Dili, 4 de Fevereiro de 2026, Quinta-Feira ne’e, Conferência Episcopal Timorense (CET) halao visita cortesia ida ho chefe do Governo Senhor José Alexandre Kayrala Xanana Gusmão iha Palácio do Governo.
Objetivo principal husi visita ne’e mak Presidente sessante Conferência Episcopal Timorense Dom Norberto do Amaral apresenta Dom Virgílio Cardeal do Carmo da Silva, SDB nuudar Presidente foun CET ba chefe do Governo. Além de nee, iha encontro ne’e, koalia mos kona-ba plano transladação ba restos mortais Bispo sira Timor nian, nebe dadaun ne’e, hakohi hela iha Lisboa Portugal : Dom Jaime Garcia Goulart, Dom José Joaquim Ribeiro, no Monsenhor Martinho Lopes. Tuir plano sei translada restos mortais Bispos sira nian iha fulan Setembro tinan ne’e, iha Se Catedral de Dili, hamutuk ho resto mortal Dom Alberto Ricardo nebé too agora sei hakohi hela iha Cemitério Maloa.
Iha Processo transladação nian, comissão sira forma ona, no comissão ne’e, composto husi governo no Igreja Timor-Leste. Comissão ne’e, sidauk bele fo sai ba público tanba precisa tan encontros hodi hadia halo diak liu tan molok fo sai.
Enquanto husi parte governo nian, Xefi do Governo hatudu nia vontade bo’ot no tomak hodi apoia plano Uma Creda Timor nian, atu translada mortais Bispos sira Timor nian husi Portugal mai Timor-Leste. 
Liu tiha sorumutuk ho Xefi do Governo, Dom Norberto do Amaral hakat liu ba Esplanada Tasi tolu hodi assina placa de visitação Maktoban Sua Santidade Papa Francisco iha Timor-Leste.
Media CET