Relatório badak kona ba atividade loron dahuluk encontro sínodo dos párocos iha Roma
Encontro sínodo dos Párocos halo iha Fraterna Domus, Sacrofano, Italia.
Pe. Hélio Pereira Fernandes
Partipantes sira mak parocos hotu–hotu mai husi paróquia husi nacao oi-oin hodi representa Conferência Episcopal sira hotu. Encontro internacional ida ne’e regista párocos hamutuk 300 hasoru malu atu reza, reflete, rona, halo discernimento no partilha experiência Igreja Sinodal iha missão.
Encontro durante loron lima nia laran hahú husi dia 28 de Abril até dia 2 de Maio de 2024 nebe sei culmina ho audiência ho Papa Francisco iha loron ikus atividade encontro nian. Evento internacional ida ne’e organiza husi secretário geral Sínodo ho colaboração husi Dicastério dos Cleros no Dicastério para a Evangelização dos Povos. Objetivo husi encontro sínodo dos párocos mak oinsa rona experiencia párocos sira nian iha sira nia moris no missão, no hetan mos biban ida atu fahe experiência dinamismo missão sinadalidade hahu husi base ate nivel universal.
Iha inicio assembleia ida ne’e Cardeal Mario Grech, Secretario Geral Sínodo hateten: imi nia presença iha assembleia ida ne’e la’os mai atu simu lição ruma maibe importante liu mak atu haktuir idak-idak nia historia no experiência sinodalidade iha missão. Nia salienta tan katak: ami hakarak rona imi nia história murak husi imi no imi idak-idak importante tebes iha sinodo ida ne’e. Ami rona imi no hatene husi imi oinsa Cristo moris no hala’o knar ida ne’e to’o ohin loron. Iha ocasião hanesan Cardeal Lazarus You Heung Sik salienta katak encontro sinodo ida ne’e laos deit atu rona palestra sira maibe atu koalia ba malu, rona malu no rona Espirito Santo koalia saida ba ita.
Iha parte ikus husi atividade encontro ba loron dahuluk ne’e, comissão organizadora fahe participantes sira ba grupos ki’ik hodi fahe experiência, halo discussão, partilha experiência sira iha oração nia laran no resultado husi partilha grupo nian sei lori ba plenaria.
Encontro ba loron dahuluk ida ne’e hala’o iha ambiente ida nebe nakonu ho amizade, rona partilha experiência nebe rico tebes iha idak-idak nia contexto no experiência moris nian hodi hariku malu no hodi hetan dalan hamutuk atu hatan ba desafios sira mundo ohin loron hasoru.