CET, 10 de Setembro de 2024 – Evangelho S. Mateus nian ne’e sai base iha mensagem afetividade domin nian nebé mak hato’o husi Papa Francisco ba labarik sira iha comunidade “IRMÃS ALMA” sira nian iha Praia dos Coqueiros Dili, Timor Leste. Papa Francisco hala’o visita ba Madre Alma sira iha loron 10 fulan 
Setembro tinan 2024 nudar sequência iha loron daruak visita Papa Francisco nian iha Timor-Leste.
Papa dehan “Misericordia concreta ba ema ki’ak sira hanesan moris ho domin no oferece sasin moris nian iha ocupação sira lorloron nian hodi hare hetan Maromak nia oin iha sira”
Labarik ho tratamento especial ho madre alma sira ho laran haksolok hodi simu Papa Francisco ho tara tais, bidu no hananu música bem vindo nian ho acolhimento ida emocionalmente nebé labele hateten ho liafuan.
Iha fatin hanesan Madre Getrudis nudar superiora congreção Alma iha Timor-Leste hateten “ema hirak nebé ho tratamento especial hanesan karan murak ida husi Maromak atu tau matan no foti sira husi situação isolamento nian.”
Congreção Alma funda husi Pe. Prof. Dr. Paulus Henrikus Jansen iha Madiun Indonesia iha tinan 8/ 9/1960 ho ninia fundamento mak liafuan Jesus nian. Media da Igreja