Homilia iha Âmbito Transladação Sepulcral Maktoban Dom José Joaquim Ribeiro, Antigo Bispo Auxiliar de Évora no Antigo Bispo de Díli
Hosi Dom Francisco José Vilas Boas Senra de Faria Coelho,
Arcebispo Évora nian
Introdução
Página hirak be iha História fo sai momento sira kona-bá desumanidade cruel, iha nebé Mundo nia “klamar” tanis no lamenta ba nia-an; ema haketak-an hosi nia klamar rasik; humanidade sai desumanizada. Funu no conflito sira flagelo nebé ita enfrenta to ohin loron, halo ita la haluha, ita português sira hanoin fila fali, ho saudades, gratidão no, de certo modo, ita nia compaixão ba: Timor-Leste. Povo ne’e carateriza ho nia afetividade, ksolok no simplicidade, povo ne’e hetan destrói brutalmente hosi nação ida be iha ambição. Funu entre Timor-Leste no Indonésia, nebé estende hosi 1975 to 2002, hafoin hosi domínio colonial português, Indonésia husik hela população menos ba 25 porcento no nação iha ruína.
Ho contexto trágico ida ne’e, Maromak nunca husik ema feto no mane sira nebé iha carisma oioin hodi segura, no até sira ultrapassa susar boot hirak be mosu hela liu hosi roman Fiar nian iha Cristo, nakukun boot sira dalaruma susar atu halakon.
Ohin iha ato solene de transladação sepulcral ne’e ita hanoin hikas sinal roman nian ida be marca ba ita nia povo português, ba povo Timor, ba nailulik arquidiocesano, no liuliu ba Igreja Universal: D. José Joaquim Ribeiro, Bispo de Díli.
Origem no ministério sacerdotal iha Alentejo
Rai sira iha Alentejo mak nia moris fatin. Nia moris iha Degolados, Campo Maior, loron 4 fulan Fevereiro no tinan 1918. Nia lao iha dalan ba nailulik nian, wainhira sei jovem, frequenta Seminário Maior de Évora no termina nia percurso ho Ordenação Sacerdotal, 25 de agosto de 1940, iha Capela do Carmelo, Fátima. Nia vida ministerial hanesan nailulik marca ho caráter ativo no missionário be naksulin hosi nia coração zeloso: além de prefeito no professor iha Seminário Menor de Vila Viçosa (1940-1944) nune’e mos, nu’udar prefeito, professor, diretor espiritual, no reitor iha Seminário nebé hanesan, hosi peregrinação diocesana sira nebé dala barak organiza no estimula hosi sacerdote jovem ne’e, motiva vila no aldeia sira nebé luan iha Alentejo ba domin Maromak nia Inan, Senhora da Imaculada Conceição no Padroeira de Portugal.
Iha dia 8 de maio de 1957, nia hetan nomeação nu’udar cóne’ego iha Sé Évora nian no iha 30 de novembro de 1957, sai nu’udar bispo auxiliar ba Arcebispo de Évora, Dom Manuel Trindade Salgueiro, hetan ordenação iha Catedral da Sé iha 27 de abril de 1958, hosi Prelado Eborense rasik (Dom Manuel Trindade Salgueiro).
Mas, Ida be bolu nia, reserva ba nia palco missão evangelizadora, iha rai nebé dook tebes: Timor-Leste. Iha tinan 1965, hetan nomeação nu’udar Bispo coadjutor Díli nian, ho direito ba sucessão, muda mos nia direção da vida.
Missão Episcopal iha Timor
Contexto controverso no complexo iha nação Timor laos motivo de reservas ou tauk hosi parte Prelado nian. Nia zelo hatudu iha vertente oioin ho serviço episcopal nebé aten brani, determinação no sucesso caraterísticas próprias ba espírito forte no haraik-an sira. Dom José Joaquim sai nu’udar ícone ba intransigente defesa timor oan sira, tanto iha período final português sira nian, no mos iha invasão hosi indonésio sira.
Wainhira Dom José aceita tiha nia missão, nia abertura ba plano divino halekar ho liafuan hirak ne’e “uluk hau mai no buat hotu nebé hau nian mai ho hau agora, ba Diocese Dili hau lori hau nia-an no lori buat hotu be hau iha atu hau tau hau nia-an incondicionalmente ba serviço Igreja nian iha Timor” [1]. Povo Timor responde ba novidade ho alegria tradicional “Diocese Díli ho sentimento klamar nian ida deit hamutuk ho venerando Prelado (Dom José), Clero, Congregações Religiosas no sarani sira, presta carinhosa receção ba Ex.mo. e Rev. mo. Sr. Bispo Coadjutor”[2].
Dom José preocupa kona-bá âmbito oioin iha vida eclesiástica, pastoral no civil. Ho impulso hosi Papa Paulo VI no haré ba desafio hirak nebé acontese tan Concílio Vaticano II, primeiramente investe makas ba formação nailulik iha conferência eclesiástica sira.
Espírito missionário continua destaca iha nia atividade pastoral. Durante quase tinan ida, hanesan Bispo Coadjutor, nia efetua “visita pastoral no particular sira, liliu parte Diocese nian; turno balu hosi Exercício Espiritual no religiosa sira no estudante sira iha lar académico de Díli; no conferência sira kona-bá temas conciliares iha procatedral. Sua Ex.a Rev.ma. mos dedica ho esforço tomak ba estudo documento boot sira Concílio Vaticano II nian”[3].
Realidade social diocese nian mos nu’u campo da ação ministerial be constante no diversas obras executadas testemunha campo hirak ne’e. Ita destaca obra balu: a Casa da Divina Providência, iha Lecidere, hamutuk ho Paço Episcopal, ho finalidade mak serví ema kiak sira (unidade ne’e confia ba irmã sira hosi Congregação Servas da Sagrada Família); fundação da Casa de Trabalho nebé dirige hosi irmã sira, congrgação Monte Carmelo, hodi suku no homan, formação ba labarik feto sira no catequese (1974). Atu proporciona jovem Timor oan sira nia acesso ba cursos superiores, Dom José institui Fundação Bispo de Medeiros (1971). Transforma mos antiga Escola de Professores-Catequistas de S. Francisco Xavier, hodi dirige hosi secerdote diocesano sira.
Notícia kona-bá pedido de resignação hosi Dom Jaime Garcia Goulart nia parte, Bispo de Díli, “tamba hau nia estado de saúde instável no kolen”[4] muda panorama. Iha dia 31 de janeiro de 1967, Dom José assume fali missão refere no sai nu’udar Bispo Titular[5].
Depois de tinan rua de’it, nia entrevê “profeticamente” futuro ida instável ba nação Timor no liu hosi Fundação “Bispo de Medeiros” fomenta formação ba jovem sira hodi alerta “iha tinan sanulu nia laran sei iha reviravolta boot ida iha Timor. Tamba ne’e, formção ba liderança Timor oan sira nian iha Igreja no sociedade civíl urgente tebes”[6].
Liu hosi nia homilias dominicais nebé impactante no clareza iha ambão reprova katak condições precárias timoroan sira nian la hanesan ho condições iha tinan 400 ba kotuk. Bispo de Díli nia aten brani hetan apoia makas hosi Vigário Geral Pe. Martinho da Costa Lopes, hodi to ponto alto ida iha nebé Dom José lori kareta Jeep ida tulan timoroan lubuk be kanek hodi ba unidade saúde local sira.
Figuras emblemáticas de evangelização iha Timor, hanesan Pe. João Felgueiras, S.J, no sira seluk hetan acolhido hosi Prelado (Dom José): “ami nia visita hanesan presente furak Natal nianl”[7]. Durante loron balu ho estada Pe. João no nia colega sira iha Câmara Eclesiástica, Dom José partilha circunstância relevante sira: “Bispo conta episódio kona-bá violências praticadas hosi indonésio sira”[8]. Tuir Jill Jolliffe, Dom José arrisca confronta “comandante (indonésios) sira iha dalan, husu hodi transporta ema hirak be kanek ba hospital ho nia kareta rasik”[9].
Prelado (Dom José) preocupa ho invasão indonésio sira nian. Ligação ho Bispo mak garantia ba sobrevivência ema barak nian: “Bispo percorre iha dalan sira cidade nian ho batina mutin, faixa mean no cruz peitoral, hodi visita família sira, família sira moris ho tauk teb-tebes, liliu sira hosi etnia chinesa. Ema hirak ne’e defende hodi dehan ba militar indonésio sira nebé mosu ba sira ´Bispo mak cuidado ami´”[10] declara Pe João Felgueiras, S.J.
Dom José nia reação ba violência laiha limite, nem tauk. Dala barak nia adverte indonésio sira: “uluk ema hein imi, mas imi nia maneira oinsa tama no atua halakon tiha ema nia expetativa sira”[11] Atitude hirak ne’e halo militarinvasor sira hirus no halo agressão oioin hasoru Bispo: “(Dom José Joaquim) hetan basa iha nia oin laran hosi oficial idonésio ida iha ocasião ida no nia kadeli (…) sira hasai tiha hosi Bispo nia liman tamba Indonésia nunca reconhece bispo ida nebé mutin”[12]
Laiha personalidade ida maka significativo iha conflito trágico ida hanesan Bispo Dili nian. “Husi início da invasão, Igreja sai interlocutor ida nebé desafia invasor no assume defesa povo nian, hahú kedas iha oras dahuluk. Bispo labele hapara laloran invasão nian, maibé nia visita no defende. Nia maka entidade único nebé mosu no impõe an ba invasor. Fatin balun, hanesan: igreja no escola, hetan recusa no acolhe ema sira, escola Balide no igreja, nu’udar paróquia foun nebé sei iha construção hela”[13]
Jornalista no autoridade sira simu relatório no keixa kona-ba atrocidade sira nebé acontece iha Timor, transmite hosi bispo. Carta ida nebé dirigida ba Presidente Suharto[14], hosi Indonésia hamosu investigação no monitorização ida ba situação sociál. Desconfia, acusação sira considera hanesan exagerado… maibé, sira iha efeito ruma.
Prelado timorense nia tenacidade firme nafatin iha tinan rua nia laran; maibé, nia saúde, pressão, no risco ba nia moris halo nia hadook-an no husu resignação ba Papa Paulo VI iha fulan maio, tinan 1977. Conta katak, nia mãe extremosa, husu ba Núncio Apostólico atu hetan notícia kona-ba nia oan mane no husu mos kona-bá nia segurança. Loos duni katak: por influência ou lae hosi acontecimento ne’e, ninia segurança garantida direta hosi Núncio Apostólico de Roma iha Indonésia, nebé presta serviço hodi bolu Dom José ba Jakarta.
Ida-ne’e mak fim ba etapa gloriosa iha nia missão, maski nia ausente iha território no transfere ona autoridade eclesiástica governação Dili nian ba Administrador Apostólico foun, Dom Martinho da Costa Lopes, hahu iha loron 22 fulan outubro. Indonésia sira tauk nia influência, maski nia sai hosi governo direto da Diocese. Liuliu, sira hakarak atu prevene divulgação iha meio comunicação sira kona-bá horor hirak be Prelado ne’e testemunha. Sira continua persegue nia, sira tenta silencia nia voz, mas, ida-ne’e significa sira atu oho nia. Tanba ne’e, Núncio acompanha nia to’o iha aeroporto no Núncio sente hakmatek bainhira haré Dom José iha ona avião laran ho seguro[15].
Atu fakar sai tiha buat nebé nia (Dom José) sente nia conta ba Núncio “Ha’u sente triste tebes tanba ha’u husik hela povo Timor iha terus boot nia laran.” Bispo sai husi Timor territorial, maibé, nia nunca abandona povo Timor nebé nia hadomi! Nia hela iha Portugal tinan barak tan, inicialmente iha Lisboa. Hafoin, iha tinan 1986, nia hetan convite hosi Bispo Évora nian, Dom Maurílio de Gouveia hodi simu Dom José iha residência sacerdotal, iha tempo nebá localiza iha Quinta de Santo António. Iha uma ida ne’e, nia halo retiro, reza, medita, reflete, no passa tempo ho nia maun-alin sira. Maski nune’e, Nia recusa entrevista sira kona-bá nia passado iha Timor no nia lori nia segredo hirak ne’e ba rai kuak.
Dom José sai vítima ba doença cardíaca[16] Tuir Aman Lalehan nia hakarak, iha loron 27, fulan Julho no tinan 2002, horas: tuku 15, nia fila hikas ba moris foun iha Cristo. Despedida funeral solene maktoban nian, hetan honra hosi entidade episcopal sira, hanesan: Dom Manuel Madureira Dias, Prelado Algarve nian, Dom Manuel Falcão, Bispo Emérito Beja nian, Dom José Alves, Bispo Auxiliar Lisboa nian, no mos, Amu-lulik sira, membro família sira, no belun sira nebé comprova sira nia reconhecimento ba Bispo Emérito Diocese Dili nia vida no obra sira.
Legado ida nebé hakat liu fronteira territorial no temporal sira
Atu compreende proeza histórica Dom José Joaquim Ribeiro nian, liu husi ninia hakerek sira, nebé prolífero duni[17], ka liu husi colecção ki’ik nebé tau iha santuário Vila Viçosa, sasán litúrgico sira nebé nia usa, nu’udar mérito ba nia moris tomak. Maski, “relicário” simples ida-ne’e guarda símbolo relevante ida ba ninia missão: bandeira ikus Timór nian, molok independência, Prelado nia legado ultrapasa fronteira territorial nação sira nian no la limita ba período trágico conflito armado ida nian. Sasin kona-bá nia moris no dedicação sai eco iha tempo presente no futuro. Dom José Joaquim Ribeiro hanesan baluarte justiça social nian no ilustre defensor direitos humanos nian! Nia mak testemunho moris ba vitória domin Cristo nian hasoru mundo nia ódio! Nia maka sinal esperança nian iha momento ida nebé complexo no preocupante iha nebé desumanização atingi ona nivel sira nebé labele imagina.
Obrigado, Dom José Joaquim Ribeiro, ba Ita-boot nia entrega generosa ba Na’i, no ba ita-boot nia aten barani hodi defende humanidade hosi vilipendiada, ódio no ganância; ba ita-boot nia audácia hodi haklaken liafuan salvação no libertação nian iha tempo hostil sira hanesan ne’e; no, liliu, obrigado wain! ba Ita-boot nia sasin fiar nian nebé halakan fuan sira nebé nakdoko no fuan tauk sira nebé ohin loron iha missão hanesan! Ita-boot ami sei hanoin hetan ba nafatin no merece atu ema banati-tuir nafatin! (Tradução ba lian Tetum responsabiliza hosi Frater sira iha Évora)
[1] SEARA: Suplemento Semanal do “Boletim Eclesiástica da Diocese de Díli”, ano 1, 3.a série, n.o 6, (23 de fevereiro de 1966), p.8.
[2] SEARA: Suplemento Semanal do “Boletim Eclesiástica da Diocese de Díli”, ano 1, 3.a série, n.o 6, (23 de fevereiro de 1966), p.8.
[3] SEARA: Suplemento Semanal do “Boletim Eclesiástica da Diocese de Díli”, ano 1, 3.a série, n.o 6, (23 de fevereiro de 1966), p.1.
[4] “Diocese de Díli: Timor- Comunicado Oficial do Bispo de Díli, D. Jaime Garcia Goulart”, SEARA: Suplemento Semanal do “Boletim Eclesiástico da Diocese de Díli”, ano 2, 3.a série, n.o 51 (4 de Jane’eiro de 1967), p. 1.
[5] “O Novo Bispo de Timor é o Sr. D. José Joaquim Ribeiro”, DIÁRIO DA MANHÃ, ano 36, n.o 12.766 (2 de Fevereiro de 1967), p. 1.
[6] Timor-Diáspora (http://timor-diaspora.com/?page_id=155 arquivado em 26 de novembro de 2015, no
Wayback Machine’e.), acesso em 1 de novembro de 2015.
[7] João Felgueiras, S.J., e José Alves Martins, S.J., (2010), NOSSAS MEMÓRIAS DE VIDA EM TIMOR, 2.a edição, Braga, Editorial do Apostolado da Oração, p. 57.
[8] João Felgueiras, S.J., e José Alves Martins, S.J., (2010), NOSSAS MEMÓRIAS DE VIDA EM TIMOR, 2.a edição, Braga, Editorial do Apostolado da Oração, p. 58.
[9] BISHOP KEPT TIMOR SECRETS TO HIMSELF: Dom José Joaquim Ribeiro, LAST PORTUGUESE BISHOP OF EAST TIMOR, 1918-2002″, 29 de agosto de 2002, http://www.smh.com.au › Home › Obituaries.
[10] João Felgueiras, S.J., e José Alves Martins, S.J., (2010), NOSSAS MEMÓRIAS DE VIDA EM TIMOR, 2.a edição, Braga, Editorial do Apostolado da Oração, p. 58.
[11] João Felgueiras, S.J., e José Alves Martins, S.J., (2010), NOSSAS MEMÓRIAS DE VIDA EM TIMOR, 2.a edição, Braga, Editorial do Apostolado da Oração, p. 58.
[12] BISHOP KEPT TIMOR SECRETS TO HIMSELF: Dom José Joaquim Ribeiro, LAST PORTUGUESE BISHOP OF EAST TIMOR, 1918-2002, 29 de agosto de 2002, http://www.smh.com.au › Home › Obituaries.
[13] João Felgueiras, S.J., e José Alves Martins, S.J., (2010), NOSSAS MEMÓRIAS DE VIDA EM TIMOR, 2.a edição, Braga, Editorial do Apostolado da Oração, p. 66.
[14] “UM TIMORENSE DE ALMA E CORAÇÃO”, Diáspora Timorense, p. 5.
[15] João Felgueiras, S.J., e José Alves Martins, S.J., (2010), NOSSAS MEMÓRIAS DE VIDA EM TIMOR, 2.a edição, Braga, Editorial do Apostolado da Oração, p. 84.
[16] “BISPO EMÉRITO DE DÍLI FALECEU”, 28 de julho de 2002, Rádio TSF,
http://www.tsf.pt/Paginalnicial/Interior.aspx?content_id=863275.
[17] “Dom José Joaquim Ribeiro foi um escritor fecundo. Publicou 8 Cartas Pastorais, 24 Notas Pastorais, 23 Cartas Circulares e 66 artigos na Seara (jornal da diocese) e 18 em A Voz de Timor, jornal da província de Timor”, LENDAS E NARRATIVAS DA HISTÓRIA DA IGREJA EM TIMOR-LESTE, Dom Carlos Filipe Ximene’es Belo, S.D.B. p. 119-120.