Caritas Timor-Leste iha cooperação ho Caritas Macau nian halo pastoral caritativa ba kiik oan sira iha Timor-Leste hamutuk nain 250. Pastoral ida nee halo iha diocese tolu nebe existe iha Timor-Leste ne’e, liu-liu halo ba kiik oan sira no estudante sira ho idade nebe hanesan be hela iha área romota sira. Nune’e iha dia 6 de Fevereiro liu ba Caritas Timor-Leste realiza atividade nee dahuluk liu iha Diocese de Baucau, paróquia de São José Operário Baguia, ba kiik oan sira hamutuk 82, feto nain 41 no mane 41. Atividade nebe hanesan halo mos iha Arquidiocese Dili iha paróquia de Sagrado Coração de Jesus Oesilo no iha paróquia de São João Paulo II Passabe iha loron 3 fulan Março 2026. Iha paróquia Passabe sira nebe sai beneficiário ba atividade caritativa husi Caritas ne’e iha labarik hamutuk nain 42. Sira ne’e iha mane hamutuk nain 25 no feto iha 17. Husi fali paróquia Oesilo nian hamutuk nain 42 mos, mane nain 9 no feto 33.
Caritas Timor-Leste ninia atividade pastoral caritativa ba kiik oan sira ne’e continua nafatin ba too mos Diocese Maliana. Iha diocese ida ne’e sei realiza iha loron 9 fulan Março 2029. Ba Diocese Maliana nian halao iha paróquia Maubara ba kiik oan hamutuk nain 84. Husi ne’e mane hamutuk iha nain 40 no feto 44.
Patoral caritativa ne’e importante tebes hodi tulun kiik oan sira iha necessidade basica balun nebe sira iha maibe liu-liu atu hanorin sira husi kedas kiik nee ona hamoris iha sira ida-idak ninia-an espírito de caridade cristã.
Oras ne’e dadaun iha realização pastoral caritativa ida ne’e Caritas Timor-Leste serviço hamutuk hela ho Caritas Macau nian, ba futuro sei serviço hamutuk tan ho Caritas husi rai sira seluk nian hodi nune’e bele haklean no haboot liu tan atividade pastoral refere.
Por:Joao de Oliveira