CET – Dili (08 de Setembro de 2024) Liafuan hirak ne’e hato’o husi Presidente Autoridade Região Administrativo Especial Oe-Cusse-Ambeno(RAEOA) Rogério Tiago Lobato ba Jornalista media Igreja nian iha fatin acampamento Pelican Paradise Tasi Tolu iha loron 07/09/2024.
Nia dehan “hanesan ita hatene Timor Leste ne’e país maioria católico iha mundo, tanba cristianismo tama mai Timor liuhusi Lifau-Ambeno, tanba ne’e sarani sira nebé mai husi Oe-cusse ne’e ho missão ida especial teb-tebes atu hatudu sira nia domin ba religião no atu hatutan mos tradição sira iha século barak nia laran liu ba kotuk cristiasmo tama iha Timor Leste.”
PA Lobato hanesan comissão organisadora hatutan “peregrino sira husi Oe-Cusse hamutuk (2.344) maibe número ne’e bele aumenta tanba ema barak sei antusiasmo tebes hodi hasoru amu papa.”
“Ha’u nia Esperança Amu Papa nia visita ne’e sei halo Timor oan sira fiar malu, rona malu harii paz, no hadomi malu, ho reconciliação hanesan maun-alin iha Cristo hodi nune’e Timor ne’e bele ba oin hodi desemvolve ita nia rai ba ema hotu-hotu nia moris diak.” Dehan Presidente Comissão Organizadora.
Iha fatin hanesan João Evaristo hanesan Presidente Conselho Pastoral Paroquial Paróquia Nunbei hatutan “total peregrinos 2.344 husi Oe-Cusse nian composto husi parte Governo (473) Paróquia Nunbei (806) Paróquia Padiae(316) Oe-silo(210) Passabé(177) Bauknana(270). Media da Igreja