Igreja de Évora, Portugal, hamutuk ho Timor oan sira nebe oras ne’e iha Portugal realiza atividades de homenagem ba prelados sira Timor nian iha Portugal molok halo trasladação husi neba mai Timor-Leste iha fim do mês de Agosto 2026 ne’e. Atividades sira sei realiza intensivamente durante loron tolu nia laran, hahu husi dia 17-19 de Agosto 2026. Atividade sira nebe sei realiza mak hanesan: acolhimento e processão das urnas prelado sira nian; celebrações Eucarísticas;
conferência no jornada académica e cultura Timorense. Tuir programa iha loron dahuluk, 17 de Agosto 2026 dadersan sei halo trasladação restos mortais Dom Jaime Garcia Goulart ho Monsenhor Martinho da Costa Lopes nian husi Carnaxide Lisboa ba Évora. To’o iha neba sei halo acolhimento ba prelados rua ne’e ho santa missa ida nebe presidida husi Arcebispo Évora nian Dom Francisco Senra Coelho iha Igreja do Espírito Santo. Missa ne’e celebra ho participação Timor oan sira iha Portugal: padres, estudantes no 
seminarista hamutuk mos ho familiares husi prelados sira nee no comunidade sarani sira neba nian. Iha ninia homilia dehan katak hamutuk iha ne’e testemunho missionário nain tolu, protugues nain rua no Timorense ida, nebe fo testemunho mai ita kona ba hahalok missionário nian no domin nian ba Timor Loro-Sa’e. Sira nain tolu depois de fo-an tomak iha sira ninia moris ba Timor, dedica tiha sira nia moris tomak ba Timor, sira mai iha Portugal ne’e husik iis iha ne’e. Arcebispo Évora nian ne’e husu ba sarani no Timor oan sira hotu atu tau matan ba Timor ninia abut no ninia história be missionário nain tolu ne’e mos fo sira ninia moris contribui ona liu husi sira ninia knar episcopado ka prelado nian. Hodi halo nune’e sira nain tolu sai mos abut no airin Timor nian mos nune’e mak sei lori sira ninia restos mortais fila ba Timor, abut no riin boot tolu hodi fundamenta mos imi ninia rai no imi ninia história.
Iha loron 18 fulan Agosto 2026 iha dadersan tuku 10.30 atividades de homenagem no memória ba
prelados sira Timor nian hahu ho realização Jornada académica no cultural Timor nian iha comunidade salesianos de Évora. Iha ne’e mos mak iha kalan tuku 18.30 halao Conferência importante ida ho tema ‘Secularização e mudança de paradigma no anúncio do Evangelho em Timor-Leste husi Padre Doutor José Câncio da Costa Gomes’ ba Timor oan ho sarani sira iha Évora. Partcipa mos iha conferência ne’e Dom Leandro Maria Alves, secretario geral da CET. Atividades académica ho cultural nebe realiza tulun atu apresenta Timor-Leste ninia valores culturais no valores religiosos no fiar católica be hetan iha actos de evangelização no desenvolvimento be halao tiha ona iha igreja no rai Timor, no sei continua iha tempo sira tuir mai ne’e ba nafatin. Atividades loron ida nee nian continua ho Jantar de confraternização no taka ho eucaristia iha lian tetum nebe presidida husi Dom Leandro Maria Alves Bispo Diocese Baucau nian ao mesmo tempo nudar Secretário Geral CET nian iha igreja do Espirito Santo, Évora.
Iha loron ikus, loron 19 fulan Agosto 2026 atividade de homenagem nian sei hahu ho processão Urna Prelados sira nian husi Igreja do Espirito Santo ba Catedral de Évora iha dadersan tuku 10.30 hodi prepara celebração eucaristia ação de graças ba prelados Timor nian sira ne’e nebe sei preside husi Nuncio Apostólico ba Portugal nian S.E Dom Andrés Carrascosa Coso. (Pbenito)