CET 09/09/2025 Bispo sira husi cada Conferência Episcopal nação Lusófonos ou CPLP halao encontro ba dala XVI iha Lisboa, Portugal ho nia tema “Viver a Paz na Hospitalidade”.
Encontro ida ne’e hahú ho Missa de abertura nebé preside husi Dom José Ornelas, Bispo de Leiria Fátima e Presidente da Conferência Episcopal Portuguesa (CEP).
Depois de Missa hahú kedas ho abertura ba primeira seção nian nebé mak loke ho discurso husi Dom José Ornelas nudar Bispo uma nain no Dom José Manuel Imbamba, Bispo de Saurimo e Presidente Conferência Episcopal Católica em Angola e São Tome.
Iha Discurso nee, Bispo nain rua hato’o kona objectivo principal husi sorumutu Bispos Lusófonos sira nian nebé mak sempre halao iha tinan rua-rua. Bispo sira salienta katak, encontro ida ne’e acontece ho ninia objetivo atu hametin no haforça liu tan unidade Igreja husi nação sira nebé koalia lian hanesan (portugues). Buka atu hametin liu tan espírito de Sinodalidade atu nuné bele lao hamutuk iha unidade fiar nian maski iha diferenças de cultura. Haktuir Dom José Ornelas katak, husi encontro ida ne’e ita bele hetan hamutuk dalan hodi haklaken Evangelho liu husi lian ida nebé mak ita hotu koalia, maibe, riku iha cores, gestos, lian no culturas nebé mak haburas Igreja iha ita ida-idak nia nação. Salienta mos Dom José Manuel Imbamba, ohin ita hamutuk iha terra dos Herois do Mar, do fado, de Santo António, de Nossa Senhora de Fátima, atu compartiha vivência culturais ita nia fiar nian nebé ita exprime iha Portugues no atu reafirma ita nia compromisso nudar Igreja Sinodal em Saída. Igreja nebe presente iha Povo nia leet nudar “Naroman, Masin no Fermento.
Reunião ida nee sai hanesan autênticos aerópagos, iha nebé ita hotu sente no experimenta furak husi Sinodalidade, unidade, solidariedade, partilha no Missão.
Wainhira hato’o tiha Discurso badak husi Bispo nain rua, tuir mai tama kedas iha apresentação husi Bispo ida-idak kona Realidade moris Igreja nian iha Ida -idak nia nação no desafio sira nebé mak Igreja ida-idak enfrenta no buka solução ba desafio sira.
Iha Parte loraik Bispo sira halao mos Audiência ho Presidente da República Portuguesa Doutor Marcelo Rebelo de Sousa, hodi Comprimenta no rona mos hanoin ruma husi Presidente kona ba realidade situação sira Política, Ecnómica, Social iha ámbito Europa nian. Presidente ho ksolok expressa nia sentido de gratidão ba Conferência Episcopal ida-idak nia presença no ba testemunho da fé cristã nebé mak nação Lusófonas sira hatudu nafatin iha unidade nudar Igreja nebe koalia lian nebé hanesan hodi expressa Fiar Sarani nian iha ida-idak nia nação no ba mundo.
Pe. Levinson Verdial, Diretor Comunicação Diocese Maliana