DC-CET, Hongkong, 10 de Desembro 2025
Tinan tinan dirgentes no responsável sira comunicação husi Conferências Episcopais sira FABC nian halo reunião annual hodi descute temas atuais sira kona ba realidade comunicação nebe mundo no igreja ohin loron ninian atravessa hela dadadun, kona ba ninia vantagem, desvantagem no desafio sira, liu-liu kona ba oinsa mak Igreja mos moris realidade comunicação nian ne’e hodi haklaken Maromak ninia Reino no servi Maromak ninia povo diak liu tan; oinsa mak Santa Creda bele halao ninia knar evangelização nian usa meios de comunicação hotu nebe disponível hodi halao lolos no didiak knar ne’e no hodi halo Maromak ninia reino presente mos iha realidade mundo de comunicação ohin loron nian be hanaran mundo digital no halo ema hotu-hotu hatene Maromak ninia reino.
Tinan ida ne’e, 2025, reunião annual halo iha Hongkong iha Universidade de São Francisco hahu husi loron 9-13 fulan Dezembro. Abertura ba encontro annual ne’e hahu ho eucaristia nebe presidida husi Cardeal Stephen Chow no palavras de abertura husi Presidente Departamento de Comunicação (FABC) nian Mons. Marcelino Antonio M.Maralit Jr Bispo Diocese Sao Paulo, Filipina nian. Tema ba sorumutk tinan ida ne’e ninian mak “INTELIGÊNCIA ARTIFICIAL NO OBSTÁCLOS SIRA BA PASTORAL IHA MUNDO OHIN LORON NIAN IHA CONTEXTO CONTINENTE ASIA NIAN.” Tema ida ne’e sei elabora sai klean liu husi oradores importante sira nebe mak mesak esperto no competente iha sira ninia area. Durante loron hat nee sub tema sira nebe orador sira sei hatoo mak hanesan: Inteligência Artificial (AI) ho Ninia Impacto ba Ema; AI ho Igreja; Legalidade no Aspeto Politico husi AI, foca ba iha Neuro no Direitos sira seluk no mos Proteção ba Vulnerável sira; AI ba Missão no Diálogo; AI ho Ética husi Prespetiva Media Católica nian; Guia no Princípios iha usa AI ba Evangelização no A,cão pastoral; Husi Dicernimento ba Ação. Implementa AI Ninia Responsabilidade ba iha Igreja Asia nian; AI ho Missão Media Católica nian; Biblia ho Documentos Catolico nian iha Pesquisa Semántica APP nian; Media Igreja ninia Factos-Checking-Verifica; Uso AI iha Plano Pastoral.
Participa iha encontro annual nee cardeal, bispos, sacerdotes no leigo sira hamutuk 30 resin nebe mai husi nações sira Àsia nian no mos Prefeto ba Dicastério Comunicação nian Dr. Paolo Ruffini no Dra. Nataša Govekar nebe mai husi Vaticano.
Iha loron 10 fulan Dezembro 2025 sub tema sira nebe esperto nain hira apresenta mak: Dr. Victor Lam, hato’o kona ba Intelegencia Artificial (AI) ho ninia impacto ba humanidade; Dr. Paulo Roffini, Prefeto Dicastério Comunicação nian hatoo kona ba Igreja ho Arteficial Intelegencia; Professor Denis Chang hato’o kona ba Legalidade no Aspeto politico husi AI, foca ba iha Neuro no direitos sira seluk no mos proteção ba vulnerável sira; Pe. Cirilo Vitor Joseph kona ba AI ho Missão no diálogo; ikus liu, Sr. Alexander Lopez kona ba AI ho ética husi prespetiva media católica nian.
Iha encontro nee alem de palestras ka conferência nebe espertos sira hatoo participantes sira mos halo discussão no partilha liu husi reflexão no oração nia laran kona ba uso meios de comunicacao sira liu liu usa AI iha sira ninia servico. Husi partilha nee bele hariku liu tan conhecemento no planos sira kona ba sira ninia comunicação no sira ninia uso dos meios de comunicação iha âmbito igreja nian, especialmente iha uso de AI atu halao knar no serviço sira evangelizacao nian.
DC-CET.