Iha loron 30 fulan Maio 2025, CET Secretariado realiza encontro ho Comissões no Insitutuições sira iha CET, hamutuk mos ho Conferencia Superiores Maiores (CSM) nian hodi halo avaliação financeira ba execução orçamento subvenção publica ba tinan 2024 nian. Sira nebe mak marca presença iha encontro ne’e mak Presidente executivo, Diretor no coordenador cada comissão sira (CONECTIL, JPIC, CNJCTL, CNL, CARITAS, MISSIO, Gabinete Jurídica) ho sira nia staff finanças nian. Participa mos iha encontro ne’e, Reitor sira hosi Seminário tolu (Seminário Menor Balide, Seminário Propedêutico Maloa no Seminário Maior Fatumeta) hamutuk ecónomo sira hosi seminario tolu ne’e.
Dom Leandro Maria Alves nudar Secretário Geral CET nian hato’o mos liafuan encorajamento no fo hanoin ba responsável sira hosi cada comissão no instituição iha CET atu executa ho diak no responsável osan subvenção nian no buka atu prepara ho diak mos relatório sira submete ba governo.
Secretário Executivo, Pe. Carlos M. P. Roben nia liafuan badak hodi halo abertura ba encontro ne’e:
Bom-dia ba ita boot sira hotu.
Bem-vindo ba Reverendos Padres: Presidente CSM, Presidente Executivo, Diretores, coordenadores sira de cada comissão, Reitor ISFIT no Diretors Academia musica, reitor hosi seminário tolu, hamutuk staff finanças sira hotu nebe marca presença iha ne’e.
Agradece ba ita boot sira hotu nia presença iha encontro ida ne’e.
Objetivo hosi encontro ida ne’e atu partilha informação ruma kona ba sistema de execução osan subvenção publica nian nebe governo aloca ona mai CET no ba Diocese sira. Los duni katak ita simu ona subvenção ne’e tinan hira ona, maibe hare ba katak depois de halo verificação ba relatorio sira hosi CE-CTS no hare ba katak precisa duni atu tur hamutuk ho partilha resultado avaliação nian nebe prepara ona atu bele melhora sistema de execução no preparação relatorio nian ba tinan ida ne’e no tinan sira tuir mai. CET precisa uniformiza nia formato relatorio tuir exigencia governo hosi parte GASC nian molok submete ba governo.
Iha CET ita iha pessoa tecnico sira nebe hola parte iha equipa CE-CTS nian mak hanesan: Sr. Zeca Mestre, Sr. João Câncio no Sra. Jejuinha Gomes, Sr. Adolfo, iha mos ami Amululik balun nebe apoio mos iha equipa ida ne’e, depois de ami halo tiha verificação ba relatorio narrativo no financeiro sira nebe hatama mai iha CTS atu verifica, no ami hare katak precisa duni atu tur hamutuk hodi apresenta avaliação ruma ba ita boot sira ida nebe diak sei hetan apreciação no ida nebe seiduak diak ita sei hadia hamutuk ho tulun CTS nian. Ida ne’e mos mak sai responsabilidade no competência CTS no CE-CTS nian tuir estatuto CTS nian hakerek ona.
Ita sira be ohin iha ne’e nudar colaborades próximo Bispo sira nian iha Conferência Episcopal Timorense, ho nune’e ita precisa atu tulun malu, fo hanoin ba malu, rona malu no moris iha espírito de dialogo no sinodalidad ka la’o hamutuk nian, hodi nune’e serviço nebe ita halao bele la’o ho diak no nakonu ho responsabilidade.
Obrigado e bom encontro ba ita hotu.
Encontro avaliação ne’e hala’o iha Sala encontro CET, Bidau, Mota Klaran.