DOMINGO SOLENIDADE DO SANTÍSSIMA TRINDADE
Ano B
26 de maio de 2024
I Leitura: Deut 4,32-34.39-40
Salmo: 32 (33)
II Leitura: Rm 8,14-17
Evangelho: Mt 28,16-20
Liturgia Lia-fuan nian sai mata-dalan mai ita fiar na’in sira atu descobre no reconhece presença mistério Santíssima Trindade nian liu husi dalan rua: ida, wainhira ita hanoin hikas Maromak nia ação eh hahalok iha História Salvação nian, nebe Povo Israel sai nudar povo privilegiado. No segundo, ita bele descobre Maromak Santíssima Trindade liu husi história nebe Maromak hakarak hatudu ba humanidade tomak liu husi dalan batismo no haklaken Lia-foun Di’ak nian. Mistério Santíssima Trindade mak Mistério Domin lolos Maromak nian nebe fahe ho ita ema. Maromak nebe halo ita hola parte iha comunidade eh família domin nian. Celebra solenidade Santíssima Trindade katak, ita hola fali consciência kona ba ita nia “pertença nudar família boot, família domin Maromak nian; ita sai maun ho alin, feton ho nán tanba ita iha Na’i ida de’it, fiar ida de’it no Batismo ida deit” (cf. Ef 4).
Ita celebra festa boot ida liturgia Católica nian, hanaran solenidade Santíssima Trindade. Festa boot nee nu’udar mistério boot, aas no kle’an liu mistério fiar Católica nian, tanba festa ne’e nu’udar fundamento ka base fundamental ba doutrina hotu-hotu fiar Católica nian”. Tuir expressão Amu Papa Leão XIII hateten: “atu bele hatene no contempla mistério boot nee, mak Maromak halo anjo sira iha lalehan no halo ema iha rai”.
Iha leitura dahuluk, Moisés convida povo Israel atu descobre Maromak nia futar Oin no futar Fuan liu husi, hanoin hikas fali, Na’i Maromak nia hahalok kmanek sira nebe Maromak halo ona iha história povo Israel nian: “desde o dia em que Deus criou o homem sobre a terra” (Dt 4,32). Maromak ida nebe povo Israel fiar, mak Maromak ida libertador no salvador, nebe Nia domin sasukat laek ba Nia oan sira iha tempo hotu-hotu. Domin ida ne’e, Nai Maromak hatudu liu husi, hasai povo Israel husi fatin terus atan nian. No tuir mai, Maromak acompanha povo nia viagem, hatudu ba sira dalan loos atu la’o tuir nebe garante ksolok lolos no moris lolos nian.
Ho roman liturgia santa ohin nian nebe dedica ba Santíssima Trindade ita bele descobre katak, Santíssima Trindade nee mistério domin lolos Maromak Aman, Oan no Espírito Santo nian, Maromak ida mesak nebe revela-An eh hatudu-An ona iha história salvação nian ho dalan oi-oin, no ikus mai liu husi Nia Oan Mane mesak (cf. Heb 1,1).
Texto livro Deuteronómio nian nebe ohin ita rona, apresenta resumo ida husi Moisés nia ibun kona ba história Povo Israel nian, hahú kedas wainhira Israelita sira sei horik iha Horeb/Sinai, to’o ba fatin ikus molok Moisés hakotu iis, iha foho eh monte Nebo, Transjordania, besik ona tama ba Jericó (cf. Dt 1,6- 3,29). Iha discurso nee, Moisés mos propõe ba Povo resumo no exigências sira Aliança nian (Dt 4,1-43). Ne’e katak, iha visão Moisés nian, reconhecimento kona ba Maromak nia ação eh hahalok kmanek sira iha povo Israel nia história, tengki lori povo nee hodi assume compromisso ida, katak, buat sa los mak povo nee tengki halo ba Maromak atu hametin Aliança nee?
Leitura dahuluk nian convida ita mos liu husi Moisés nia lia-bolu ba povo Israel, atu hatene hateke ba história salvação nian, hodi descobre hikas fali presença salvadora no domin boot Maromak nian nebe hadomi nia povo ho domin sasukat laek no rohan laek. Ema matenek sira hateten: “Povo nebe la hanoin tuir fali nia história hodi fo honra ba nia herói sira, povo ne’e lakon nia identidade”.
Ba povo Israel, identidade lolós hetan nia fundamento husi presença Maromak ida nebe fiel no domin na’in. Maromak mak autor eh protagonista principal ba povo Israel nia libertação sai husi fatin terus atan nian, husi rai Egipto. Ba povo Israel, história nudar locus theologicus, katak evento nebe povo Israel descobre “a forma de ser e do agir de Deus”.
Hodi hanoin tuir fali no reconhece ho gratidão presença incondicional Maromak nia iha história, tuir mai, povo Israel sei hakruuk deit ba Maromak nuudar “Único Soberano”; Soberano ida nebe la’os ukun ho liman kro’at hanesan Faraó, maibe ukun ho domin no promete ksolok lolós ba povo Israel husi geração ba geração (cf. Dt 4,40).
Evangelho haktuir kona ba despedida Jesus nian ba Nia escolante sira, hodi fo mos ordem, hodi haruka sira atu ba nação sira hotu, hodi fo sasin salvação Maromak nian, katak haklaken Reino Maromak nian. Escolante sira tengki hanori buat hotu nebe Jesus hanorin ona ba sira, hodi fo batismo ema hotu hodi Santíssima Trindade nia Naran: Aman, Oan no Espírito Santo. Hahalok no missão nebe Jesus husu ba Nia escolante sira nee atu halo ema hotu sai família eh comunidade ida deit iha família domin Santíssima Trindade nian.
Tuir evangelista São Mateus, escolante sira halo tuir Jesus nia Lia-menon nee hodi la’o ba hakaken, hahú husi Galileia; Iha duni Galileia mak Jesus hahú haklake Reino Maromak nian (cf. Mt 4,12-17); iha duni Galileia mak Jesus bolu nia escolante sira (cf. Mt 4,12-22); iha duni Galileia mak Jesus, durante quase tinan tolu nia laran, haklaken Maromak nia Reino ho liafuan no hahalok. Hafoin, Jesus hakat liu ba Jerusalém, hodi hasoru condenação injusta no mate iha cruz, maibé Nia moris hi’as fali. Moris hi’as tiha, Jesus mosu hikas iha Galileia hodi haklaken ksolok Moris-Hi’as nian ba nia escolante sira no hodi fo ba sira mandato discipulado nian. Iha buat hotu nebe Jesus halo, ninia centralidade mak Reino de Deus. Galileia, hanesan ita hatene, território nebe considerado ema gentio sira nian, maske nunee, Jesus fo atenção nebe boot tebes. Iha duni contexto nee mak ita reflete katak, Reino Maromak nian nee nudar convite boot ida Jesus nian ba ema hotu-hotu. Tanba, iha Galileia no ‘a partir da Galileia” mak Evangelho eh Lia-Foun Diak, sai ba hasoru malu ho mundo.
Evangelho mos haktuir kona ba visão foun escolante sira nian ba Jesus Ressuscitado: “Quando O viram, adoraram-n’O”. Atitude ida nebe hatudu “Senhoria Jesus nian sobre toda a história da humanidade”. Hanesan iha leitura dahuluk ita reflete ona, Evangelho mos fó indicação importante ida mai ita atu hatene descobre Mistério Maromak nian iha “Jesus nia Vida”. Jesus nebe uluk nana’in apresenta-An ba nia escolante sira nudar “Senhor da história”. Jesus nebe revela-An ba Nia escolante sira nudar “Segunda Pessoa do Santíssima Trindade”: “Todo o poder Me foi dado no Céu e na terra. Ide e fazei discípulos de todas as nações, baptizando-as em nome do Pai e do Filho e do Espírito Santo, ensinando-as a cumprir tudo o que vos mandei. Eu estou sempre convosco até ao fim dos tempos”.