Iha Sexta-feira nee (06/02), Papa Leão XIV dirige Participante sira iha Assembleia Plenaria Dicastério leigo, familia no vida, Nia enfatiza importancia formação Cristã sira nian no husu atu prevene forma sira hotu nebé hamosu abuso sira.
Assembleia Plenária ba formação leigu sira nian nee realiza iha loron 4 too 6 fulan fevcereiro tinan 2025 nebé mak realiza iha Roma, nebé ho tema “until the Christ is formed in you” ka “Até Cristo forma iha o” (Gal,4:9).
Papa Leão fo roteiro ida ba participante sira nebé envolve iha formação cristã, Papa enfatiza atu tau importancia ba cuidado vida humana, especialmente ba prevenção abuso sira ba minoridade no ema vulneravel sira, liu liu atu acompanha no suporta vítima sira hotu.
Iha Papa nia discurso, Papa Leão reflete kona ba elemento importante ba formação cristão sira nian nebé útil tebes ba sira nebé halao servisu ida nee, mak hanesan “dimenção comunhão nian”.
Igreija mak hamosu fiar
Papa Francisco hateten katak “hanesan ho vida humana, transmite liu husi domin entre mane ida no feto ida, nune mos vida cristã nee transmite liu husi domin comunidade ida nian. Nunee missão haklaken laos deit knar padre, catequista no lider da igreija sira nian maibe nee missão ita hotu nian atu transmite Maromak nia domin ba ema hotu.
Aborda formação sira hanesan inan-aman transmite fiar ba nia oan sira
Papa Leão XIV insisti la too deit atu transmite doutrina, observancia no ética maibe formador sira hetan chamada atu partilha kona ba saida mak moris, generosidade no amor sincero ba klamar sira, desejo atu terus ba ema seluk, dedicação sem reserva, hanesan inan-aman nebé sacrifica sira nia an ba oan sira nia diak.
La bele lakon coragem
Papa Leão XIV bolu atenção ba participante sira atu precisa promove moris ida nebé concistente, envolvente no vida pessoal nebé mak diak, ida nee lori ema ba batismo no sacramento sira, no ajuda ema atu descobre sira sira nia fiar liuliu atu sai maduro liutan iha fiar.
Papa Leão dehan formação Cristã sira nian precisa paciencia, escuta ativa, acompanhamento no verificação, iha ita nia vida pessoal no iha comunidade, no buat sira nee hotu labele separa husi ita nia esperiencia no ita moris loroloron nian, atu nunee sira bele aprende tuir ita nia exemplo sira.