CET-Tentang Katolik (08/10/2024) – Papa Francisco fo sai consistório ida ba criação cardeal foun nain 21 hosi mundo tomak, iha loron 06 fulan outubro tinan 2024, iha Vaticano-Roma.
Husi Cardeal foun na’in 21 nebé Papa Francisco fó sai (Domingo, 6/10/2024) iha oficial ida nebé organiza Viagem Papal mak Padre George Jacob Koovakad, husi Índia eleito nudar Cardeal foun.
Iha história igreja Católica nian, antes ne’e, Padre George hanesan Chefe Delegação organizativa Vaticana (DOV) no responsável ba Viagens papal (viagens Santo Padre Papa Francisco), nu’udar dahuluk nebé mak eleito hosi papa ida nu’udar Cardeal. Nia serviço ona nu’udar diplomata ba Santa Sé no serviço iha embaixada sira Vaticano nian iha Argélia, Corea do Sul, Irão no Costarica.
Desde Julho 2020, nia serviço iha secção Assunto Geral Secretaria Estado Vaticano nian no envolve ona iha organizador viagens complexo no naruk ba Papa Francisco: hosi nia visita Apostólica ba Canada, República Democrática Kongo no Sudão do Sul to’o Viagem sira ba nação haat iha Ásia no Oseánia (Indonésia, Papua Nova Guiné, Timor-Leste, no Singapura).
Antes ne’e, iha ona organizadór Viagem papal na’in rua nebé mak hili hosi papa nu’udar Cardeal sira. Maibé, sira na’in-rua hili bainhira sira la serve ona nu’udar organizadór viagem papal sira nian, hanesan Padre Roberto Tucci (2001) no Padre Jacques Martin (1988).
Consistório ba criação cardeal foun 21 ne’e sei hala’o iha loron 8 fulan Desembro tinan 2024.