ASSEMBLEIA PLENÁRIA BISPO SIRA TIMOR-LESTE NIAN
DC-CET, 15 de Dezembro 2025
Conferência Episcopal Timorense (CET) iha segunda feira, 15 de Dezembro 2025 realiza assembleia plenária conferência epicopal nee nian iha sede CET nian iha Bidau Mota Klaran hodi hili fali Presidente Episcopal Timorense ba período 2026-2029. Durante ne’e knar Presidente CET nian husi tinan 2022-2025 Dom Norberto do Amaral, Bispo Diocese Maliana nian mak halao hela. Tuir Estatuto CET nian artigo 19 dehan katak Presidente CET ninia knar sei halao durante tinan 3 nia laran no wainhira ninia termo dahuluk nee hotu bele reelito fila fali ba segundo termo hodi halao nafatin knar nudar presidente durante tinan 3 nia laran tan. Ida nee hetan base iha Direito Canônico 452,455§5;456 nebe afirma katak mandato ba knar ida nee bele halao consecutivamente além de primeiros triénios.
Participa iha assembleia Plenária bispo sira Timor-Leste nian nebe halao iha Segunda feira semana ne’e mak membro sira hotu be composto husi bispos Arquidiocese Dili nian Dom Virgílio Cardeal do Carmo da Silva, Bispo Diocese Baucau nian Dom Leandro Maria Alves no Bispo Diocese Maliana nian Dom Norberto do Amaral. Eleição ba Presidente CET halao tuir Estatuto CET artigo 18 alinea 1 nebe hatudu katak sei realiza liu husi votação membro sira nian. Nune’e tuir resultado votação nian nebe halao iha assembleia plenária nee atu hili Presidente foun CET nian resultado hatudu katak Dom Virgílio Cardeal do Carmo da Silva mak eleito fali ba halao knar nudar Presidente CET nian ba período tinan 2025-2028.