Secretário do Estado Vaticano Cardeal Parolin nebe sai nudar legado Papal ba Dinamarca hodi preside celebração missa 12º Centenario missão Santo Ansgário iha cidade Copenhagen iha loron 25 fulan Janeiro hateten iha ninia homilia katak “igreja credível nafatin, laos tamba poder ruma, número, ka estrategia sira, maibe wainhira fiar sai testemunho moris nian be expressa no traduz ba hahalok concreto libertação, justiça no laran luak nian nebe restaura dignidade no loke dalan ba Liberdade loloos.” Nia continua ninia homilia hodi dehan tenik katak “iha século IX bainhira monge beneditino to’o iha Norte Europa nian ba halao missão, sira halao laos baseia ba “estrategia sira be atu lori ba too sucesso, maibé sira baseia iha fidelidade ba Jesus”. Nune’e missão laos halo ho estrategia ba sucesso ida maibe halao tamba hakarak to iha finalidade ida no finalidade ne’e mak fiel ba ita Nai Jesus Cristo.
Iha fidelidade ne’e mak bele salva, transforma ema nia fuan sira ne’ebé rona sira no liberta sira. Missão Santo Ansgário sira nian hahu husi moris hosi experiência extraordinária libertação nian, husi fuan sira nebe transforma, tan ne’e mak mas que limitação, iha fragilidade no obstáculo oioin iha missão neé, maibe sira kontinua fo nafatin testemunho no tau confiança ba iha Maromak.
Cardeal Parolin haklean ninia homilia hodi dehan wainhira ita celebra 12º centenário missão Santo Ansgário nian nune’e fo hanoin mai ita realidade ida be missão ne’e ninia experiência revela mai ita katak Creda buras ita hare ” liuliu la’ós iha númeru sira, maibé iha mane no feto sira ne’ebé moris iha fidelidade, perseverança no domin” ba Maromak ninia vontade. Iha neba mak creda ninia credibilidade moris sai mos lolos. Nune’e credibilidade igreja nian laos mai husi poder ruma, maibe mai husi moris fidelidade, preservança no domin ba maromak.
Legado Papal Cardeal Paroline conclui ninia homilia hato’o mos comprementos no proximidade espiritual Santo Padre Leão XIV nian ba sarani sira iha Dinamarca iha celebração boot ida ne’e.
Por : Zenia P. M. Soares
Fonte : Vatican.va