Federações das Conferências Bispo sira continente Àsia nian (FABC) iha sira ninia reunião comite central nian nebe halao iha Bangkok iha loron 3 fulan Março 2026 ne’e hasai declaração ida relaciona ho funu nebe oras ne’e dadaun acontece iha medio oriente entre Irão ho Israel no Estados Unidos da América (EUA) nebe lori consequência mos ba nações Àrabes sira balun nebe durante ne’e sai aliados EUA nian. Declaração ne’e fo sai tamba hatene katak funu sempre lori ema ho mundo ba iha consequências incalculável hasoru ema ho aspetos económicos no sira seluk tan. FABC bolu fila fali atenção lideres mundiais no ema hotu nian, liu-liu sira nebe tama iha conflito atu rona ba Santo Padre Leão XIV ninia apelo nebe dehan katak “Ita labele hari dame ho ameaças ka kilat sira nebe dala barak kuda no hamosu, estragos, terus no mate. Estabilidade labele hari husi ta’uk, nune mos justiça ita labele assegura ho fali violência. So bele hari liu husi sinceridade, responsabilidade no diálogo sustentável nebe bele loke dalan ba justiça no ba paz be sei rohan laek.
FABC nebe hamrik nudar klibur ida ulun sira Creda Católica nian, ho haraik-an apela no encoraja atu
- Hapara imediatamente hostilidade sira tomak no parte sira hotu usa responsabilidade moral, resiste hasoru spiral de escalada nebe hamosu liu tan terus no perda irrevsível;
- Restaura fila fali diplomacia be sai nudar instrumento dahuluk atu resolve conflito. Liu husi diálogo mas que difícil, sai nudar dalan ida mesak nebe respeita ema ninia dignidade no soberania nação nian;
- Lidere sira husi religiões bobot sira be tradicionalmente hetan iha região ne’e nian hatudu ba malu solidariedade interreligiosa nune’e hamutuk bele fo sasin kona ba moris ninia sacralidade
- Hamrik hamutuk nafatin ho ema kiak no sira nebe mak sai vitima ba funu ne’e, sira nebe ema la rona sira ninia lia tanis sira tamba cálculo geopolitica sem precedents.
By: Pbentobarrospereira.