vale deit ba ema nebé mate ona (ne’e tem que celebra iha Eucaristia; cfr cân. 917 no Pontifícia Commisione per l’interpretazione autentica del CIC, Responsa ad dubia, 1, 11 jul. 1984).
Ho dupla oblação ka oferta rua ne’e, sai-tuir loloos ona hahalok caridade sobrenatural nebé louvável, liu husi vínculo nebé unido entre fiar-na’in sira nebé sei peregrina iha mundo ne’e ho sira nebé mak remata ona peregrinação mundo nian, iha Cristo nia futar Isin místico; basea ba facto katak “Indulgência Jubileu nian, liu husi virtude oração, tau atenção liu ba ema hirak nebé husik ona ita, atu sira bele hetan misericórdia tomak” (Spes non confundit, 22).
Maibé, iha modo especial, loloos “iha tinan Jubileu, bolu ita hotu atu sai sinal tangível (real) esperança nian, ba maun-alin no bin-feton barak nebé moris iha condição nebé susar (Spes non confundit, 10). Tanba ne’e, Indulgência mos iha ligação ho obra misericórdia no penitência nian, liu husi sira ne’e mak sei fo sasin konaba hahalok conversão nian. Fiar-na’in sira, tuir exemplo no mandato Jesus Cristo nian, iha coragem atu pratica bebeik obra caridade ka misericórdia sira, liu-liu serbí maun-alin sira be hetan todan tan necessidade oin-oin mak hanehan. Concreto liu tan, fiar-na’in sira hetan fila fali “hahalok ka obra misericórdia corporal: fó han ba sira be hamlaha, fó hemu ba sira be hamrook, fó fatin ba ema la’o rai sira / fó fatin ba peregrino sira, fó hatais ba ema nebé molik ka hatais la iha, visita ema moras sira, visita prisioneiro sira ka sira nebé iha comarca, ba hakoi ema mate” (Misericordiae vultus, 15) nomós haré hetan fila fali “hahalok ka obra misericórdia espiritual: hanorin sira nebé beik (ensinar os ignorantes), fo conselho di’ak (dar bom conselho), corrige sira nebé halo sala (corrigir os que erram), fó perdão ba ema nebé halo áat ita (perdoar injúrias), fó consolação ba sira nebé triste, terus ho pasciência maluk sira ninia fraquezas, reza ba ema moris no ba matebian sira” (ibid.).
Ho maneira ida, fiar-na’in sira sei bele manán Indulgência jubilar, se wainhira sira ba visita, iha tempo nebé loos, maun-alin sira nebé necessita tulun no sira nebé moris iha dificuldade (moras sira, prisioneiro sira, katuas-ferik sira be moris mesak, ema ho deficiência…), sira halo quase peregrinação ba hasoru Cristo nebé presente iha ema sira ne’e (cfr Mt 25, 34-36) no cumpri ona condição espiritual sira, sacramental sira no oração nian. Fiar-nai’in sira ne’e, sem dúvida, bele repete bebeik visita ida ne’e durante Tinan Santo, até bele halo loron-loron, sei manán Indulgência plenária ba cada visita.
Bele manán Indulgência plenária jubilar nian, liu husi iniciativa sira atu pratica ho hahalok concreto, espírito penitência nian ho laran-maus; espírito penitência mak klamar ba Jubileu ne’e, especialmente descobre fali valor penitência nian iha loron sexta-feira: hodi halo abstinência ho espírito penitência nian, pelo menos iha loron ida, husi distração la folin sira (real no virtual, por exemplo: husi meio comunicação social sira, husi redes social sira), halo abstinência ba consumo demasiado (exemplo: halo jejum no pratica abstinência tuir regra Igreja nian ka tuir conselho sira Bispo nian), nune’e mos fo tulun osan ruma ba ema ki’ak sira; apoio ka fo tulun obra religiosa ka social nian, especialmente ba proteção moris nian, ba labarik sira, órfão sira, jovem sira nebé iha dificuldade, katuas-ferik sira nebé mes-mesak, migrantes ka estrangeiro sira husi nação oi-oin nebé “husik sira nia rai, tan atu buka moris ida nebé di’ak liu, ba sira-an rasik no ba sira nia família” (Spes non confundit, 13); dedica tempo livre ruma ba actividade voluntária nian hodi tulun comunidade ka ho forma seluk nebé hanesan ho serviço pessoal nian halo ba ema seluk.
Bispo diocesano hotu-hotu ka eparquia sira no sira nia saseluk sira, iha loron oportuno tempo Jubileu nian, iha oportunidade celebração principal nian iha catedral no iha igreja jubilar sira, bele haraik/fó Benção Papal hamutuk ho Indulgência plenária, nebé fiar-na’in sira hotu bele simu Bênção ne’e iha condição habitual sira.
Atu fácil acesso ba sacramento Penitência no hetan perdão divino liu husi “Poder das Chaves”, Ordinário local sira simu convite atu haraik ba cónego (canónico) sira, Sacedote sira, iha Catedral no Igrejas designadas sira ba Tinan Santo, atu bele rona confissão fiar-na’in sira nian, faculdade limitada sira ba foro internal (confissão sala nian) ba sarani sira iha Igreja Oriental, hatudu iha cân. 728, § 2 husi CCIO, no iha caso nebé reserva eventualmente, haktuir iha cân. 727, excluido (la tama), nune’e mos caso sira nebé haktuir iha cân. 728 § 1, (la tama ka excluido), tanba ne’e caso reservado ba Sé Apostólica. Ao passo que ba fiar-na’in sira Igreja Latin nian, faculdade sira nebé hatudu iha cân. 508, § 1.
Konaba ne’e, Penitenciaria ne’e sugere ba Sacerdote sira hotu, atu oferece ho disponibilidade no laran-di’ak, possibilidade boot no luan ba fiar-na’in sira, atu bele usufuir/koko meio salvação ne’e, hodi organiza no publica horário ba confissão sira, ho acordo (persetujuan) ho pároco sira ka ho reitor sira paróquia vizinha, marca presença iha confessionário, halo horário ba celebração penitência sira em forma fixa no bebeik; oferece disponibilidade luan liu ba sacerdote sira (nebé pensionado ona), inclui sira nebé katuas ona no la halo serviço pastoral definido. Depende mos ba possibilidade, di’ak liu atu hanoin mos katak, tuir Motu Proprio Misericodia Dei, iha oportunidade pastoral atu rona confissão durante celebração Santa Missa.
Atu halo kmaan knaar confessor sira nia, Penitenciaria Apostólica, tuir Santo Padre nia mandato, hakotu lia katak sacerdote sira nebé mak acompanha ka tuir Peregrinação Jubileu nian, sai husi sira nia diocese, sira bele hala’o nafatin faculdade (knaar) ne’e, nu’udar sira simu ona iha sira nia Diocese husi autoridade legítima. Faculdade especial sira seluk, sei haraik/fó husi Penitenciaria Apostólica, ba Penitenciário husi basílicas papais romana nian, ba penitenciário cónego (canónico) sira ka ba penitenciário diocesano sira, nebé haríi iha território eclesiatico ida-idak.
Confessor sira, hafoin hanorin tiha fiar-na’in sira ho domin konaba todan sala nian, tem que define: sala nebé mak tama iha categoria reservado ka censura, ho domin pastoral nian, penitência sacramental sira nebé apropriada, exemplo, lori sira tama kle’an liu ba arrependimento ba nafatin (estável) no basea ba lala’ok caso sira ne’e, convida fiar-na’in sira atu hadi’ak (reparação) ba scândalo no estragos nebé halo ona.
Ikus liu, Penitenciaria Apostólica ho laran-manas, convida Bispo Sira, nu’udar continuadores tríplice múnus Cristo nian (hanorin, guia, santifica); atu explica momoos konaba disposição sira, princípio sira nebé apresenta ona iha ne’e, atu santifica fiar-na’in sira, hodi tetu mos condição sira, cultura no tradição sira iha fatin nebá. Catequese nebé adequada ho carateristica socio-cultural husi povo ida-idak sei tulun mos haklaken Evangelho no mensagem cristã nian tomak ho efetivo, abut kl’ean no metin iha ema nia ema nia fuan, desejo ka hakaran sira atu manán virtude ka dom especial ida ne’e, nebé haraik liu husi Igreja.
Decreto ne’e válido durante Jubileu Ordinário 2025, no la iha tan qualquer norma seluk nebé hateten contrário.
Hasai iha Roma, husi sede Penitenciaria Apostólica, 13 de maio de 2024, Memória da Beata Virgem Maria de Fátima.
Angelo Card. De Donatis
Penitenciário-Mor
S.E. DOM Krzysztof Nykiel
Regente
Traduzido por: Pe. Gonçalo Filipe da Cunha