CET 11/09/2025 Iha loron daruak sorumutu Bispo sira nação Lusófonos/CPLP nian, Bispo sira Participa iha Colóquio ho tema “Fraternidade novo nome da Paz” iha ámbito celebração aniversário Fundação Fé e Cooperação (FEC) nian ba dala 35, nebé halao iha sala auditoria da Radio Renascença. Iha colóquio ne’e, hetan apresentação no ideias husi figuras importante sira nebé serviço iha União Europeia no Dicastério ba assunto social nian husi Vaticano. Apresenta mos husi membros sira FEC nian no Arcebispo de Nampula-Moçambique kona ba problemas sociais no política sira, liu-liu kona ba conflitos ka funu nebé mak acontece atualmente iha parte norte Moçambique nian, liu-liu iha cidade Cabo Delgado, nebé liderado husi grupo radicalista sira muçulmano nian, nebé mak desde 2017 halao ataques ba população sira iha cidade refere.
Fundação FEC apresenta mos kona ba ninia existência hanesan organização não governamental para o Desenvolvimento, (ONGD), nebé hari iha Portugal ho ninia abjectivo atu promove desenvolvimento humano integral iha nação Lusófonos sira.
Actualmente halao nia missão iha nação CPLP balun hanesan: Portugal, Angola, Guine Bissau no Moçambique. Iha plano katak, iha tempo badak sei halo mos cooperação ho Conferência Episcopal sira seluk, hanesan Timor-Leste, Brasil, Cabo Verde no São Tome e Príncipe.
Hafoin de participa tiha iha Colóquio no cerimónia aniversário FEC nian ba dala 35, Bispo sira halo visita mos ba sede no estudio sira husi: Rádio Renascença, RFM, no Mega hits. Ikus liu hodi taka actividade sira ba loron daruak nian, halao mos visita ba Sede Conferência Episcopal Portuguesa (CEP) nian hodi rona mos apresentação husi responsáveis ba sectores ka departamentos sira CEP nian kona ba ida-idak nia serviço no missão iha Kreda Portuguesa nian.
Pe. Levinson Verdial, Diretor Comunicação Diocese Maliana